Edwɛkɛ Mɔɔ Yɛbaha La Neazo

Fa bɔ Baebolo ɛzukoalɛ bo wɔ Folɛ mɔɔ lumua wɔ February

“Menli dɔɔnwo te nganeɛ kɛ ninyɛndane mɔɔ ɛlɛkɔ zo wɔ ewiade ye anu la vi Abɔnsam. Noko bɛbiza kɛ: ‘Nienwu a Abɔnsam vi rale a? Asoo Nyamenle bɔle ye?’ Kɛzi ɛdwenle nwo ɛ? [Maa ɔbua.] Tie edwɛkɛ ɛhye mɔɔ wɔ ɛke la.” Fa edwɛkɛ ne mɔɔ wɔ February 1 Ɛzinzalɛ Arane ne anzi la kile ye, na bɛzuzu ɛdendɛkpunli ne mɔɔ lumua nee ngɛlɛlera mɔɔ wɔ nu la anwo. Fa magazine ne maa ye, na yɛ ngyehyɛleɛ sia kɔ na bɛzuzu kpuyia bieko mɔɔ doa zo la anwo.

Ɛzinzalɛ Arane February 1

“Yɛkulo kɛ yɛnwu awie mɔɔ ɛsuzu kɛ Keleseɛnema, Dwuuma nee Ngɛnlamoma kɔsɔɔti bu ye kpole kpalɛ la. Sonla ɛhye a le Mosisi. Saa ɛte ye duma a, duzu a dumua ba wɔ adwenle nu a? [Maa ɔbua.] Mosisi vonle ɛdeɛ, noko kɛzi Baebolo ne ka ɔ nwo edwɛkɛ la yɛ anyelielɛ. [Kenga Mɛla ne 34:10-12.] Magazine ɛhye ka ye subane kpalɛ nsa nee kɛzi yɛbahola yɛazukoa ye la anwo edwɛkɛ.”

Awake! February

“Kenlensa ye, menli ta tu adenle kɔ maanle gyɛne nu kɛ bɛkakpondɛ asetɛnla kpalɛ. Ɛsuzu kɛ dahuu bɛ sa ka mɔɔ bɛkpondɛ la ɔ? [Maa ɔbua.] Maanle gyɛne nu ɛhɔlɛ ɛnle debie fofolɛ. Tie edwɛkɛ ɛhye mɔɔ wɔ Baebolo buluku mɔɔ lumua anu la. [Kenga Mɔlebɛbo 46:5, 6.] Magazine ɛhye suzu kpuyia ɛhye mɔ anwo.” Fa kpuyia ne mɔɔ wɔ mukelɛ 6 la kile suamenle ne.