Nolobɔlɛ

◼ Buluku mɔɔ yɛbava yɛamaa wɔ December: Bɛva The Greatest Man Who Ever Lived buluku ne bɛmaa. Saa menli ka kɛ bɛlɛ ngakula a, bɛva Learn From the Great Teacher bɛmaa. January: Duzu A Baebolo ne Kilehile Amgba A? Saa suamenle ne mɔ lɛ buluku ne bie a, nolobɔlɛma bahola ava buluku biala mɔɔ le mukelɛ 192 mɔɔ bɛyɛ wɔ kɛlata mɔɔ ye kɔla kola kakyi anzɛɛ buluku biala mɔɔ bɛyɛle kolaa na 1992 la amaa. February: Bɛva mbuluku ɛhye mɔ anu ko mɔɔ bɛlɛ la bɛmaa. Is There a Creator Who Cares About You?, The Secret of Family Happiness, anzɛɛ The Bible—God’s Word or Man’s? March: Bɛva Duzu A Baebolo ne Kilehile Amgba A? bɛmaa. Bɛbɔ mɔdenle bɛva bɛbɔ Baebolo ɛzukoalɛ bo.

◼ Bɛnlea kɛ bɛbava Yeartext Banners fofolɛ ne mɔɔ ɔfese ne ɛyɛ ɛva ɛnwa bɛ la bɛabɔ bɛ Belemgbunlililɛ Asalo ɛkɛ ne ndɛndɛ wɔ January 1. (Bɛnlea August Yɛ Belemgbunlililɛ Gyima ne anu Nolobɔlɛ ne.) Ɛvolɛ edwɛkɛ ne se: ‘Di edwɛkpa ne anwo daselɛ wie.’—Gyi. 20:24.

◼ Ɔvi January 1, 2009 mɔɔ kɔ la, bɛnrɛva duma “ebianutɛnlavolɛ” bɛnrɛli gyima bieko. Bɛbahakyi ye bɛayɛ ye “mgbanyima avinli ngitanwodivolɛ.”

◼ Ɛzonlenlɛ Ɛvolɛ Awieleɛ Mgbondabulɛ: Mediema, yɛyɛ bɛ mo! Ɛzonlenlɛ ɛvolɛ ne rale awieleɛ kɛnlɛma. Yɛnyianle nolobɔlɛma mɔɔ tɛla biala mɔɔ tɔ zo nsia 90,243 wɔ August 2008. Saa yɛkyehyɛ nu a nolobɔlɛnli biala vale kɛyɛ dɔnehwele nsa nee foa hɔle daselɛlilɛ dapɛne biala. Wɔ ɛvolɛ ne anu bɛzɔnenle nolobɔlɛma 5,173. Yɛkanvo bɛ wɔ mɔdenle mɔɔ bɛbɔle wɔ daselɛlilɛ nu la anwo. Yɛ nye la kɛ yɛbaboa Baebolo sukoavoma mɔɔ bo 250,000 la anu dɔɔnwo yɛamaa bɛayila bɛ nwo zo na bɛazɔne bɛ. Yɛ nye ɛlie kɛ yɛnwu kɛ Gyihova ɛlɛyila yɛ mɔdenlebɔlɛ ne azo la. Ɔrɛla ye kɛ yɛ kɔsɔɔti yɛkɛhɔ zo ‘yɛkɛli daselɛ yɛkɛwie’ (Gyi. 20:24) Yɛkakye kɛlɛhɛlɛvolɛma mɔɔ wɔ ɛleka mɔɔ posuɔfese gyima ɛngɔ zo la kɛ bɛvɛlɛ ɔfese ne wɔ telefuu zo bɛva bɛ mgbondabulɛ ne bɛmaa kolaa na bɛaposu.