Dapɛne Ngyehyɛleɛ Maa May 11

DAPƐNE MƆƆ BƆ Ɔ BO MAY 11

Edwɛne 117

□ Asafo Baebolo Ɛzukoalɛ:

lv-NZ mok. tile ekyi mɔɔ wɔ m. 209 kɔdwu tile ekyi mɔɔ wɔ m. 212

□ Teokelase Ɛzonlenlɛ Sukulu:

Baebolo ɛgengalɛ: Adendulɛ 27-29

No. 1: Adendulɛ 29:1-18

No. 2: Debie Mɔɔ Maa Anyelielɛ (lr tile 17)

No. 3: Nɔhalɛ Mɔɔ Bɛnli nee Esiane Mɔɔ wɔ Nu

□ Ɛzonlenlɛ Nyianu:

Edwɛne 43

5 min: Nolobɔlɛ.

10 min: Ɛbahola Wɔayɛ Adekpakyelɛ Boavolɛ wɔ Mekɛ Mɔɔ Bɛmaa Adenle La Ɔ? Tievolɛma adawubɔlɛ mɔɔ gyi Organized buluku ne mukelɛ 112-113 azo la. Kile debie mɔɔ maa awie fɛta kɛ ɔyɛ bie la, na maa menli mɔɔ yɛle adekpakyelɛ boavolɛ gyima ne bie la ɛha nyilalɛ mɔɔ bɛnyianle la anwo edwɛkɛ. Maa bɛ muala, titile sukoavoma mɔɔ bɛbamaa adenle wɔ June kɔdwu September la, anwosesebɛ kɛ bɛyɛ adekpakyelɛ gyima ne bie.

10 min: Bɛziezie Bɛ Nwo Bɛmaa Daselɛlilɛ kɛ Abusua! Fa mekɛ ekyi bizebiza abusua tile nwiɔ mɔɔ fa mekɛ mɔɔ bɛfa bɛyɛ Abusua Ɛzonlenlɛ ne bie siezie bɛ nwo maa daselɛlilɛ la edwɛkɛ. Kɛzi bɛsiezie bɛ nwo ɛ, na kɛzi anwoziezielɛ ɛhye ɛyɛ moalɛ ɛmaa bɛ ɛ? Yɛ kɛzi abusua tile ko fa zɔhane mekɛ ne siezie ɔ nwo maa magazine gyima ne la anwo yɛkile.

10 min: “Kilehile Maa Nuhua Ɛla Ɛkɛ.” Kpuyia nee mualɛ adawubɔlɛ.

Edwɛne 158