Ɛzonlenlɛ Nyianu Ngyehyɛleɛ
Dapɛne Mɔɔ Bɔ Ɔ Bo August 13
Edwɛne 20
12 min: Asafo nu nolobɔlɛ. Fa nzuzulɛ mɔɔ wɔ mukelɛ 8 anzɛɛ edwɛkɛ fofolɛ mɔɔ bafɛta bɛ azɛlɛsinli ne la yɛ kɛzi bɛbava August 1 Watchtower ne nee kɛzi bɛbalua nzuzulɛ mɔɔ lumua la azo bɛava August Awake! ne bɛamaa la anwo yɛkile. Wɔ yɛkile ne ko anu, maa nolobɔlɛnli ne ɛva nzuzulɛ mɔɔ wɔ Yɛ Belemgbunlililɛ Gyima ɛhye mukelɛ 3, ɛdendɛkpunli 3 ne anu la ɛbiza kpuyia mɔɔ ɔba bieko a ɔbaye ɔ nloa la.
15 min: “Bɛbɔ nu Bɛzonle Gyihova kɛ Abusua.”a Maa tievolɛma ɛha nvasoɛ mɔɔ bɛnyia ye bɛvi edwɛkɛhanlɛ gyima ne mɔɔ bɛbɔ nu bɛyɛ kɛ abusua la anwo edwɛkɛ. Ɛbahola ɛ nee nolobɔlɛnli ko anzɛɛ nwiɔ alumua azuzu mɔɔ bɛbaha la anwo.
18 min: “Kɛzi Asafo Buluku Debiezukoalɛ Ngyehyɛleɛ ne Boa Yɛ La.”b Saa bɛlɛsuzu ɛdendɛkpunli 5 ne anwo a, fa edwɛkɛ mɔɔ wɔ Organized buluku ne mukelɛ 41, ɛdendɛkpunli 2 la bie boka nwo.
Edwɛne 48 nee asɔneyɛlɛ.
Dapɛne Mɔɔ Bɔ Ɔ Bo August 20
Edwɛne 100
15 min: Asafo nu nolobɔlɛ. “Belemgbunlililɛ Asalo Ɛsisilɛ—Ɛzonlenlɛ Nwuanzanwuanza Foa Mɔɔ Hyia.”c Saa awie mɔɔ boale manle bɛzile anzɛɛ bɛyɛle Belemgbunlililɛ Asalo bie mɔ boɛ la wɔ ɛkɛ a, bizebiza ye edwɛkɛ.
15 min: Bɔ Baebolo Ɛzukoalɛ Bo wɔ Ɛkpɔlalɛ Mɔɔ Lumua la anu wɔ September. Tievolɛma adawubɔlɛ. Yɛbava Baebolo ne Kilehile buluku ne yɛamaa wɔ September na yɛabɔ mɔdenle yɛ nee suamenle ne mɔ azuzu ɛdendɛkpunli bie mɔ anwo wɔ ɛkpɔlalɛ mɔɔ lumua la anu. Ka nzuzulɛ mɔɔ wɔ kɛlata mɔɔ zia March 2006 Our Kingdom Ministry ne anu la anwo edwɛkɛ na maa bɛyɛ yɛkile ko anzɛɛ nwiɔ mɔɔ kile kɛzi bɛbɔ Baebolo ɛzukoalɛ bo wɔ ɛkpɔlalɛ mɔɔ lumua la anu.
15 min: Bɛlɛ Ɛ Nwo Aze Maa Teokelase Ngyehyɛleɛ na Nyia Nvasoɛ. Ɛdendɛlɛ nee tievolɛma adawubɔlɛ mɔɔ gyi Organized to Do Jehovah’s Will, tile 15 ne azo.
Edwɛne 6 nee asɔneyɛlɛ.
Dapɛne Mɔɔ Bɔ Ɔ Bo August 27
Edwɛne 98
10 min: Asafo nu nolobɔlɛ. Kenga ezukoa nwo mgbondabulɛ nee kɛlata mɔɔ kile kɛ Bɛtɛle asa ɛha ezukoa mɔɔ bɛva bɛnwa la. Fa nzuzulɛ mɔɔ wɔ mukelɛ 8 anzɛɛ edwɛkɛ fofolɛ mɔɔ bafɛta bɛ azɛlɛsinli ne la yɛ kɛzi bɛbava August 15 Watchtower ne nee kɛzi bɛbalua nzuzulɛ mɔɔ tɔ zo nwiɔ la azo bɛava August Awake! ne bɛamaa la anwo yɛkile.
10 min: ‘Bɛva Bɛ Anwonyia Mɔɔ Ɛndenrɛ Bɛdila Agɔnwolɛ.’ Ɛdendɛlɛ mɔɔ asafo nu kpanyinli gyinla December 1, 1994, Watchtower, mukelɛ 13-18 azo maa.
25 min: “Bodane Mɔɔ Sonle Bolɛ wɔ Ɛzonlenlɛ Ɛvolɛ Fofolɛ ne Anu.”d Bizebiza nolobɔlɛnli ko anzɛɛ nwiɔ mɔɔ yɛle adekpakyelɛ boavolɛ kenle nsa ye la edwɛkɛ. Nzenzaleɛ boni a bɛyɛle ye wɔ bɛ ngyehyɛleɛ nu a? Duzu nvasoɛ a bɛnyianle a? Saa ɔbayɛ boɛ a, nolobɔlɛma mɔɔ ɛbabizebiza bɛ edwɛkɛ la ko bahola ayɛ awie mɔɔ ye abusua ne boale ye manle ɔyɛle adekpakyelɛ boavolɛ la. Saa ɛze mekɛ mɔɔ maanzinli zo neavolɛ ne barakpɔla bɛ la a, ka wɔ mekɛ mɔɔ bɛlɛsuzu ɛdendɛkpunli 9 ne anwo la.
Edwɛne 196 nee asɔneyɛlɛ.
Dapɛne Mɔɔ Bɔ Ɔ Bo September 3
Edwɛne 50
10 min: Asafo nu nolobɔlɛ nee Yɛ Belemgbunlililɛ Gyima ne anu Nolobɔlɛ mɔɔ bɛkpa. Ka April Ɛzonlenlɛ Mgbondabulɛ ne anwo edwɛkɛ sikalɛ na kanvo bɛ muala kɛ bɛvale bɛ mgbondabulɛ bɛrale ndɛ la. Kakye nolobɔlɛma maa bɛva bɛ August daselɛlilɛ mgbondabulɛ bɛmaa.
15 min: “Yɛ Nye Sɔ Nwolɛ Adenle Ngakyile Mɔɔ Yɛlɛ!”e Maa tievolɛma ɛha ngɛlɛlera mɔɔ bɛangɛlɛ nuhua edwɛkɛ la anwo edwɛkɛ kɛmɔ mekɛ bamaa adenle la.
20 min: “Kɛ Yɛbayɛ Yɛ nee Menli Mɔɔ Yɛmaa Bɛ Magazine Abɔ Baebolo Ɛzukoalɛ Bo.”f Fa nzuzulɛ mɔɔ wɔ ɛdendɛkpunli 2 ne anu la ko yɛ yɛkile sikalɛ. Kakye nolobɔlɛma kɛ, saa bɛkile awie kɛzi bɛyɛ Baebolo ɛzukoalɛ na yemɔ anzi bɛtoa zo bɛ nee ye sukoa fane nwiɔ na bɛnwu kɛ debiezukoalɛ ne bahɔ zo a, bɛbahola bɛabu nwolɛ mgbonda kɛ Baebolo ɛzukoalɛ.
Edwɛne 2 nee asɔneyɛlɛ.
a Mmamaa mukenye edwɛkɛ ne dwu mitini ko, na fa kpuyia nee mualɛ di nwolɛ gyima.
b Mmamaa mukenye edwɛkɛ ne dwu mitini ko, na fa kpuyia nee mualɛ di nwolɛ gyima.
c Mmamaa mukenye edwɛkɛ ne dwu mitini ko, na fa kpuyia nee mualɛ di nwolɛ gyima.
d Mmamaa mukenye edwɛkɛ ne dwu mitini ko, na fa kpuyia nee mualɛ di nwolɛ gyima.
e Mmamaa mukenye edwɛkɛ ne dwu mitini ko, na fa kpuyia nee mualɛ di nwolɛ gyima.
f Mmamaa mukenye edwɛkɛ ne dwu mitini ko, na fa kpuyia nee mualɛ di nwolɛ gyima.