Ɛzonlenlɛ Nyianu Ngyehyɛleɛ
BƐYƐ YE NZONLƐ: Bɛbayɛ Ɛzonlenlɛ Nyianu nwo ngyehyɛleɛ wɔ Yɛ Belemgbunlililɛ Gyima ne anu dapɛne biala wɔ siane ne mɔ mɔɔ bɛbayɛ nyianu ne wɔ nu la anu. Asafo ne mɔ bahola ayɛ nzenzaleɛ kɛmɔ ɔhyia la amaa bɛahola bɛahɔ “Nyamenle Sunsum Kile Yɛ Adenle” Maangyeba Nyianu ne bie. Saa ɔkɛyɛ boɛ a, Ɛzonlenlɛ Nyianu mɔɔ li awieleɛ mɔɔ bɛbayɛ kolaa na bɛahɔ nyianu ne la anu, bɛva mitini 15 bɛzi folɛdulɛ nee ngakyelɛ mɔɔ wɔ kɛlata mɔɔ vea siane ɛhye ɛdeɛ ne anu mɔɔ fɛta bɛ ɛkɛ ne la azo. Saa bɛkɔ bɛ nyianu ne bɛba a, siane ko anzɛɛ nwiɔ anu bɛva Ɛzonlenlɛ Nyianu ne anu mitini 15 kɔdwu 20 (asafo nu ngyianlɛ ɛleka ne) bɛzuzu nyianu ne anu edwɛkɛ bie mɔ mɔɔ nolobɔlɛma ɛnwu kɛ ɔbaboa bɛ wɔ ɛzonlenlɛ gyima ne anu la anwo. Ɔwɔ kɛ ɛzonlenlɛ gyima zo neavolɛ ne anzɛɛ kpanyinli mɔɔ bɔ mɔdenle la yɛ ndinu ne. Maa tievolɛma ɛha kɛzi bɛlɛfa anzɛɛ bɛyɛ kɛ bɛbava edwɛkɛ ne bɛali gyima wɔ bɛ daselɛlilɛ nu la anwo edwɛkɛ.
Dapɛne Mɔɔ Bɔ Ɔ Bo November 10
Edwɛne 205
10 min: Asafo nu nolobɔlɛ. Fa mekɛ ekyi ka July Ɛzonlenlɛ Mgbondabulɛ ne anwo edwɛkɛ na kanvo bɛ muala wɔ bɛ mɔdenlebɔlɛ nwo. Fa edwɛkɛ mɔɔ ɛzonlenlɛ gyima zo neavolɛ ne ɛva ɛmaa wɔ anyuhɔlɛ mɔɔ asafo ne ɛnyia wɔ kɛzi bɛvale tract ne mɔɔ se Ɛkulo kɛ Ɛnwu Nɔhalɛ ne Ɔ? bɛyɛle gyima wɔ azɛlɛsinli ne anu la boka nwo. Kɛmɔ nolobɔlɛma dɔɔnwo ɛlɛfa November 1 Watchtower nee November Awake! amaa la ati, maa mediema ɛha kɛzi bɛyɛle bɛvale magazine ne mɔ bɛmanle na yeboa la anwo edwɛkɛ.
10 min: Kpuyia Ɛleka mɔɔ wɔ mukelɛ 6.a Tievolɛma adawubɔlɛ. Wɔ ɛdendɛkpunli 5 ne, maa bɛnwu ye kɛ ngyinlazo ko ne ala mɔɔ fane adalɛ ɛzonlenlɛ mɔɔ bɛfa bɛ nwo bɛwula nu nee ɛzonlenlɛ nu amodinli mɔɔ bɛfa bɛdi gyima la ka Alasevolɛ mɔɔ wɔ nwomazukoalɛ ɛleka mɔɔ ɛzonlenlɛ eku bie a ɛbuke anu la.
25 min: “Sunsum nu Aleɛlilɛ nee Anyelielɛ Mekɛ.”b Ɔwɔ kɛ asafo kɛlɛhɛlɛvolɛ ne di nwolɛ gyima. Kile nyianu ne mɔɔ asafo ne bahɔ la. Ka ɛleka ne mɔɔ se “Maangyeba Nyianu Ngakyelɛ” la anwo edwɛkɛ.
Edwɛne 197
Dapɛne Mɔɔ Bɔ Ɔ Bo November 17
Edwɛne 80
10 min: Asafo nu nolobɔlɛ. Yɛ Belemgbunlililɛ Gyima ne anu Nolobɔlɛ mɔɔ bɛkpa. Ka “Maanzinli Nyianu Ngyehyɛleɛ Fofolɛ” ne anwo edwɛkɛ. Saa ɛze mekɛ mɔɔ bɛbayɛ maanzinli nyianu bieko a ka.
15 min: Kpuyia Ɛleka mɔɔ wɔ mukelɛ 7.c
20 min: “Ɛbahola Wɔayɛ Kilehilevolɛ!”d Bizebiza nolobɔlɛnli anzɛɛ adekpakyelɛnli mɔɔ ɛnee te nganeɛ kɛ ɔnrɛhola ɔnrɛyɛ Baebolo ɛzukoalɛ la edwɛkɛ. Kɛzi ɔvale ɔ nwo ɔdole Gyihova moalɛ zo ɛ? Ndenle fɔɔnwo boni azo a ahyehyɛdeɛ ne ɛboa ye ɛmaa ɔkola ɔyɛ bie ɛ? Nyilalɛ boni a yenyia wɔ Baebolo ɛzukoalɛ mɔɔ ɔyɛ la anu a?
Edwɛne 143
Dapɛne Mɔɔ Bɔ Ɔ Bo November 24
Edwɛne 217
10 min: Asafo nu nolobɔlɛ. Kenga ezukoa nwo mgbondabulɛ nee kɛlata mɔɔ kile kɛ Bɛtɛle asa ɛha ezukoa mɔɔ bɛvale bɛnwanle la. Ka buluku mɔɔ yɛbava yɛamaa wɔ December la anwo edwɛkɛ, na maa bɛyɛ ko anzɛɛ nwiɔ anwo yɛkile.
15 min: Nyia Ɛlɔlɛ nee Atiakunlukɛnlɛma sunsum. Ɛdendɛlɛ mɔɔ kpanyinli maa mɔɔ gyi November 15, 2008, Watchtower, mukelɛ 6-7 azo la.
20 min: “Yɛlɛ Ninyɛne Kpalɛ Yɛfa Yɛmaa.”e Saa ɛlɛsuzu ɛdendɛkpunli 2 ne anwo a, maa mediema ɛha Baebolo ne anu nɔhalɛ wienyi mɔɔ manle bɛrale Gyihova ahyehyɛdeɛ ne anu anzɛɛ mɔɔ bɛ nye ɛlie nwolɛ kpalɛ sumunli kɛ bɛzɔnenle bɛ la anwo edwɛkɛ.
Edwɛne 71
Dapɛne Mɔɔ Bɔ Ɔ Bo December 1
Edwɛne 84
10 min: Asafo nu nolobɔlɛ. Kakye nolobɔlɛma maa bɛva bɛ November ɛzonlenlɛ mgbondabulɛ bɛmaa. Ka “Kenle Ko Nyianu Titile Ngyehyɛleɛ Fofolɛ” ne anwo edwɛkɛ, saa ɛze mekɛ mɔɔ bɛbayɛ kenle ko nyianu titile bieko a ka.
15 min: Anwubielɛ yɛɛ December 1 Watchtower nee December Awake! mɔɔ yɛfa yɛamaa. Maa asafo ne ɛde azɛlɛsinli dodo mɔɔ bɛvale Ɛkulo kɛ Ɛnwu Nɔhalɛ ne Ɔ? bɛyɛle nuhua gyima la. Maa mediema ɛha anwubielɛ sikalɛ mɔɔ bɛnyianle wɔ mekɛ mɔɔ ɛnee bɛlɛfa tract ne bɛamaa anzɛɛ bɛlɛfa bɛayɛ Baebolo ɛzukoalɛ la. Eza ka anwubielɛ mɔɔ bɛnyianle wɔ mekɛ mɔɔ ɛnee bɛlɛfa Baebolo ne Kilehile buluku ne bɛamaa wɔ November la anwo edwɛkɛ. Akee maa bɛ kɔsɔɔti anwosesebɛ maa bɛzuzu edwɛkɛ mɔɔ bɛhile kɛ yɛha na yɛava December magazine ne yɛamaa mɔɔ wɔ mukelɛ 8 la. Ɔwɔ kɛ bɛ muala bɛnwu edwɛkɛ mɔɔ menli nye balie nwo kpalɛ wɔ bɛ azɛlɛsinli ne anu, yɛɛ kpuyia nee ngɛlɛlera mɔɔ bɛbahola bɛava bɛabɔ adawubɔlɛ bo la. Maa mgbanyima ne mɔ ko ɛyɛ nuhua edwɛkɛ mɔɔ fɛta bɛ azɛlɛsinli ne mɔɔ yeziezie kɛ ɔbaha yeava yeabɔ adawubɔlɛ bo anzɛɛ mɔɔ wɔ Yɛ Belemgbunlililɛ Gyima ne mukelɛ 8 la anwo yɛkile sikalɛ.
20 min: “Siezie Menli Mɔɔ Bɛle Fofolɛ La Maa Bɛgyinla Dwazotia Nloa.”f Saa ɛlɛsuzu ɛdendɛkpunli 2 ne anwo a, fa mekɛ ekyi suzu kɛzi edwɛkɛ mɔɔ wɔ Reasoning buluku ne anu mɔɔ se “Jehovah’s Witnesses” bahola aboa Baebolo sukoavoma yeamaa babua kpuyia mɔɔ bɛ mbusua nee bɛ gɔnwo mɔ kɛbiza bɛ la.
Edwɛne 105
[Ɔ bo ɛkɛ ne edwɛkɛ ne mɔ]
a Mmamaa mukenye edwɛkɛ ne dwu mitini ko, na fa kpuyia nee mualɛ di nwolɛ gyima.
b Mmamaa mukenye edwɛkɛ ne dwu mitini ko, na fa kpuyia nee mualɛ di nwolɛ gyima.
c Mmamaa mukenye edwɛkɛ ne dwu mitini ko, na fa kpuyia nee mualɛ di nwolɛ gyima.
d Mmamaa mukenye edwɛkɛ ne dwu mitini ko, na fa kpuyia nee mualɛ di nwolɛ gyima.
e Mmamaa mukenye edwɛkɛ ne dwu mitini ko, na fa kpuyia nee mualɛ di nwolɛ gyima.
f Mmamaa mukenye edwɛkɛ ne dwu mitini ko, na fa kpuyia nee mualɛ di nwolɛ gyima.