Nolobɔlɛ

◼ Buluku mɔɔ yɛbava yɛamaa wɔ October: Ɛzinzalɛ Arane nee Awake! magazine. Ɛleka mɔɔ bɛkɛhile nwolɛ anyelielɛ la bɛva trate ne mɔɔ se, Ɛkulo kɛ Ɛnwu Nɔhalɛ ne Ɔ? la bɛmaa na bɛbɔ mɔdenle bɛva bɛbɔ Baebolo ɛzukoalɛ bo. November: The Bible—What Is Its Message? Saa bɛnlɛ bie a, bɛbahola bɛava brohyua biala mɔɔ le mukelɛ 32 mɔɔ bɛlɛ bie la bɛamaa. December: The Greatest Man Who Ever Lived. Saa ngakula wɔ sua nu ɛkɛ a, bɛva buluku ne mɔɔ se, Learn From the Great Teacher anzɛɛ Me Buluku Mɔɔ Ɔka Baebolo Nu Edwɛkɛ la bɛmaa. January: Duzu A Baebolo ne Kilehile Amgba A? Bɛbɔ mɔdenle bɛva bɛbɔ Baebolo ɛzukoalɛ bo wɔ mekɛ mɔɔ lumua la anu. Saa suamenle ne mɔ lɛ buluku ne bie na bɛngulo kɛ bɛ nee bɛ yɛ Baebolo ɛzukoalɛ a, bɛva magazine dɛba anzɛɛ brohyua biala mɔɔ ahenle anye balie nwolɛ la bɛmaa.

◼ Yɛfa anyelielɛ yɛabɔ bɛ amaneɛ kɛ bɛbanyia maanlema Ɛzinzalɛ Arane ne wɔ Twi nu, ɔvi January 1, 2012 ɛdeɛ ne azo mɔɔ kɔ la. Bieko, bɛbazia bɛayɛ siane nsa biala Awake! ne wɔ Twi nu, bɛbava January-March 2012 ɛdeɛ ne a bɛabɔ ɔ bo a. Yɛlɛsi menli kɔsɔɔti adua kɛ bɛva magazine ɛhye mɔ bɛyɛ bɛtianwo debiezukoalɛ na bɛva bɛmaa wɔ daselɛlilɛ nu.

◼ Bɛva July 15, 2011, The Watchtower ɛdeɛ ne bɛbɔ mɔɔ ye ɛgengalɛ ɛnyɛ se la abo wɔ Nrelenza nu. Menli mɔɔ bɛnle Nrelenza asafo nu la bahola alie bie na bɛazukoa.