Edwɛkɛ Mɔɔ Yɛbaha La Neazo

Fa bɔ Baebolo ɛzukoalɛ bo wɔ Folɛ mɔɔ lumua wɔ May

“Debie ko mɔɔ wɔ yɛ muala yɛ nwo la a le kɛ yɛ kɔsɔɔti yɛfo. Asoo wɔzuzu nwolɛ ɛlɛ kɛ amgba Nyamenle bava nyɛleɛ mɔɔ ɛnle kpalɛ fee la ahyɛ?” [Maa ɔbua.] Fa May 1 Ɛzinzalɛ Arane mukelɛ 15 edwɛkɛ ne kile ye, na bɛzuzu edwɛkɛ mɔɔ wɔ kpuyia ne mɔɔ lumua nee ngɛlɛlera mɔɔ wɔ nu la ko anwo. Fa magazine ne maa ye, na yɛ ngyehyɛleɛ sia kɔ na bɛzuzu kpuyia bieko mɔɔ doa zo la anwo.

Ɛzinzalɛ Arane May 1

“Yɛkulo kɛ yɛnwu wɔ adwenle wɔ edwɛkɛ ɛhye anwo. [Kenga 1 Dwɔn 4:8.] Menli dɔɔnwo die edwɛkɛ ɛhye to nu, noko bie mɔ dwenle kɛ Nyamenle ati yɛ se ɔluakɛ ɔmaa esiane si anzɛɛ ɔmaa adenle ɔmaa bɛsi. Kɛzi ɛdwenle nwo ɛ? [Maa ɔbua.] Magazine ɛhye maa yɛnwu ninyɛne bie mɔ mɔɔ ɔti ɔnle kɛ yɛbu Nyamenle kɛ ɔti yɛ se la.”

Awake! May

“Yɛlɛkpɔla yɛ gɔnwo mɔ na yɛ nee bɛ azuzu ɛtanelilɛ mɔɔ gyegye adwenle la anwo. Bie mɔ suzu kɛ yɛbahola yɛaha ɛtanelilɛ aze a ɔwɔ kɛ yɛnyia kpolisima dɔɔnwo. Kɛzi ɛdwenle nwo ɛ? [Maa ɔbua.] Ɛze kɛ Baebolo ne ɛbɔ ɛwɔkɛ kɛ ɛtanelilɛ bara awieleɛ ɔ? [Kenga Edwɛndolɛ 37:10, 11.] Magazine ɛhye ka ɛwɔkɛ ɛhye anwo edwɛkɛ na ɔmaa yɛnwu ninyɛne bie mɔ mɔɔ yɛbahola yɛayɛ yɛava yɛabɔ yɛ nwo bane yɛavi ɛtanelilɛ nwo la.”