Ɛvolɛ 2009 Teokelase Ɛzonlenlɛ Sukulu Gyimalilɛ Nwo Ngyehyɛleɛ
ADEHILELƐ
Ngyehyɛleɛ mɔɔ bɛbava bɛayɛ Teokelase Ɛzonlenlɛ Sukulu ne wɔ ɛvolɛ 2009 anu la a doɔdoa zo la.
BULUKU MƆƆ VI NU: Nzema Bible, New World Translation of the Holy Scriptures [bi12], “All Scripture Is Inspired of God and Beneficial” (1990 Ɛdeɛ) [si], Learn From the Great Teacher [lr], yɛɛ Reasoning From the Scriptures (1989 Ɛdeɛ) [rs].
Saa Reasoning From the Scriptures ne anu a ɛdendɛlɛ ne vi a, bɛhile ɛleka fofolɛ mɔɔ bɛdabɛ mɔɔ bɛngola bɛngenga Nrelenza la bɛahola ava ayɛ bɛ gyimalilɛ la.
Ɔwɔ kɛ bɛyɛ mediema akoaba bɛfa bɛbɔ sukulu ne abo wɔ MEKƐ NLOA na akee bɛtoa zo kɛmɔ bɛhile wɔ ɔ bo ɛke la. Saa foa biala wie a, sukulu zo neavolɛ ne bahile foa ne mɔɔ doa zo la.
BAEBOLO ƐGENGALƐ NU EDWƐKƐTITILE: Mitini 10. Wɔ mitini nna ne mɔɔ lumua la anu, ɔwɔ kɛ kpanyinli anzɛɛ sonvolɛ mɔɔ fɛta la suzu Ngɛlɛlera edwɛkɛ mɔɔ wɔ dapɛne Baebolo ɛgengalɛ ne anu la anwo. Mɔɔ bayɛ ngakyile wɔ ɛhye anwo a le mekɛ mɔɔ bɛbava Baebolo buluku bie tile mɔɔ lumua la bɛabɔ ɔ bo la. Mekɛ zɛhae anu, ɔwɔ kɛ bɛfa mitini nna ne mɔɔ lumua la edwɛkɛ ne bɛfi “All Scripture” buluku ne anu. [Aneɛ mɔɔ bɛnlɛ “All Scripture” buluku ne bie la bahola anlea foa ne mɔɔ se ‘Ngoane wɔ Gyihova Edwɛkɛ ne Anu’ mɔɔ bɛbɔle ɔ bo bɛvale bɛrale January 1, 2004 The Watchtower ɛdeɛ ne anu la.] Kɛ neazo la, bɛbazuzu Mɔlebɛbo buluku ne tile nnu ne mɔɔ lumua la anwo wɔ January 5, dapɛne ne anu, yemɔti ɔwɔ kɛ tendɛvolɛ ne kpondɛ edwɛkɛtitile ekyi fi Mɔlebɛbo buluku ne mukenye ɛdendɛkpunli ne mɔ mɔɔ wɔ “All Scripture” buluku ne anu la anu. Ɔwɔ kɛ ɔfa edwɛkɛ ne ɔdi gyima wɔ adenle mɔɔ zolɛ bara nvasoɛ amaa asafo ne la azo. Saa ɔlɛsuzu dapɛne Baebolo ɛgengalɛ ne anwo anzɛɛ ɔlɛfa edwɛkɛ ne yeavi “All Scripture” buluku ne anu o, ye bodane titile a le kɛ ɔboa tievolɛma yeamaa bɛanwu deɛmɔti edwɛkɛ ne anwo hyia nee kɛzi nvasoɛ wɔ zo la. Ɔwɔ kɛ tendɛvolɛ ne nea boɛ na yeanli yeambo mitini nna ne mɔɔ bɛva bɛmaa foa ne mɔɔ lumua la. Ɔwɔ kɛ ɔnea kɛ ɔbaye mitini nsia yeazie ɛkɛ kɛ tievolɛma ɛva ɛha edwɛkɛ sikalɛ mɔɔ le mitini foa ko anzɛɛ mɔɔ ɛndwu zɔ wɔ mɔɔ bɛ nye ɛlie nwo wɔ dapɛne Baebolo ɛgengalɛ ne anu la. Sukulu zo neavolɛ ne akee bamaa sukoavoma mɔɔ lɛ gyimalilɛ wɔ ɛleka gyɛne la ahɔ.
GYIMALILƐ 1: Mitini 4 anzɛɛ mɔɔ ɛndwu zɔ. Ɛhye le ɛgengalɛ mɔɔ ɔwɔ kɛ bɛfa bɛmaa adiema nrenya a. Ɔwɔ kɛ sukoavo ne kenga edwɛkɛ ne mɔɔ bɛva bɛmaa la mɔɔ ɔnva mukenye anzɛɛ adwulaleɛ ɔmboka nwo a. Sukulu zo neavolɛ ne anye balie nwo titile kɛ ɔbaboa sukoavoma ne yeamaa bɛava ndelebɛbo bɛagenga, bamaa yɛadoa nu, bɛazi edwɛkɛ zo kpalɛ, bɛahakyi bɛ ne, bɛagyinla wɔ ɛleka mɔɔ fɛta, na yeayɛ kɛmɔ bɛtendɛ la.
GYIMALILƐ 2: Mitini 5. Bɛbava ɛhye bɛamaa adiema raalɛ. Bɛbahile sukoavo ne kɛzi ɔbayɛ ye la anzɛɛ ɔbakpa ko yeavi mɔɔ bɛhile ye wɔ Benefit From Theocratic Ministry School Education ne mukelɛ 82 ne la. Ɔwɔ kɛ sukoavo ne fa edwɛkɛtile mɔɔ bɛhile la di gyima na ɔmaa ɔfane daselɛlilɛ ne foa bie mɔɔ le nɔhalɛ na ɔfɛta bɛ ɛkɛ ne azɛlɛsinli ne la anwo. Saa bɛangile ɛleka mɔɔ edwɛkɛ ne wɔ la a, ɔwɔ kɛ sukoavo ne yɛ neɛnleanu wɔ yɛ mbuluku ne mɔ anu na ɔkpondɛ edwɛkɛ mɔɔ ɔbava yeayɛ foa ɛhye la. Sukulu zo neavolɛ ne anye balie adenle mɔɔ sukoavo ne balua zo ahilehile edwɛkɛ ne anu nee kɛzi ɔbaboa suamenle ne yeamaa yeazuzu Ngɛlɛlera ne mɔ anwo amaa yeade edwɛkɛtitile mɔɔ wɔ ɛdendɛlɛ ne anu abo la anwo kpalɛ. Sukulu zo neavolɛ ne bamaa ye boavolɛ ko.
GYIMALILƐ 3: Mitini 5. Bɛbava ɛhye bɛamaa adiema nrenya anzɛɛ raalɛ. Ɔwɔ kɛ sukoavo ne kilehile edwɛkɛtile ne mɔɔ bɛva bɛmaa la anu. Saa bɛangile ɛleka mɔɔ edwɛkɛ ne wɔ la a, ɔwɔ kɛ sukoavo ne yɛ neɛnleanu wɔ yɛ mbuluku ne mɔ anu na ɔkpondɛ edwɛkɛ mɔɔ ɔbava yeayɛ foa ɛhye la. Saa bɛfa bɛmaa adiema nrenya a, ɔwɔ kɛ ɔmaa foa ɛhye kɛ ɛdendɛlɛ la ɔkile tievolɛma mɔɔ wɔ Belemgbunlililɛ Asalo ɛkɛ ne la. Saa bɛfa foa ɛhye bɛmaa adiema raalɛ a, ɔwɔ kɛ dahuu ɔyɛ ye kɛmɔ bɛhile kɛ bɛyɛ Gyimalilɛ 2 la. Yɛsɛlɛ bɛ bɛyɛ ye nzonlɛ kɛ, ɔwɔ kɛ dahuu bɛfa edwɛkɛtile mɔɔ bɛyɛ nzonlɛ ɛhye [*] wɔ nwolɛ la bɛmaa mediema mrenya na bɛmaa ye kɛ ɛdendɛlɛ la. Saa ɔkɛyɛ boɛ a, bɛmaa asafo nu kpanyinli anzɛɛ sonvolɛ ɛyɛ.
FOLƐDULƐ: Mitini 1-2. Sukulu zo neavolɛ ne ɛnrɛlumua ɛnrɛha ɛdendɛlɛ subane mɔɔ sukoavo bie ɛlɛyɛ nwolɛ gyima la. Saa bɛyɛ Gyimalilɛ 1, 2 nee 3 bɛwie a, sukulu zo neavolɛ ne baha ɛdendɛlɛ ne foa bie mɔɔ bɛlile nwolɛ gyima kpalɛ la anwo edwɛkɛ, na yeahwe adwenle yeahɔ debie fɔɔnwo mɔɔ ɔti ɛnee ɛdendɛlɛ ne foa zɔhane le kpalɛ la azo, fane dɔɔnwo ne ala ɔbava yeazie Ministry School buluku ne azo. Bɛbagyinla sukoavo ko biala ngyianlɛ zo bɛava folɛdulɛ bieko mɔɔ baboa ye la bɛamaa ɔ ngomekye wɔ mekɛ mɔɔ bɛkpɔne debiezukoalɛ ne la anzɛɛ wɔ mekɛ fofolɛ nu.
MEKƐ: Ɔnle kɛ ɛdendɛlɛ biala anzɛɛ folɛtuvolɛ ne edwɛkɛ ne bo mekɛ ne azo. Saa Gyimalilɛ 1, 2 yɛɛ 3 bo mekɛ ne mɔɔ bɛva bɛmaa la azo a, ɔwɔ kɛ bɛmaa bɛpɛ zolɛ. Saa mediema mɔɔ bɛlɛyɛ Baebolo ɛgengalɛ ne anu edwɛkɛtitile ne la mekɛ kpa nwo a, ɔwɔ kɛ bɛtu bɛ folɛ wɔ nwolɛ. Ɔwɔ kɛ awie biala nea ye mekɛ boɛ. Gyimalilɛ ne kɔsɔɔti: le mitini 30.
FOLƐDULƐ KƐLATA: Ɔwɔ Ministry School buluku ne anu.
FOLƐTUVOLƐ BOAVOLƐ: Saa kpanyinli bie mɔɔ bɔ mɔdenle la wɔ ɛkɛ a, mgbanyima ne mɔ bahola akpa ye aboka sukulu zo neavolɛ ne anwo bɛamaa yeayɛ folɛtuvolɛ boavolɛ. Saa mgbanyima dɔɔnwo wɔ asafo ne anu a, ɛnee mgbanyima eku ne bahola akpa kpanyinli fofolɛ bɛamaa yeayɛ gyima ɛhye ɛvolɛ biala. Folɛtuvolɛ boavolɛ ne gyimalilɛ a le kɛ saa ɔhyia a, ɔbava folɛdulɛ yeamaa mediema mrenya mɔɔ yɛ Baebolo ɛgengalɛ nu edwɛkɛtitile ne la. Ɔngyia kɛ ɔkɛva folɛdulɛ ɔkɛmaa wɔ ɛdendɛlɛ zɛhae biala mɔɔ ɔ gɔnwo mɔ mgbanyima anzɛɛ azonvolɛ kɛyɛ la anwo.
TEOKELASE ƐZONLENLƐ SUKULU NDINU: Mitini 20. Siane nwiɔ biala, sukulu zo neavolɛ ne bayɛ ndinu. Bɛbalumua bɛayɛ Baebolo ɛgengalɛ ne anu edwɛkɛtitile ne mɔ kɛmɔ bɛhile la. Ndinu ne bagyinla ninyɛne mɔɔ bɛzuzule nwolɛ wɔ sukulu ne anu nee dapɛne ne mɔɔ nuhua a bɛbayɛ ndinu ne la azo. Saa bɛ asafo ne lɛ maanzinli nu nyianu anzɛɛ maanzinli zo neavolɛ ne barakpɔla bɛ wɔ dapɛne ne mɔɔ bɛbayɛ ndinu ne la anu a, ɛnee ɔwɔ kɛ bɛtu ndinu ne bɛsie dapɛne ko, na bɛfa dapɛne bieko mɔɔ doa zo la Gyimalilɛ 1, 2 yɛɛ 3 ne bɛdi gyima. Dapɛne bieko, bɛbava ɛdendɛlɛ subane ne nee Baebolo nu edwɛkɛtitile ne mɔ bɛabɔ Teokelase Ɛzonlenlɛ Sukulu ne abo, na bɛava ndinu ne bɛadoa zolɛ. Ɔnle kɛ bɛyɛ nzenzaleɛ biala wɔ dapɛne Baebolo ɛgengalɛ ngyehyɛleɛ ne anzɛɛ Baebolo nu edwɛkɛtitile ne anu.
Ngyehyɛleɛ
Jan. 5 Baebolo ɛgengalɛ: Mɔlebɛbo 1-5
No. 1: Mɔlebɛbo 3:1-15
No. 2: Deɛmɔti Gyisɛse Ɛnee Le Kilehilevolɛ Kpole La (lr tile 1)
No. 3: Duzu A Ɛnrɛyɛ Gyɛne A? (1Kɔl. 15:58)
Jan. 12 Baebolo ɛgengalɛ: Mɔlebɛbo 6-10
No. 1: Mɔlebɛbo 9:1-17
No. 2: Kɛzi Yɛbua Menli Mɔɔ Bɛnlie Nyamenle Bɛnli La (rs m. 150 ¶3–m. 151 ¶3) (+bh m. 202-3, ¶4-1)
No. 3: Kɛlata Mɔɔ Vi Nyamenle Mɔɔ Lɛ Ɛlɔlɛ Ɛkɛ La (lr tile 2)
Jan. 19 Baebolo ɛgengalɛ: Mɔlebɛbo 11-16
No. 1: Mɔlebɛbo 14:1-16
No. 2: Nuhua ne Mɔɔ Bɔle Ninyɛne Kɔsɔɔti La (lr tile 3)
No. 3: Kɛzi Gyihova Nwo Yɛ Ɛ? (Aye. 64:8)
Jan. 26 Baebolo ɛgengalɛ: Mɔlebɛbo 17-20
No. 1: Mɔlebɛbo 17:1-17
No. 2: Deɛmɔti Menli Ɛngola Ɛnva Arane Mɔɔ Di Pɛlepɛle Ɛnzie Ɛkɛ La (rs m. 152-153 ¶1)
No. 3: Nyamenle Lɛ Duma (lr tile 4)
Feb. 2 Baebolo ɛgengalɛ: Mɔlebɛbo 21-24
No. 1: Mɔlebɛbo 22:1-18
No. 2: ‘Me Ra Mɔɔ Mekulo Ye La Ɛne’ (lr tile 5)
No. 3: a Ndenle Mɔɔ Yɛdua zo Yɛbuke Yɛ Ɛlɔlɛ nu Yɛkile Awie Mɔ (2 Kɔl. 6:11-13)
Feb. 9 Baebolo ɛgengalɛ: Mɔlebɛbo 25-28
No. 1: Mɔlebɛbo 25:1-18
No. 2: Kilehilevolɛ Kpole ne zonlenle Menli Gyɛne (lr tile 6)
No. 3: Deɛmɔti Sonla Mɔdenlebɔlɛ Ɛnrɛhola Ɛnrɛva Anwodɔlɛ Ɛnrɛra La (rs m. 153 ¶2–m. 154 ¶2) (+w04 11/1 m. 8 ¶4)
Feb. 16 Baebolo ɛgengalɛ: Mɔlebɛbo 29-31
No. 1: Mɔlebɛbo 29:1-20
No. 2: Deɛmɔti Ɔnle Kɛ ‘Yɛdwenledwenle Debie Nwo’ La (Mat. 6:25)
No. 3: Tieyɛ Bɔ Ɛ Nwo Bane (lr tile 7)
Feb. 23 Baebolo ɛgengalɛ: Mɔlebɛbo 32-35
Teokelase Ɛzonlenlɛ Sukulu Ndinu
Mar. 2 Baebolo ɛgengalɛ: Mɔlebɛbo 36-39
No. 1: Mɔlebɛbo 39:1-16
No. 2: Awie Mɔ Le Kpole Tɛla Yɛ (lr tile 8)
No. 3: Nyamenle Belemgbunlililɛ ne—Alesama Ngyianlɛ Titile Sɔbelɛ Kokye (rs m. 154 ¶3–m. 155 ¶1)
Mar. 9 Baebolo ɛgengalɛ: Mɔlebɛbo 40-42
No. 1: Mɔlebɛbo 40:1-15
No. 2: Ɔhyia kɛ Yɛko Yɛtia Sɔnea (lr tile 9)
No. 3: b Nea Boɛ wɔ Fanwodi Sunsum Nwo!
Mar. 16 Baebolo ɛgengalɛ: Mɔlebɛbo 43-46
No. 1: Mɔlebɛbo 44:1-17
No. 2: Gyisɛse Lɛ Sunsum Evinli Nwo zo Tumi (lr tile 10)
No. 3: Baebolo Ngapezo Ɛra nu Bɔkɔɔ (rs m. 155 ¶2-5) (+bh m. 23 ¶13-m. 25 ¶17)
Mar. 23 Baebolo ɛgengalɛ: Mɔlebɛbo 47-50
No. 1: Mɔlebɛbo 48:1-16
No. 2: Ɔwɔ Kɛ Yɛsulo Abɔnsam Ɔ?
No. 3: Moalɛ Mɔɔ Yɛnyia Yɛfi Nyamenle Anwumabɔvolɛ ne mɔ Ɛkɛ La (lr tile 11)
Mar. 30 Baebolo ɛgengalɛ: Adendulɛ 1-6
No. 1: Adendulɛ 1:1-19
No. 2: Gyisɛse Kile Yɛ Kɛzi Bɛyɛ Asɔne La (lr tile 12)
No. 3: Asoo Nyamenle Sunsum A Bɛfa Bɛyɛ Ayile Ɛnɛ A? (rs m. 156-157 ¶3)
Apr. 6 Baebolo ɛgengalɛ: Adendulɛ 7-10
No. 1: Adendulɛ 9:1-19
No. 2: Menli Mɔɔ Rayɛle Gyisɛse Ɛdoavolɛma La (lr tile 13)
No. 3: c Kɛ Ɔkɛyɛ na Yɛamaa Galeehyeama 6:2 nee Galeehyeama 6:5 Ayɛ Ko Ɛ?
Apr. 13 Baebolo ɛgengalɛ: Adendulɛ 11-14
No. 1: Adendulɛ 12:21-36
No. 2: Deɛmɔti Ɔwɔ Kɛ Yɛfa Edwɛkɛ Yɛkyɛ (lr tile 14)
No. 3: Ngakyile Mɔɔ wɔ Ayile Mɔɔ Gyisɛse nee Ye Azonvolɛ ne mɔ Yɛle yɛɛ Ɛnɛ Deɛ Mɔɔ Bɛyɛ anu La (rs m. 157 ¶4–m. 158 ¶2)
Apr. 20 Baebolo ɛgengalɛ: Adendulɛ 15-18
No. 1: Adendulɛ 15:1-19
No. 2: Duzu A Adalɛ Ɛzonlenlɛ Mɔɔ Yɛkoati Bɔkɔɔ La Kile A?
No. 3: Atiakunlukɛnlɛmayɛlɛ Nwo Ɛzukoalɛdeɛ (lr tile 15)
Apr. 27 Baebolo ɛgengalɛ: Adendulɛ 19-22
Teokelase Ɛzonlenlɛ Sukulu Ndinu
May 4 Baebolo ɛgengalɛ: Adendulɛ 23-26
No. 1: Adendulɛ 24:1-18
No. 2: Duzu A Hyia Kpalɛ A? (lr tile 16)
No. 3: Kɛzi Bɛnwu Nɔhalɛ Keleseɛnema Ɛnɛ La (rs m. 158 ¶3–m. 159 ¶1) (+dbh m. 148 ¶9; m. 150 ¶13)
May 11 Baebolo ɛgengalɛ: Adendulɛ 27-29
No. 1: Adendulɛ 29:1-18
No. 2: Debie Mɔɔ Maa Anyelielɛ (lr tile 17)
No. 3: e Nɔhalɛ Mɔɔ Bɛnli nee Esiane Mɔɔ wɔ Nu
May 18 Baebolo ɛgengalɛ: Adendulɛ 30-33
No. 1: Adendulɛ 31:1-18
No. 2: Deɛmɔti Ɛvoya ne Mɔɔ Lumua La Anu Amra Nyianle Ayileyɛlɛ Nwo Ahyɛlɛdeɛ La (rs m. 159 ¶2–m. 160 ¶2) (+w05 2/15 m. 4, ɛlɛka)
No. 3: Ɛkakye Kɛ Ɛkɛha Mo Ɔ? (lr tile 18)
May 25 Baebolo ɛgengalɛ: Adendulɛ 34-37
No. 1: Adendulɛ 37:1-24
No. 2: Ɔle Kpalɛ Kɛ Yɛko Ɔ? (lr tile 19)
No. 3: Awie Mɔɔ Bɛdielie Ye zo La A Le Duzu, na Kɛmɔti A Ɔwɔ Kɛ Yɛkoati Ɛ?
June 1 Baebolo ɛgengalɛ: Adendulɛ 38-40
No. 1: Adendulɛ 40:1-19
No. 2: Ɛkulo Kɛ Dahuu Ɛdumua Ɔ? (lr tile 20)
No. 3: Anyelazo Boni A wɔ Ɛkɛ Kɛ Alesama Kɔsɔɔti Banyia Ayileyɛlɛ Kpalɛ A? (rs m. 160 ¶3-5) (+w08 1/1 m. 6 ¶3)
June 8 Baebolo ɛgengalɛ: Sɛlɛvolɛma 1-5
No. 1: Sɛlɛvolɛma 4:1-15
No. 2: Asoo Ɔwɔ Kɛ Yɛmemaa Yɛ Nwo zo wɔ Debie Bie Anu? (lr tile 21)
No. 3: f Kɛzi Ɔwɔ Kɛ Keleseɛnema Di Tumi Ɛ?
June 15 Baebolo ɛgengalɛ: Sɛlɛvolɛma 6-9
No. 1: Sɛlɛvolɛma 8:1-17
No. 2: ‘Ɛdie Ayileyɛlɛ Ɛdi Ɔ?’ (rs m. 160 ¶6–m. 161 ¶1)
No. 3: Deɛmɔti Ɔnle Kɛ Yɛbɔ Adalɛ La (lr tile 22)
June 22 Baebolo ɛgengalɛ: Sɛlɛvolɛma 10-13
No. 1: Sɛlɛvolɛma 11:29-45
No. 2: Deɛmɔti Yɛ Nwo To Yɛ La (lr tile 23)
No. 3: Nyilalɛ Mɔɔ Ɛdoavolɛma Mɔɔ Bɛzɔne Bɛ Nyia La
June 29 Baebolo ɛgengalɛ: Sɛlɛvolɛma 14-16
Teokelase Ɛzonlenlɛ Sukulu Ndinu
July 6 Baebolo ɛgengalɛ: Sɛlɛvolɛma 17-20
No. 1: Sɛlɛvolɛma 19:1-18
No. 2: Ɛnee Yɛ Kɔsɔɔti Yɛwɔ Anwuma Kolaa na Bɛawo Yɛ Kɛ Alesama Ɔ? (rs m. 161 ¶2–m. 162 ¶3)
No. 3: Mmayɛ Awule Ɛlɛ! (lr tile 24)
July 13 Baebolo ɛgengalɛ: Sɛlɛvolɛma 21-24
No. 1: Sɛlɛvolɛma 22:17-33
No. 2: Asoo Menli Mɔɔ Yɛ Ninyɛndane La Kola Kakyi? (lr tile 25)
No. 3: Kɛzi Nɔhalɛ Keleseɛnema Dwenle Ehyiavolɛma Anwo La
July 20 Baebolo ɛgengalɛ: Sɛlɛvolɛma 25-27
No. 1: Sɛlɛvolɛma 25:39-54
No. 2: Deɛmɔti Ɔyɛ Se Kɛ Yɛkɛyɛ Mɔɔ Le Kpalɛ La (lr tile 26)
No. 3: Saa Adam Anyɛ Ɛtane A, Anrɛɛ Awieleɛ Kolaa Ɔbahɔ Anwuma Ɔ? (rs m. 162 ¶4-5)
July 27 Baebolo ɛgengalɛ: Ɛdianlɛ 1-3
No. 1: Ɛdianlɛ 3:1-20
No. 2: Deɛmɔti Bɛtɛɛyɛlɛ Hyia Bɛ Nwo zo Ɛhomolɛ La
No. 3: Wɔ Nyamenle A Le Nwane? (lr tile 27)
Aug. 3 Baebolo ɛgengalɛ: Ɛdianlɛ 4-6
No. 1: Ɛdianlɛ 4:1-16
No. 2: Kɛ Ɔkɛyɛ na Wɔanwu Ahenle Mɔɔ Ɔwɔ Kɛ Ɛtie Ye La (lr tile 28)
No. 3: Asoo Ɔwɔ Kɛ Awie Kɔ Anwuma na Kenlebie Yeanyia Anyelielɛ Kpalɛ Ɔ? (rs m. 163 ¶1-3)
Aug. 10 Baebolo ɛgengalɛ: Ɛdianlɛ 7-9
No. 1: Ɛdianlɛ 9:1-14
No. 2: Ɛkponledolɛ Kɔsɔɔti Sɔ Nyamenle Anye Ɔ? (lr tile 29)
No. 3: Ndenle Mɔɔ Yɛdua zo Yɛkile kɛ Yɛdi Nɔhalɛ Yɛmaa Gyihova La
Aug. 17 Baebolo ɛgengalɛ: Ɛdianlɛ 10-13
No. 1: Ɛdianlɛ 13:17-33
No. 2: Moalɛ Mɔɔ Bamaa Yɛali Ɛzulolɛ zo Konim (lr tile 30)
No. 3: Duzu A 1 Pita 3:19, 20 Kile A? (rs m. 163 ¶4)
Aug. 24 Baebolo ɛgengalɛ: Ɛdianlɛ 14-16
No. 1: Ɛdianlɛ 14:26-43
No. 2: Duzu A Nyamenle Mɛla Mɔɔ Yɛkulo La Kile A? (Edw. 119:97)
No. 3: Ɛleka Mɔɔ Yɛbanyia Arɛlekyekyelɛ La (lr tile 31)
Aug. 31 Baebolo ɛgengalɛ: Ɛdianlɛ 17-21
Teokelase Ɛzonlenlɛ Sukulu Ndinu
Sept. 7 Baebolo ɛgengalɛ: Ɛdianlɛ 22-25
No. 1: Ɛdianlɛ 22:20-35
No. 2: Kɛzi Bɛbɔle Gyisɛse Anwo Bane La (lr tile 32)
No. 3: Duzu A 1 Pita 4:6 Abo Kile A? (rs m. 163 ¶5)
Sept. 14 Baebolo ɛgengalɛ: Ɛdianlɛ 26-29
No. 1: Ɛdianlɛ 27: 1-14
No. 2: Duzu A Bɛtete Bɛ Kile A, na Kɛmɔti A Ɔhyia Ɛ? (Ɛfɛ. 6:4)
No. 3: Gyisɛse Bahola Abɔ Yɛ Nwo Bane (lr ile 33)
Sept. 21 Baebolo ɛgengalɛ: Ɛdianlɛ 30-32
No. 1: Ɛdianlɛ 32: 1-15
No. 2: Saa Yɛwu A Yɛkɔ Ni? (lr tile 34)
No. 3: Asoo Keleseɛnema Kɔsɔɔti Lɛ Anyelazo Kɛ Bɛbahɔ Anwuma? (rs m. 164 ¶1-3) (+pe m. 120 ¶4-m. 122 ¶7)
Sept. 28 Baebolo ɛgengalɛ: Ɛdianlɛ 33-36
No. 1: Ɛdianlɛ 33: 1-23
No. 2: Yɛkola Yɛdwazo Yɛfi Ewule Nu! (lr tile 35)
No. 3: Ndenle Mɔɔ Nyamenle Belemgbunlililɛ Ne Lua zo Tɛla Sonla Arane Kɔsɔɔti La
Oct. 5 Baebolo ɛgengalɛ: Mɛla ne 1-3
No. 1: Mɛla ne 2: 1-15
No. 2: Duzu A “Ngyekyeleɛ Fofolɛ” ne Ka wɔ Dahuu Ngoane wɔ Azɛlɛ Ye Azo A? (rs m. 165 ¶1–m. 166 ¶2)
No. 3: Nwane Mɔ A Bɛbadwazo Bɛ A? Nienwu A Bɛbadɛnla A? (lr tile 36)
Oct. 12 Baebolo ɛgengalɛ: Mɛla ne 4-6
No. 1: Mɛla ne 4: 15-28
No. 2: Ɔwɔ Kɛ Yɛkakye Gyihova Nee Ɔ Ra Ne (lr tile 37)
No. 3: Mekɛ Boni A Yɛbahola Yɛaha Kɛ Ekyi Le Kpalɛ A? (Mrɛ. 15:16)
Oct. 19 Baebolo ɛgengalɛ: Mɛla ne 7-10
No. 1: Mɛla ne 9: 1-14
No. 2: Deɛmɔti Ɔwɔ Kɛ Yɛkulo Gyisɛse (lr tile 38)
No. 3: Menli Nyɛ A Baebolo ne Kile Kɛ Bɛbahɔ Anwuma A? (rs m. 166 ¶3-4) (+pe m. 124 ¶13, 14)
Oct. 26 Baebolo ɛgengalɛ: Mɛla ne 11-13
Teokelase Ɛzonlenlɛ Sukulu Ndinu
Nov. 2 Baebolo ɛgengalɛ: Mɛla ne 14-18
No. 1: Mɛla ne 15: 1-15
No. 2: Duzu A Nyamenle Mɔɔ Ɔwɔ Kɛ Yɛsulo Ye La Kile A?
No. 3: Nyamenle Hakyele Ɔ Ra Ne (lr tile 39)
Nov. 9 Baebolo ɛgengalɛ: Mɛla ne 19-22
No. 1: Mɛla ne 22: 1-19
No. 2: Kɛzi Yɛmaa Nyamenle Nye Die (lr tile 40)
No. 3: Menli 144,000 ne Le Dwuuma Angome Ɔ? (rs m. 166 ¶5–m. 167 ¶3)
Nov. 16 Baebolo ɛgengalɛ: Mɛla ne 23-27
No. 1: Mɛla ne 25: 1-16
No. 2: Ngakula Mɔɔ Maa Nyamenle Anye Die La (lr tile 41)
No. 3: g Ninyɛne Boni A Ɔwɔ Kɛ Yɛbu Bɛ Nwuanzanwuanza A?
Nov. 23 Baebolo ɛgengalɛ: Mɛla ne 28-31
No. 1: Mɛla ne 30: 1-14
No. 2: Deɛmɔti Ɔwɔ Kɛ Yɛyɛ Gyima La (lr tile 42)
No. 3: Ngɛlɛlera ne Anu Anyelazo Boni A “Menli Pemgbenleamgbe” ne Lɛ A? (rs m. 167 ¶4–m. 168 ¶1) (+wt m. 120 ¶2–m. 121 ¶4)
Nov. 30 Baebolo ɛgengalɛ: Mɛla ne 32-34
No. 1: Mɛla ne 32: 1-21
No. 2: ‘Gyihova Kenle Kpole ne’ A Le Duzu? (Zɛf. 1:14)
No. 3: Yɛ Mediema Mrenya nee Mraalɛ A Le Nwane Mɔ? (lr tile 43)
Dec. 7 Baebolo ɛgengalɛ: Dwɔhyua 1-5
No. 1: Dwɔhyua 5: 1-15
No. 2: Ɔwɔ Kɛ Yɛ Gɔnwo Mɔ Kulo Nyamenle (lr tile 44)
No. 3: Nyamenle Belemgbunlililɛ ne A Le Duzu? Kɛzi Yɛkile Kɛ Yɛkulo La (lr tile 45)
Dec. 14 Baebolo ɛgengalɛ: Dwɔhyua 6-8
No. 1: Dwɔhyua 8:1-17
No. 2: Nzule Zɛkyele Ewiade—Ɔbazi Bieko Ɔ? (lr tile 46)
No. 3: Duzu Ati A Nolobɔvo ne 7:21, 22 le folɛdulɛ Kpalɛ Ɛ?
Dec. 21 Baebolo ɛgengalɛ: Dwɔhyua 9-11
No. 1: Dwɔhyua 9:1-15
No. 2: Deɛmɔti Yɛkola Yɛka Kɛ Amagɛdɔn Ɛbikye La (lr tile 47)
No. 3: Nyamenle Anzondwolɛ Ewiade Fofolɛ ne—Ɛbahola Wɔadɛnla Ɛkɛ (lr tile 48)
Dec. 28 Baebolo ɛgengalɛ: Dwɔhyua 12-15
Teokelase Ɛzonlenlɛ Sukulu Ndinu
[Ɔ bo ɛkɛ ne edwɛkɛ ne mɔ]
a Bɛva Bɛmaa mediema mrenya ala, saa ɔkɛyɛ boɛ a mgbanyima anzɛɛ azonvolɛ.
b Bɛva Bɛmaa mediema mrenya ala, saa ɔkɛyɛ boɛ a mgbanyima anzɛɛ azonvolɛ.
c Bɛva Bɛmaa mediema mrenya ala, saa ɔkɛyɛ boɛ a mgbanyima anzɛɛ azonvolɛ.
d Bɛva Bɛmaa mediema mrenya ala, saa ɔkɛyɛ boɛ a mgbanyima anzɛɛ azonvolɛ.
e Bɛva Bɛmaa mediema mrenya ala, saa ɔkɛyɛ boɛ a mgbanyima anzɛɛ azonvolɛ.
f Bɛva Bɛmaa mediema mrenya ala, saa ɔkɛyɛ boɛ a mgbanyima anzɛɛ azonvolɛ.
g + Ɛleka fofolɛ mɔɔ bɛdabɛ mɔɔ bɛngola bɛngenga Nrelenza bɛahola ava ayɛ bɛ gyimalilɛ la.