Nolobɔlɛ

◼ Buluku mɔɔ yɛbava yɛamaa wɔ January: Duzu A Baebolo ne Kilehile Amgba A? Saa suamenle ne mɔ lɛ buluku ne bie a, nolobɔlɛma bahola ava buluku biala mɔɔ le mukelɛ 192 mɔɔ bɛyɛ wɔ kɛlata mɔɔ ye kɔla kola kakyi anzɛɛ buluku biala mɔɔ bɛyɛle kolaa na 1992 la amaa. February: Bɛva mbuluku ɛhye mɔ anu ko mɔɔ bɛlɛ la bɛmaa. Is There a Creator Who Cares About You?, The Secret of Family Happiness, anzɛɛ The Bible—God’s Word or Man’s? March: Bɛva Duzu A Baebolo ne Kilehile Amgba A? bɛmaa. Bɛbɔ mɔdenle bɛva bɛbɔ Baebolo ɛzukoalɛ bo. April: Yɛbava The Watchtower nee Awake! magazine yɛamaa.

◼ Ɔvi March mɔɔ kɔ la, maanzinli zo neavolɛma bɛamaa bagua nu ɛdendɛlɛ fofolɛ mɔɔ se “Kpo Ewiade Nzuzulɛ, Kpondɛ Belemgbunlililɛ Nɔhalɛ Ne” la.

◼ Ɔwɔ kɛ asafo ne mɔ yɛ ngyehyɛleɛ mɔɔ fɛta la fa di ɛvolɛ ɛhye anu Ngakyelɛlilɛ ne wɔ Kule, April 9, mekɛ mɔɔ ewia ne ɛhɔdɔ la. Ɔwɔ kɛ asafo biala bɔ mɔdenle kɛ ɔkɛli ye Ngakyelɛlilɛ ɛdeɛ. Ɛleka mɔɔ asafo dɔɔnwo yia wɔ Belemgbunlililɛ Asalo ko anu la, bie a asafo ko anzɛɛ dɔɔnwo bahola akpondɛ ɛleka gyɛne ayɛ bɛ Ngakyelɛlilɛ ɛdeɛ. Saa ɔkɛyɛ boɛ a, yɛsuzu kɛ yeanyɛ boɛ fee la bɛmaa mitini 40 ɛla ngyehyɛleɛ ko biala avinli amaa bɛ muala bɛahola bɛala agɔnwolɛvalɛ ali wɔ Ngakyelɛlilɛ ne anzi.

◼ Ɔwɔ kɛ mgbanyima ne mɔ yɛ ngyehyɛleɛ maa aneɛ ekpunli anzɛɛ mumule aneɛ biala mɔɔ wɔ bɛ azɛlɛsinli ne anu la yɛ ye Ngakyelɛlilɛ ɛdeɛ. Ɔwɔ kɛ bɛkpa tendɛvolɛ mɔɔ bɔ mɔdenle la na bɛmaa ye Ngakyelɛlilɛ ɛdendɛlɛ kɛlata (S-31) ne ko. Bɛbava menli dodo mɔɔ bahɔ ekpunli ne ɛdeɛ ne abo la bɛaboka asafo ne ɛdeɛ ne anwo bɛanwa ɔfese ne ndɛndɛ.