Ɛzonlenlɛ Nyianu Ngyehyɛleɛ
Dapɛne Mɔɔ Bɔ Ɔ Bo October 13
Edwɛne 174
10 min: Asafo nu nolobɔlɛ. Kile bɛ ɛkɛ ne tract nolobɔlɛ titile ne mɔɔ babɔ ɔ bo October 20 la anwo ngyehyɛleɛ mɔɔ bɛyɛ la na maa bɛ kɔsɔɔti anwosesebɛ kɛ bɛtɛdiele tract ne bie a ɛnee bɛlie bie. Ka edwɛkɛ mɔɔ bɛhile kɛ yɛha na yɛava October 1 Watchtower nee October Awake! yɛamaa mɔɔ wɔ mukelɛ 8 la anwo edwɛkɛ sikalɛ. Kɛmɔ nolobɔlɛma dɔɔnwo ɛva magazine ɛhye mɔ ɛmaa wɔ dapɛne ekyi anu la ati, maa mediema ɛha anwubielɛ mɔɔ bie a bɛnyia la.
35 min: “Asafo Dapɛne Debiezukoalɛ Ngyehyɛleɛ Fofolɛ.”a Saa mekɛ wɔ nu a, kenga ngɛlɛlera ne mɔ na maa mediema ɛha nwolɛ edwɛkɛ.
Edwɛne 216
Dapɛne Mɔɔ Bɔ Ɔ Bo October 20
Edwɛne 113
5 min: Asafo nu nolobɔlɛ. Yɛ Belemgbunlililɛ Gyima ne anu Nolobɔlɛ mɔɔ bɛkpa.
20 min: Ɛ Ra Le Nolobɔlɛnli Mɔɔ Bɛtɛsɔnenle Ye Ɔ? Ɛdendɛlɛ nee tievolɛma adawubɔlɛ mɔɔ gyi May 2007 Our Kingdom Ministry ne anu edwɛkɛ mɔɔ se “Teach Your Children to Praise Jehovah” la azo. Ɔwɔ kɛ kpanyinli mɔɔ ye abusua yɛ neazo kpalɛ la di nwolɛ gyima. Eza ka “Helping Young People” mɔɔ wɔ Organized to do Jehovah’s Will buluku ne, mukelɛ 82 la anwo edwɛkɛ. Mgbondabulɛ kile kɛ ngakula dɔɔnwo mɔɔ bahola ayɛ nolobɔlɛma mɔɔ bɛtɛsɔnenle bɛ la ɛngɔ daselɛlilɛ. Awovolɛ nee mgbanyima bie mɔ bahola adwenle kɛ saa kakula fa ɔ nwo wula Teokelase Ɛzonlenlɛ Sukulu ne anu a ɛnee bɛlɛnyia sunsum nu anyuhɔlɛ mɔɔ fɛta la. Noko akee, awie diedi mɔɔ ɔka nwolɛ edwɛkɛ wɔ bagua nu kɛ edwɛkpa ne anwo nolobɔlɛnli la maa bɛnwu ahenle kɛ ɔle Gyihova Dasevolɛ na ɔle debie mɔɔ hyia na bɛazɔne awie a. (Hib. 10:23) Ɛzonlelilɛ titile la awovolɛ nwo zo kɛ bɛboa bɛ mra bɛmaa bɛnyia anyuhɔlɛ wɔ Nɔhalɛ ne anu. Ɔwɔ kɛ bɛnyia adwenle kpalɛ, na bɛmaa bɛ nye bolo kɛ bɛboa bɛ mra bɛamaa bɛafɛta kɛ nolobɔlɛma mɔɔ bɛtɛsɔnenle bɛ la. Ɔwɔ kɛ mgbanyima noko fa anyelielɛ boa ngakula mɔɔ wɔ bɛ asafo ne anu la maa bɛfɛta kɛ nolobɔlɛma. Wɔ siane mɔɔ ɛlɛba la anu, maanzinli zo neavolɛma bɛabɔ mɔdenle titile amaa awovolɛ anwosesebɛ kɛ bɛboa bɛ mra bɛmaa bɛfɛta kɛ bɛkɛhɔ daselɛlilɛ. Ɔwɔ kɛ mgbanyima nee azonvolɛ bɔ mɔdenle yɛ neazo kpalɛ maa mboane ne wɔ ɛhye anwo.—1 Pita 5:3.
20 min: Siezie Ɛ Nwo Fa November 1 Watchtower nee November Awake! Maa.b Saa ɛfa edwɛkɛ sikalɛ ɛbuke magazine ne mɔ anye ɛwie a, maa mediema ɛha nuhua edwɛkɛ mɔɔ bɛdwenle kɛ menli nye balie nwo kpalɛ wɔ azɛlɛsinli ne anu la. Maa bɛha deɛmɔti bɛdwenle zɔ la. Fa nuhua edwɛkɛ bie mɔ biza mediema maa bɛhile kpuyia mɔɔ fɛta mɔɔ bɛyɛ kɛ bɛbava bɛali gyima bɛava bɛabɔ adawubɔlɛ bo, yɛɛ edwɛkɛ ne anu ngɛlɛlera mɔɔ bɛbagenga na bɛava magazine ne bɛamaa la. Tendɛvolɛ ne yɛ kɛzi bɛbahola bɛava magazine ne ko biala bɛamaa, mɔɔ bɛhile wɔ mukelɛ 8 anzɛɛ edwɛkɛ gyɛne mɔɔ menli nye balie nwo wɔ bɛ azɛlɛsinli ne anu la anwo yɛkile fa dwula ye ɛdendɛlɛ ne.
Edwɛne 148
Dapɛne Mɔɔ Bɔ Ɔ Bo October 27
Edwɛne 30
5 min: Asafo nu nolobɔlɛ. Kenga ezukoa nwo mgbondabulɛ ne nee kɛlata mɔɔ kile kɛ Bɛtɛle asa ɛha ezukoa mɔɔ bɛvale bɛnwanle la.
10 min: Asafo nu ngyianlɛ.
30 min: “Bɛ Ti Anwo nee Abusua Baebolo Ɛzukoalɛ Hyia!”c Saa mekɛ wɔ nu a, kenga ngɛlɛlera ne mɔ na maa mediema ɛha nwolɛ edwɛkɛ.
Edwɛne 142
Dapɛne Mɔɔ Bɔ Ɔ Bo November 3
Edwɛne 100
10 min: Asafo nu nolobɔlɛ. Kakye mediema maa bɛva bɛ October daselɛlilɛ mgbondabulɛ bɛmaa.
20 min: Ɛvolɛ 2009 Teokelase Ɛzonlenlɛ Sukulu. Sukulu zo neavolɛ ne nee tievolɛma ka Teokelase Ɛzonlenlɛ Sukulu fofolɛ ne mɔɔ bɛhile wɔ Teokelase Ɛzonlenlɛ Sukulu Ngyehyɛleɛ kɛlata adehilelɛ ne anu la anwo edwɛkɛ. Twe adwenle kɔ nzenzaleɛ mɔɔ bɛyɛ la azo. Maa bɛ kɔsɔɔti anwosesebɛ kɛ bɛbɔ mɔdenle bɛyɛ gyima mɔɔ bɛkɛva bɛkɛmaa bɛ la, bɛziezie bɛ nwo kɛ bɛbamaa mualɛ wɔ Baebolo edwɛkɛtitile ne anu na bɛva edwɛkɛ mɔɔ sukulu zo neavolɛ ne ka ye dapɛne biala mɔɔ gyi Benefit From Theocratic Ministry School Education buluku ne azo la bɛli gyima.
15 min: Maa Kɛzi ‘Ɛkilehile’ La Ɛnyia Anyuhɔlɛ. Ɛzonlenlɛ gyima zo neavolɛ anzɛɛ kpanyinli gyɛne mɔɔ bɔ mɔdenle la ka ninyɛne nnu mɔɔ maa awie kilehile kpalɛ la kɛmɔ bɛhile wɔ January 15, 2008, Watchtower, mukelɛ 9-12 ɛdendɛkpunli 5-18 la anwo edwɛkɛ sikalɛ. Bizebiza nolobɔlɛma ko anzɛɛ nwiɔ mɔɔ ɛnwu kɛ edwɛkɛ ɛhye ɛboa bɛ ɛmaa bɛ ngilehilelɛ ɛnyia anyuhɔlɛ la edwɛkɛ.
Edwɛne 91
[Ɔ bo ɛkɛ ne edwɛkɛ ne mɔ]
a Mmamaa mukenye edwɛkɛ ne dwu mitini ko, na fa kpuyia nee mualɛ di nwolɛ gyima.
b Mmamaa mukenye edwɛkɛ ne dwu mitini ko, na fa kpuyia nee mualɛ di nwolɛ gyima.
c Mmamaa mukenye edwɛkɛ ne dwu mitini ko, na fa kpuyia nee mualɛ di nwolɛ gyima.