Ɛzonlenlɛ Gyima Anyuhɔlɛ

Yɛvale mbuluku dodo mɔɔ tɛla biala 52,729 yɛmanle wɔ September anu. Ɛhye bo ɛkenle ɛvolɛ ne siane ɛhye ɛdeɛ ne azo fane nwiɔ. Eza bɛkpale adekpakyelɛma fofolɛ 124—ɛhye le ɛkenle ɛvolɛ ne siane ɛhye deɛ ne ɛya ko ngyɛnu 20! Yɛ nye la kɛ bɛbanyia ndetelɛ dɔɔnwo wɔ Adekpakyelɛ Ɛzonlenlɛ Sukulu ne anu wɔ ɛvolɛ ɛhye anu. Nolobɔlɛma kɔsɔɔti, titile ngakula bɛahola ayɛ nzenzaleɛ na bɛava bɛ nwo bɛawula adekpakyelɛ gyima ne anu amaa bɛ nye alie kpole.