Mɔɔ Yɛbaha Ye Magazine Ne Anwo

The Watchtower December 1

“Ɛdie ɛto nu kɛ ɔta ɔyɛ se ɔmaa menli mɔɔ bɛle awovolɛ ko la ɔtɛla awovolɛ mɔɔ bɛle agyalɛma la ɔ? [Maa ɔbua.] Baebolo ne ka kile yɛ kɛ yɛdwenle menli mɔɔ bɛwɔ ngyegyelɛ nu la anwo. [Kenga Edwɛndolɛ 41:1.] Edwɛkɛ ne mɔɔ wɔ mukelɛ 22 la kilehile kɛzi yɛbahola yɛadwenle menli mɔɔ bɛle awovolɛ ko anwo la.”

Awake! December

“Menli dɔɔnwo ɛbiza kɛ, ‘Saa Nyamenle wɔ ɛkɛ a, ɛnee duzu ati a ɔnye Abɔnsam ɔnvi ɛkɛ a?’ Wɔdwenle nwolɛ ɛlɛ ɔ? [Maa ɔbua.] Edwɛkɛ ɛhye mɔɔ wɔ mukelɛ 10 nee 11 la gyinla Baebolo ne azo bua zɔhane kpuyia ne. Eza ɔmaa yɛnwu kɛzi ewiade ye bayɛ wɔ mekɛ mɔɔ bɛye Abɔnsam bɛvi ɛkɛ la.” Kenga Yekile 21:3, 4.

The Watchtower January 1

“Menli dɔɔnwo die di kɛ Yidɛn tola ne anwo edwɛkɛ le nwɔra. Saa ɛnwu kɛ Gyisɛse hanle Adam nee Yive anwo edwɛkɛ kɛ bɛdɛnlanle aze amgba a ɔbazi ɛ nwo ɔ? [Maa ɔbua. Akee kenga Mateyu 19:4-6.] Magazine ɛhye bua Yidɛn tola ne anwo kpuyia bie mɔ mɔɔ bɛta bɛbiza la.”

Awake! January

Fa ɔ nzi ne kile ye na biza kɛ, “Kɛzi ɛbabua kpuyia ɛhye ɛ? [Maa ɔbua.] Ngɛlɛlera ne tu yɛ folɛ kɛ yɛyɛ menli mɔɔ yɛkulo anzondwolɛ a. [Kenga Gyemise 3:17.] Saa ye zɔhane a, ɛnee kɛmɔti a ɛzonlenlɛ ɛtɛkanle menli ɛtɛbɔle nu ɛ? Asoo ɛzonlenlɛ bava anzondwolɛ ara kenlebie? Magazine ɛhye suzu zɔhane kpuyia ne mɔ mualɛ nwo.”