Mɔɔ Yɛbaha Ye Magazine Ne Anwo

The Watchtower October 1

“Ɔsi menli dɔɔnwo anwo saa yɛ adwenledwenle nee yɛ nyanelilɛ fane Nyamenle anwo a. Kɛzi ɛdwenle nwo ɛ? [Maa ɔbua. Akee kenga Edwɛndolɛ 34:18.] Edwɛkɛ ne mɔɔ wɔ mukelɛ 19 la suzu kɛzi Nyamenle boa yɛ maa yɛdi nganeɛ mɔɔ yɛte kɛ yɛnfɛta, alɔbɔlɛ mɔɔ yɛdi yɛmaa ɔbo zo nee yɛ nwo mɔɔ yɛbua ye fɔlɛ dɔɔnwo la anwo gyima.”

Awake! October

“Bie mɔ bu Nyamenle kɛ ɔnde nganeɛ biala. Bie mɔ noko bu ye kɛ ɔle sonla mɔɔ te nganeɛ a. Kɛzi ɛdwenle nwo ɛ? [Maa ɔbua.] Tie edwɛkɛ ɛhye mɔɔ yɛ anyelielɛ la. [Kenga 1 Pita 5:6, 7.] Edwɛkɛ ne mɔɔ wɔ mukelɛ 29 la dua Baebolo ne azo bua kpuyia ne mɔɔ se, Asoo Nyamenle le sonla amgba?”

The Watchtower November 1

“Yɛ muala yɛkulo kɛ yɛte nganeɛ kɛ yɛ kunlu dwo yɛ nwo. Asoo ɛdwenle kɛ ɔwɔ kɛ yɛnyia ezukoa na yɛ kunlu adwo yɛ nwo ɔ? [Maa ɔbua.] Baebolo kɛlɛvolɛ ko nwunle kɛ saa ɔnlɛ ezukoa bɔbɔ a ɔwɔ kɛ ɔmaa ɔ kunlu dwo ɔ nwo. [Kenga Felepaema 4:11, 12.] Magazine ɛhye maa yɛnwu Baebolo ne anu ninyɛne nnu mɔɔ maa yɛnyia ahunlundwolɛ la.”

Awake! November

“Menli bie mɔɔ bɛnlie Nyamenle bɛnli la ka ninyɛndane mɔɔ bɛyɛ ye wɔ Nyamenle duma nu la anwo edwɛkɛ na bɛte nganeɛ kɛ saa ɛzonlenlɛ ɛnle ewiade a anrɛɛ ɔbayɛ ɛleka kɛnlɛma. Kɛzi ɛdwenle nwo ɛ? [Maa ɔbua.] Adwenle ko mɔɔ ɔti adalɛ ɛzonlenlɛ ɛva amaneɛnwunlɛ ɛra la a wɔ ɛke la. [Kenga 2 Temɔte 4:3, 4.] Magazine ɛhye maa yɛnwu nvonleɛ bie mɔ mɔɔ wɔ menli mɔɔ ɛnlie Nyamenle ɛnli adwenle ne anwo la.”