Ngakyelɛlilɛ Nwo Ngakyelɛ

Ɔwɔ kɛ mgbanyima ne mɔ nea ninyɛne ɛhye mɔ di nwolɛ gyima wɔ mekɛ mɔɔ bɛlɛsiezie bɛ nwo bɛamaa Ngakyelɛlilɛ ne la:

◼ Bɛnlea kɛ bɛnrɛva nza ne nee paano ne bɛnrɛva menli ne anyunlu kɔkpula kɛ ewia ne ɛhɔdɔ la.

◼ Bɛlumua bɛkpondɛ paano nee nwanye mɔɔ fɛta mɔɔ bɛbava bɛali gyima la.—Bɛnlea February 15, 2003, Watchtower, mukelɛ 14-15.

◼ Ɔwɔ kɛ bɛfa Pɛlɛte, nwanye kɔpo anzɛɛ tɔmɛlɛ, ɛkponle nee ɛkponle zo ɛdanlɛ mɔɔ fɛta la bɛba asalo ɛkɛ ne na bɛdumua bɛsiezie bɛ kɛnlɛma.

◼ Ɔwɔ kɛ bɛdumua bɛsiezie Belemgbunlililɛ Asalo anzɛɛ ɛleka gyɛne biala mɔɔ bɛbayia la bɔkɔɔ bɛmaa ɔyɛ kɛnlɛma.—km 3/04, m. 3, ɛden. 3-5.

◼ Ɔwɔ kɛ bɛdumua bɛkpa menli mɔɔ balie nyɛvolɛ nee bɛdabɛ mɔɔ bɛbava paano ne nee nwanye ne bɛava menli ne anyunlu la na bɛmaa bɛnwu bɛ gyima, adenle mɔɔ ɔwɔ kɛ bɛdua zo bɛyɛ ye nee kɛzi ɔhyia kɛ bɛ tɛladeɛ nee bɛ nwo ɛziezielɛ fɛta la.

◼ Ɔwɔ kɛ bɛyɛ ngyehyɛleɛ bɛfa paano nee nza ne bie bɛkɔmaa menli mɔɔ bɛkpokpa bɛ la anu biala mɔɔ ɔnlɛ anwosesebɛ na ɔnrɛhola ɔ bo ba la.

◼ Saa asafo dɔɔnwo bayia Belemgbunlililɛ Asalo ko anu a, ɔwɔ kɛ bɛdi bɛ nwo ngitanwo kpalɛ amaa bɛangyele zo wɔ adenle ne anu, ɛleka mɔɔ bɛdua nee ɛleka mɔɔ bɛfa kale bɛsie la.

◼ Saa bɛnyia ɛleka fofolɛ mɔɔ bɛbayɛ bie a, bɛnlea kɛ bɛbanyia ninyɛne kpalɛ mɔɔ bɛtendɛ nu mɔɔ bamaa menli mɔɔ bara ɔ bo la ade mɔɔ tendɛvolɛ ne baha la.