Nolobɔlɛ

◼ Buluku mɔɔ yɛbava yɛamaa wɔ May: Yɛbava The Watchtower nee Awake! magazine yɛamaa. Ɔwɔ kɛ bɛbɔ mɔdenle kpalɛ bɛkɔkpɔla anyelielɛma fofolɛ mɔɔ rale Ngakyelɛlilɛ ne nee ɛdendɛlɛ titile ne bie noko bɛ nee asafo ne ɛmbɔ kpalɛ la. Ɔwɔ kɛ ɛkpɔlalɛ zɛhae bodane yɛ kɛ bɛdua zo bɛ nee menli mɔɔ bɛ nee bɛ ɛnyɛ sua nu Baebolo ɛzukoalɛ la ayɛ bie. June: Yɛbava Duzu A Baebolo ne Kilehile Amgba A? yɛamaa. Bɛbɔ mɔdenle bɛva bɛbɔ Baebolo ɛzukoalɛ bo. July nee August: Bɛva brochure biala mɔɔ le mukelɛ 32 mɔɔ bɛlɛ la bɛmaa.

◼ Ɔwɔ kɛ mgbanyima eku ne neɛnlea October 6, 2006 kɛlata ne mɔɔ fane esiane nwo anwoziezielɛ la anu bieko na bɛnwu ye kɛ bɛze nolobɔlɛnli ko biala telefuu nɔma nee ɛleka mɔɔ ɔwɔ la. Wɔ ɛleka mɔɔ esiane ta si la, ɔwɔ kɛ bɛnwu ɛleka mɔɔ edwɛkɛ si arɛlevilɛ nu a bɛbanwu nolobɔlɛma la. Bieko, ɔle kpalɛ kɛ nolobɔlɛma nee bɛ Asafo Buluku Ɛzukoalɛ zo neavolɛ anzɛɛ kpanyinli gyɛne kɛli ngitanwo wɔ mekɛ mɔɔ bɛbahɔ ɛleka bie mekɛ tendenle, mɔɔ le kɛ gyima ti bɛlɛtu adenle, bɛdo bɛ asopiti nee mɔɔ bokɛboka nwo la.

◼ Bɛlɛkakye kɔmatii mɔɔ bɛnea Belemgbunlililɛ Asalo zo la kɛ bɛziezie Belemgbunlililɛ Asalo ne anwo debie biala mɔɔ ɛzɛkye la wɔ mekɛ ɛhye anu. Ɔwɔ kɛ bɛneɛnlea CN-14 ne mɔɔ boka bɛ ngɛlata ne anwo la anu bieko na bɛnwu debie mɔɔ hyia kɛ bɛyɛ na Belemgbunlililɛ Asalo ne anwo ali munli la. Ɔwɔ kɛ ebianutɛnlavolɛma nea nwu ye kɛ bɛyɛ ɛhye ndɛndɛ.