Mɔɔ Ɔ Bo Ɛdelɛ Ɛnyɛ Se La Baboa Wɔ Ɔ?

Kɛkala bɛyɛ Ɛzinzalɛ Arane ne mɔɔ bɛsukoa la wɔ Nrelenza mɔɔ ɔ bo ɛdelɛ ɛnyɛ se la anu. Bɛyɛ bɛmaa (1) nolobɔlɛma mɔɔ ka Nrelenza mɔɔ edwɛkɛ mɔɔ ɔ bo ɛdelɛ ɛnyɛ se baboa bɛ la; (2) nolobɔlɛma mɔɔ tɛ Nrelenza a le bɛ sua zo aneɛ; (3) ngakula, mɔɔ bie mɔ wɔ mɔlebɛbo sukulu nee sukunwiɔ la; yɛɛ (4) Baebolo sukoavoma mɔɔ ɔhyia kɛ bɛka aneɛ mɔɔ ɔ bo ɛdelɛ ɛnyɛ se bɛkile bɛ na bɛade sunsum nu ninyɛne bo la.

Ɛdendɛkpunli nɔma, kpuyia, nee edwɛkɛtile ngyikyi ne mɔ nee Nrelenza ne mɔɔ bɛtɛkakyile ye la le ko. Nuhua edwɛkɛ ne le ko, noko edwɛkɛ ne abo ɛdelɛ ɛnyɛ se. Ɔwɔ nuhua kɛ Ɛzinzalɛ Arane Ɛzukoalɛ zo neavolɛ nee kengavolɛ mɔɔ wɔ Nrelenza asafo nu la banlea mɔɔ bɛfa bɛyɛ ye dɛba la anu, kyesɛ bɛnwu kɛ menli dɔɔnwo lɛ mɔɔ ɔ bo ɛdelɛ ɛnyɛ se la bie ɛdeɛ, noko menli mɔɔ lɛ mɔɔ ɔ bo ɛdelɛ ɛnyɛ se la banwu ngɛlɛlera nee nvoninli ko ne ala mɔɔ wɔ nu la amaa bɛali ɛdendɛkpunli ne mɔ ɛgengalɛ nzi na bɛamaa mualɛ. Yɛ Ye Nzonlɛ: Nolobɔlɛma mɔɔ bɛnle Nrelenza asafo nu la bɛanwu kɛ bɛfa Ɛzinzalɛ Arane ɛhye bɛyɛ bɛtianwo debiezukoalɛ a ɔbaboa bɛ.

Awie biala mɔɔ suzu kɛ ɔbaboa ye la ɔwɔ kɛ maa adiema ne mɔɔ nea magazine ne azo la kɛla bie maa ye.