Teokelase Ɛzonlenlɛ Sukulu Ndinu
Bɛbazuzu kpuyia ɛhye mɔ mɔɔ doɔdoa zo la anwo wɔ Teokelase Ɛzonlenlɛ Sukulu ne anu wɔ dapɛne ne mɔɔ bɔ ɔ bo wɔ June 30, 2008 la anu. Sukulu zo neavolɛ ne bava mitini 30 ayɛ ndinu mɔɔ gyi May 5 kɔdwu June 30, 2008 dapɛne ne mɔ anu gyimalilɛ ne azo la. [Bɛyɛ ye nzonlɛ: Saa bɛangile ɛleka mɔɔ edwɛkɛ ne vi la wɔ kpuyia ne anzi a, ɔhyia kɛ ɛyɛ ɛ ti anwo neɛnleanu ɛfa ɛkpondɛ mualɛ ne.—Bɛnlea Ministry School, m. 36-7.]
ƐDENDƐLƐ SUBANE
1. Duzu a yɛbahola yɛayɛ amaa yɛanwu ye kɛ tievolɛma te fatonwo mɔɔ yɛfa yɛdi gyima la abo ɛ? [be m. 242 ɛden. 3–m. 243 ɛden. 1]
2. Duzu ati a ngilehilenu mɔɔ ɛnyɛ se mɔɔ gyi ninyɛne mɔɔ bɛze la azo boa ɛ? [be m. 245 ɛden. 2-4]
3. Kɛzi nvoninli mɔɔ bɛfa bɛdi gyima la anwo hyia ɛ, na adenle boni azo a Gyihova vale lile ɛzukoalɛdeɛ mɔɔ hyia la anwo gyima ɛ? (Mɔl. 15:5; Gyɛ. 18:6; Dwn. 4:10, 11) [be m. 247 ɛden. 1-2]
4. Kɛzi yɛbahola yɛava nvoninli yɛali gyima yɛamaa yɛ ngilehilelɛ anyia anyuhɔlɛ ɛ? [be m. 248 ɛden. 1-3]
5. Saa yɛlɛkilehile Baebolo sukoavoma a, kɛzi yɛbahola yɛava azɛkɛlata yɛali gyima kɛ nvoninli mɔɔ boa ɛ? [be m. 248 ɛden. 4]
GYIMALILƐ 1
6. Ɔlua Nyamenle sunsum nwuanzanwuanza ne azo, duzu a Baebolo ne ɛzukoalɛ baboa yɛ yeamaa yɛanwu ye a? [be m. 32 ɛden. 3-4]
7. Kɛzi yɛbahola yɛava Baebolo mumua ne yɛayɛ neɛnleanu amaa yɛade ngɛlɛlera bie abo ɛ? [be m. 34 ɛden. 4–m. 35 ɛden. 2]
8. Kɛzi bɛzi gyima mɔɔ Gyisɛse di kɛ awie mɔɔ Gyihova ɛlua ɔ nwo zo ɛyila alesama la azo wɔ Dwɔn Edwɛkpa ne anu ɛ? [si m. 198 ɛden. 32]
9. Ngɛlɛlera ne anu edwɛkɛ boni a yɛbahola yɛagyinla zo yɛaha kɛ Luku a hɛlɛle Gyima ne a? [si m. 199 ɛden. 3; m. 200 ɛden. 5-7]
10. Fane dɔɔnwo ne ala saa awie ɛlɛsiezie ɛdendɛlɛ kɛlata a, kɛzi ɔwɔ kɛ ɔyɛ ye ɛ? [be m. 39-41]
DAPƐNE BAEBOLO ƐGENGALƐ
11. Ɛzonlenlɛ sua boni a ‘bɛvale ɛvolɛ abulanla nee nsia a bɛzile la’? (Dwɔn 2:20) [w08 4/15 ‘Ngoane wɔ Gyihova Edwɛkɛ ne Anu—Dwɔn Buluku ne Anu Edwɛkɛtitile’]
12. Nwane mɔ a ‘bɛvi ewule nu bɛra ngoane nu a’? (Dwɔn 5:24, 25) [w08 4/15 ‘Ngoane wɔ Gyihova Edwɛkɛ ne Anu—Dwɔn Buluku ne Anu Edwɛkɛtitile’]
13. Duzu ati a bɛlɛka boavolɛ ne anzɛɛ nɔhalɛ sunsum ne anwo edwɛkɛ la bɛvale dumagya “ɔ” bɛlile gyima wɔ Dwɔn 14:16, 17, wɔ mekɛ mɔɔ bɛvale “ɔdaye” yɛɛ “ye” bɛlile gyima wɔ Dwɔn 16:7, 8, 13, 14 la ɛ? [w08 4/15 ‘Ngoane wɔ Gyihova Edwɛkɛ ne Anu—Dwɔn Buluku ne Anu Edwɛkɛtitile’]
14. Duzu ati a Gyisɛse hanle hilele Mɛle mɔɔ vi Magedala la kɛ ɔmmasɔ ye ɛ? (Dwɔn 20:17) [w08 4/15 ‘Ngoane wɔ Gyihova Edwɛkɛ ne Anu—Dwɔn Buluku ne Anu Edwɛkɛtitile’]
15. Gyisɛse ɛralɛ ne mɔɔ ɔbazia yealua “adenle zɔhane ala azo” kɛmɔ ɔvale ɔhɔle anwuma la kile duzu? (Gyi. 1:9-11) [rs m. 342 ɛden. 4; it-1 m. 186 ɛden. 8]