Ɛzonlenlɛ Nyianu Ngyehyɛleɛ
BƐYƐ YE NZONLƐ: Edwɛkɛ ne mɔɔ se “Fa Kɛzi Ngɛlɛlera ne Bu Ɛzɛneyɛlɛ La Di Gyima” Foa Nsa ne vea Yɛ Belemgbunlililɛ Gyima ɛhye anu, na bɛbali nwolɛ gyima wɔ August 18 nee 25 dapɛne ne mɔ anu. Saa bɛlɛ nyianu wɔ dapɛne ɛhye mɔ anu a, ɔwɔ kɛ mgbanyima ne mɔ yɛ ngyehyɛleɛ maa bɛyɛ ye dapɛne fofolɛ nu na bɛfa ye mekɛ ne amuala bɛsuzu nwolɛ.
Dapɛne Mɔɔ Bɔ Ɔ Bo August 11
Edwɛne 63
12 min: Asafo nu nolobɔlɛ. Maa bɛ muala anwosesebɛ kɛ bɛziezie bɛ nwo bɛmaa edwɛkɛ ne mɔɔ vea nu ɛdendɛkpunli 1-8 mɔɔ bɛbazuzu nwo dapɛne bieko la. Siezie Ɛ Nwo Fa Magazine Fofolɛ ne Maa. Tievolɛma adawubɔlɛ. Saa ɛfa edwɛkɛ sikalɛ ɛbuke magazine fofolɛ ne anye ɛwie a, maa mediema ɛha magazine fofolɛ ne anu edwɛkɛ mɔɔ menli nye balie nwo wɔ azɛlɛsinli ne anu na bɛhilehile deɛmɔti ɔle zɔ la anu. Maa mediema ɛha nuhua edwɛkɛ fɔɔnwo mɔɔ bɛyɛ kɛ bɛbava bɛali gyima la. Kpuyia boni a bɛbahola bɛabiza bɛava bɛabɔ adawubɔlɛ bo a? Edwɛkɛ ne anu ngɛlɛlera boni a bɛbahola bɛagenga a? Maa mgbanyima ne mɔ anu ko ɛyɛ edwɛkɛ mɔɔ yeziezie ɔ nwo kɛ ɔbava yeali gyima wɔ bɛ azɛlɛsinli ne anu la anwo yɛkile sikalɛ.
15 min: Yɛ Nyamenle Ɛhulolɛdeɛ—Mɔɔ Debie Ɛndwehwe Wɔ A. Ɛdendɛlɛ mɔɔ gyi “Come Be My Follower,” mukelɛ 93-94, ɛdendɛkpunli 12-13 azo.
18 min: “Ɛlɛfa Wɔali Gyima Kpalɛ Ɔ?”a Bizebiza nolobɔlɛnli mɔɔ vale The Watchtower mɔɔ yɛfa yɛmaa anu ninyɛne fofolɛ ne ko lile gyima la edwɛkɛ. Ɔbahola yeayɛ anwubielɛ ne anwo yɛkile. Bieko, gyinla edwɛkɛ mɔɔ wɔ ɛdendɛkpunli 2 ne la azo yɛ kɛzi bɛkola bɛfa edwɛkɛ ne mɔɔ se “Mɔɔ Yɛsukoa Yɛfi Gyisɛse Ɛkɛ” mɔɔ wɔ August 1 Watchtower anu bɛbɔ debiezukoalɛ bo la anwo yɛkile.
Edwɛne 26
Dapɛne Mɔɔ Bɔ Ɔ Bo August 18
Edwɛne 135
5 min: Asafo nu nolobɔlɛ. Yɛ Belemgbunlililɛ Gyima ne anu Nolobɔlɛ mɔɔ bɛkpa.
40 min: “Fa Kɛzi Ngɛlɛlera ne Bu Ɛzɛneyɛlɛ La Di Gyima—Foa 3.”b Bɛha ɛdendɛkpunli 1-8 la anwo edwɛkɛ. Ɔwɔ kɛ asafo nu kpanyinli mɔɔ yɛ neazo kpalɛ wɔ edwɛkɛ ɛhye anwo la di nwolɛ gyima. Kenga ɛdendɛkpunli ne kɔsɔɔti. Kenga ngɛlɛlera bie mɔ na kile kɛzi ɔwɔ kɛ bɛfa bɛdi gyima la. Maa mediema anwosesebɛ kɛ bɛva ngɛlɛlera bɛboka bɛ mualɛ ne anwo na bɛhile kɛzi ngyinlazo ne mɔ fane edwɛkɛ ne anwo la. Maa bɛ kɔsɔɔti anwosesebɛ maa bɛziezie bɛ nwo bɛmaa ɛdendɛkpunli 9-16 mɔɔ bɛbayɛ ye dapɛne bieko la.
Edwɛne 61
Dapɛne Mɔɔ Bɔ Ɔ Bo August 25
Edwɛne 24
5 min: Asafo nu nolobɔlɛ. Kenga ezukoa nwo mgbondabulɛ nee kɛlata mɔɔ kile kɛ Bɛtɛle asa ɛha ezukoa mɔɔ bɛvale bɛnwanle la.
40 min: “Fa Kɛzi Ngɛlɛlera ne Bu Ɛzɛneyɛlɛ La Di Gyima—Foa 3.”c Bɛha ɛdendɛkpunli 9-16 la anwo edwɛkɛ. Ɔwɔ kɛ kpanyinli ko ne ala mɔɔ yɛle ɛkenle dapɛne ne anu ɛdeɛ ne la di nwolɛ gyima. Kenga ɛdendɛkpunli ne kɔsɔɔti. Kenga ngɛlɛlera bie mɔ na kile kɛzi ɔwɔ kɛ bɛfa bɛdi gyima la. Maa mediema anwosesebɛ kɛ bɛva ngɛlɛlera bɛboka bɛ mualɛ ne anwo na bɛhile kɛzi ngyinlazo ne mɔ fane edwɛkɛ ne anwo la.
Edwɛne 196
Dapɛne Mɔɔ Bɔ Ɔ Bo September 1
Edwɛne 112
10 min: Asafo nu nolobɔlɛ. Ka April Ɛzonlenlɛ Mgbondabulɛ ne anu edwɛkɛtitile ne sikalɛ na kanvo bɛ kɔsɔɔti wɔ bɛ mgbondabulɛ mɔɔ bɛvale bɛmanle ndɛndɛ la anwo. Kakye nolobɔlɛma maa bɛva bɛ August daselɛlilɛ mgbondabulɛ bɛmaa.
20 min: ‘Bɛva Ɔ Gyakɛ’d Saa mekɛ wɔ nu a maa mediema ɛha ngɛlɛlera ne mɔ anwo edwɛkɛ.
15 min: Yɛ Baebolo Ɛzukoalɛ wɔ Mekɛ Mɔɔ Lumua La Anu wɔ September.e Tievolɛma adawubɔlɛ. Yɛbava Baebolo ne Kilehile buluku ne yɛamaa wɔ September na yɛabɔ mɔdenle yɛ nee suamenle ne azukoa ekyi wɔ mekɛ mɔɔ yɛbalumua yɛahɔkpɔla ye la anu. Sia nea nzuzulɛ mɔɔ vea March 2006 Our Kingdom Ministry ne anu la anu na maa bɛyɛ nuhua ko anzɛɛ nwiɔ mɔɔ kile kɛzi bɛbɔ Baebolo ɛzukoalɛ bo wɔ mekɛ mɔɔ lumua la anu la anwo yɛkile.
Edwɛne 74
[Ɔ bo ɛkɛ ne edwɛkɛ]
a Mmamaa mukenye edwɛkɛ ne dwu mitini ko, na fa kpuyia nee mualɛ di nwolɛ gyima.
b Mmamaa mukenye edwɛkɛ ne dwu mitini ko, na fa kpuyia nee mualɛ di nwolɛ gyima.
c Mmamaa mukenye edwɛkɛ ne dwu mitini ko, na fa kpuyia nee mualɛ di nwolɛ gyima.
d Mmamaa mukenye edwɛkɛ ne dwu mitini ko, na fa kpuyia nee mualɛ di nwolɛ gyima.
e Mmamaa mukenye edwɛkɛ ne dwu mitini ko, na fa kpuyia nee mualɛ di nwolɛ gyima.