Yɛ Intanɛte Gyimalilɛleka Ne—Fa Di Gyima Wɔ Daselɛlilɛ Nu
Kile Menli Intanɛte Gyimalilɛleka Ne: Menli bie mɔ mɔɔ bɛngulo kɛ bɛ nee yɛ kɛli adwelie anzɛɛ bɛkɛlie mbuluku la kulo kɛ bɛsukoa Gyihova Alasevolɛ anwo debie wɔ jw.org azo wɔ bɛ sua nu. Yemɔti dua adenle biala mɔɔ ɛkɛnyia la azo ka Intanɛte ɛleka ne anwo edwɛkɛ kile awie mɔ.
Bua Kpuyia: Ɔyɛ a suamenle, anyelielɛnli, anzɛɛ manivolɛ bie babiza Gyihova Alasevolɛ anzɛɛ yɛ diedi ne anwo kpuyia. Dua moba anzɛɛ kɔmputa zo bua ye ɛkɛ ne ala. Fane dɔɔnwo ne ala, ɔle kpalɛ kɛ ɛbagenga ngɛlɛlera ne wɔavi Baebolo ne anu. Saa ɛnlɛ debie mɔɔ bamaa wɔahɔ Intanɛte ne azo a, kile kɛzi ahenle bahola ahɔ jw.org azo na yeanwu mualɛ ne la.—Kɔ “Bible Teachings/Bible Questions Answered” anzɛɛ “About Us/Frequently Asked Questions.”
Fa Edwɛkɛ Anzɛɛ Buluku Nwa Awie Mɔɔ Ɛze Ye La: Twe PDF anzɛɛ EPUB na fa nwa awie wɔ Intanɛte zo. Anzɛɛ twe buluku mɔɔ wɔ CD zo mɔɔ bɛbɔ bɛtie la. Mekɛ biala mɔɔ ɛbava buluku, brohyua, anzɛɛ magazine bie amuala wɔamaa awie mɔɔ bɛtɛsɔnenle ye wɔ kɔmputa zo la, ɛbahola wɔabu ye kɛ wɔmaa buluku. Ɔnle kɛ yɛfa debie yɛnwa awie mɔɔ yɛnze ye yɛɛ ɔnle kɛ yɛfa ninyɛne dɔɔnwo yɛnwa. Eza ɔnle kɛ yɛfa yɛgua Intanɛte address ɛleka gyɛne.—Kɔ “Ninyɛne.”
Maa Bɛnwu Gyihova Alasevolɛ Anwo Edwɛkɛ Fofolɛ: Ɛhye baboa Baebolo sukoavoma nee awie mɔ mɔɔ ɛlɛkɔ bɛ ɛkɛ la yeamaa bɛahile anyezɔlɛ bɛamaa yɛ ewiade amuala gyima ne nee yɛ Keleseɛne koyɛlɛ ne. (Edw. 133:1)—Kɔ “News.”
[Edwɛkɛ mɔɔ bɛhyehyɛ wɔ mukelɛ 5]
(Ɛkulo kɛ ɛnwu edwɛkɛ mɔɔ bɛhyehyɛ la a, nea buluku ne anu)
Yɛ Nea
1 Wɔ “Ninyɛne” abo, kpondɛ debie mɔɔ ɛkulo kɛ ɛtwe la, na klik mɔɔ ɛkpondɛ kɛ ɛkenga anzɛɛ ɛbɔ ɛtie la azo.
2 Klik MP3 ne azo na maa ɔbuke edwɛkɛ mɔɔ wɔ ɛkɛ la. Klik edwɛkɛtile ne azo na twe anzɛɛ ▸ na tie wɔ Intanɛte zo.
3 Saa ɛkulo kɛ ɛtwe buluku bie wɔ aneɛ gyɛne nu a kpondɛ zɔhane aneɛ ne wɔ ɛkɛ.