Nolobɔlɛ

◼ Buluku mɔɔ yɛbava yɛamaa wɔ April nee May: Yɛbava The Watchtower nee Awake! magazine yɛamaa. Ɔwɔ kɛ bɛbɔ mɔdenle kpalɛ bɛkɔkpɔla anyelielɛma fofolɛ mɔɔ rale Ngakyelɛlilɛ ne nee ɛdendɛlɛ titile ne bie noko bɛ nee asafo ne ɛmbɔ kpalɛ la. Ɔwɔ kɛ ɛkpɔlalɛ zɛhae bodane yɛ kɛ bɛdua zo bɛ nee menli mɔɔ bɛ nee bɛ ɛnyɛ sua nu Baebolo ɛzukoalɛ la ayɛ bie. June: Yɛbava Duzu A Baebolo ne Kilehile Amgba A? yɛamaa. Bɛbɔ mɔdenle bɛva bɛbɔ Baebolo ɛzukoalɛ bo. July: Bɛva brochure biala mɔɔ le mukelɛ 32 mɔɔ bɛlɛ la bɛmaa.

◼ Ɔwɔ kɛ asafo nu kɛlɛhɛlɛvolɛma nwu ye kɛ bɛlɛ ngɛlata ɛhye mɔ, Application for Regular Pioneer Service (S-205) nee Application for Auxiliary Pioneer Service (S-205b) dɔɔnwo. Bɛbahola bɛalua Literature Request Form (S-14) ne azo bɛahɛla ngɛlata ɛhye mɔ. Bɛva mɔɔ kɛza ɛvolɛ ko la bɛzie. Saa bɛlɛfa dahuu adekpakyelɛ ademizalɛ ngɛlata bɛanwa ɔfese ne a, bɛnlea bɛnwu ye kɛ bɛli nwolɛ gyima bɔkɔɔ bɛwie.

◼ Ɔhyia kɛ ɔfese ne nyia asafo nu ebianutɛnlavolɛma nee kɛlɛhɛlɛvolɛma kɔsɔɔti address nee telefuu nɔma fofolɛ mɔɔ bɛlɛ la. Saa bie ɛhakyi ye ɛdeɛ a, ɔwɔ kɛ Asafo Ɛzonlenlɛ Kɔmatii ne kɛlɛ ɔfese ne na ɔbɔ ye amaneɛ ndɛndɛ. Menli mɔɔ ɔfese ne nee bɛ di ngitanwo mɔɔ bɛhakyi bɛ anzɛɛ telefuu nɔma mɔɔ bɛhakyi ye la boka ɛhye anwo.

◼ Saa awie ngyehyɛleɛ mɔɔ yeyɛ kɛ ɔtu adenle la kile kɛ ɔbahɔ debiezukoalɛ, maanzinli nyianu anzɛɛ maangyeba nyianu wɔ maanle gyɛne nu a, ɔwɔ kɛ ɔbiza kenle, mekɛ nee ɛleka ne mɔ anwo edwɛkɛ ɔfi ɔfese ne mɔɔ nea maanle zɔhane anu gyima ne azo la ɛkɛ. Bɛhile maanle biala ɔfese ne address wɔ Yearbook fofolɛ ne mukelɛ ne mɔɔ li awieleɛ la.

◼ Ɔwɔ kɛ asafo nu kɛlɛhɛlɛvolɛma nea nwu ye kɛ bɛwie Ngakyelɛlilɛ ne a bɛbava nwolɛ mgbondabulɛ bɛanwa ndɛndɛ. Saa asafo mɔɔ bo nwiɔ la yɛ Ngakyelɛlilɛ ne bɔ nu a, bɛmaa asafo ko ALA ɛva Ngakyelɛlilɛ mgbondabulɛ ne ɛnwa, na ɔhɛlɛ asafo mɔɔ boka nwo la aluma wɔ ɛleka mɔɔ fɛta la. Ɔwɔ kɛ ebianutɛnlavolɛma bɔ mɔdenle nea nwu ye kɛ bɛva mgbondabulɛ ne bɛnwa ndɛndɛ.