Mɔɔ Yɛbaha ye Magazine ne Anwo

The Watchtower November 1

“Ɔle kɛ asɛɛ mbusua wɔ ngyegyelɛ dɔɔnwo anu. Saa menli mɔɔ wɔ abusua nu la sukoa Gyisɛse subane ɛhye a, kɛzi ɔbaha abusua ne ɛ? [Kenga Mateyu 20:28. Akee maa ɔbua.] Edwɛkɛ ɛhye ka ɛzukoalɛdeɛ nnu mɔɔ mbusua bahola azukoa avi Gyisɛse neazo ne anu la anwo edwɛkɛ.” Fa edwɛkɛ ne mɔɔ wɔ mukelɛ 16 la kile ye.

Awake! November

“Asoo ɛbu ɛzonlenlɛ kɛ ɔfa ɛlɔlɛ nee anzondwolɛ anzɛɛ ɛkpɔlɛ nee basabasayɛlɛ ɔba? [Maa ɔbua.] Ɔle kɛ asɛɛ menli dɔɔnwo ɛnva Gyisɛse edwɛkɛ ɛhye ɛnli gyima la. [Kenga Mateyu 5:44, 45.] Edwɛkɛ ɛhye bua kpuyia ne mɔɔ se, Asoo yɛkola yɛkulo yɛ kpɔvolɛma?” Fa edwɛkɛ ne mɔɔ wɔ mukelɛ 10 la kile ye.

The Watchtower December 1

“Asoo ɛdwenle kɛ Nyamenle bava amaneɛnwunlɛ mɔɔ wɔ ewiade ye anu la ara awieleɛ kenlebie ɔ? [Maa ɔbua.] Nea kɛzi Baebolo ɛwɔkɛ ɛhye maa yɛnyia anyelazo la. [Kenga ngɛlɛlera ne mɔɔ wɔ ɛlɛka ne mɔɔ wɔ mukelɛ 7 la anu ko.] Magazine ɛhye kile mɔɔ Baebolo ne ka wɔ mekɛ nee kɛzi Nyamenle bava amaneɛnwunlɛ kɔsɔɔti ara awieleɛ la.”

Awake! December

“Menli bie mɔ die di kɛ bɛbɔle ewiade ye, bie mɔ noko die di kɛ ɔrale mgbane ala mɔɔ bodane biala ɛnle nwo a. Kɛzi ɛdwenle nwo ɛ? [Maa ɔbua.] Tie mɔɔ Baebolo ne ka ye wɔ nwolɛ la. [Kenga Hibuluma 3:4.] Magazine ɛhye kilehile ewiade ne mɔlebɛbo nee bodane mɔɔ wɔ nwolɛ la anu.”