Edwɛkɛ Mɔɔ Yɛbaha La Neazo

Fa bɔ Baebolo ɛzukoalɛ bo wɔ Folɛ mɔɔ lumua wɔ June

“Asɛɛ awie biala mɔɔ yɛ nee ye badendɛ la kpondɛ anzondwolɛ wɔ ewiade ye anu. Noko akee, konle tɛbɔ ɛkɛ. Ɛsuzu kɛ, duzu ati a anzondwolɛ ɛnle ewiade anu a?” Maa ɔbua. Akee fa June 1 Ɛzinzalɛ Arane ne kile ye, na bɛzuzu edwɛkɛ mɔɔ wɔ kpuyia mɔɔ lumua la abo nee ngɛlɛlera mɔɔ wɔ nu la anu ko anwo. Fa magazine ne maa ye, na yɛ ngyehyɛleɛ sia kɔ na bɛzuzu kpuyia mɔɔ doa zo la anwo.

Bɛyɛ ye nzonlɛ: Ɔwɔ kɛ bɛfa edwɛkɛ ɛhye bɛyɛ yɛkile wɔ daselɛlilɛ nyianu mɔɔ bɛbayɛ ye June 1 la anu.

Ɛzinzalɛ Arane June 1

“Yɛlɛfa mekɛ ekyi yɛakpɔla menli mɔɔ wɔ kpalɛ ye azo la na yɛ nee bɛ azuzu debie mɔɔ ta gyegye yɛ la anwo. Menli dɔɔnwo ɛyia adwenletane nwo ngyegyelɛ ɛlɛ. Ɛnea a ɛleka bie wɔ ewiade anu mɔɔ menli nwo adwenletane ɛnle ɛkɛ ɔ? [Maa ɔbua.] Tie kɛzi Nyamenle bu menli kɔsɔɔti la. [Kenga Gyima ne 10:34.] Magazine ɛhye ka kɛzi Nyamenle bava adwenletane ara awieleɛ bɔkɔɔ la anwo edwɛkɛ.”

Awake! June

“Yɛkulo kɛ yɛnwu wɔ adwenle wɔ deɛ ɛhye anwo. Yɛkulo kɛ yɛnyia asetɛnla kpalɛ. Ɛsuzu kɛ yɛbahola yɛanyia ɛhye ɔlua nwonane afoa nu ninyɛne dɔɔnwo mɔɔ yɛbadɔ la azo ɔ? [Maa ɔbua.] Tie edwɛkɛ mɔɔ Gyisɛse hanle la. [Kenga Luku 12:15.] Magazine ɛhye maa yɛnyia nwonane afoa nu ninyɛne nwo adwenle kpalɛ na ɔmaa yɛ nzuzulɛ mɔɔ baboa wɔ kɛzi yɛbade yɛ ezukoa mɔɔ yɛsɛkye ye azo la.”