Edwɛkɛ Mɔɔ Yɛbaha La Neazo

Fa bɔ Baebolo ɛzukoalɛ bo wɔ Folɛ mɔɔ lumua wɔ November

“Ɛdwenle kɛ menli mɔɔ bɔ mɔdenle kɛ bɛtie Nyamenle la anye die ɔ? [Maa ɔbua.] Edwɛkɛ ɛhye ka ninyɛne bie mɔ mɔɔ yɛ anyelielɛ la anwo edwɛkɛ.” Fa November 1 Watchtower ne ko maa ye, na bɛbɔ nu bɛgenga edwɛkɛ ne mɔɔ wɔ edwɛkɛtile ekyi ne mɔɔ lumua wɔ mukelɛ 16-17 abo la anu ko. Bɛgenga ngɛlɛlera mɔɔ wɔ nu la ko. Fa magazine ne maa ye na yɛ ngyehyɛleɛ sia kɔ ɛ nee ye ɛzuzu kpuyia mɔɔ doa zo la mualɛ ne anwo.

The Watchtower November 1

“Bie mɔ te nganeɛ kɛ mɔɔ Baebolo ne ka ye wɔ nla nwo la ɛkpa nwolɛ yɛɛ ɔle kyengye. Bie mɔ noko die mɔɔ Baebolo ne ka la to nu. Kɛzi ɛdwenle nwo ɛ? [Maa ɔbua.] Tie mɔɔ ɛhye ka ye wɔ Baebolo nu ngyinlazo nwo la. [Kenga 2 Temɔte 3:16.] Magazine ɛhye kile kɛzi Baebolo ne bua nla nwo kpuyia bulu mɔɔ bɛta bɛbiza la. Eza ɔkilehile kɛzi Baebolo nu ngyinlazo boa yɛ la anu.”

Awake! November

“Saa yɛnea ewiade ne mɔɔ yɛwɔ nu la kpalɛ a, ɛnea a duzu a ɔmaa yɛnwu ye a—kɛ Bɔvolɛ bie wɔ ɛkɛ anzɛɛ debie biala rale mgbane ala? [Maa ɔbua.] Mekɛ mɔɔ Baebolo kɛlɛvolɛ ko nleanle ewiade ne la ye edwɛkɛ mɔɔ ɔhanle la a wɔ ɛke la. [Kenga Wulomuma 1:20.] Magazine ɛhye kilehile debie mɔɔ abɔdeɛ nwo nrɛlɛbɛvolɛma ɛnwu ye wɔ sonla ngoane kɛkɛba nwo mɔɔ maa bɛte edwɛkɛ ne abo la anu.”