Teokelase Ɛzonlenlɛ Sukulu Ndinu

Bɛbazuzu kpuyia ɛhye mɔ mɔɔ doɔdoa zo la anwo wɔ Teokelase Ɛzonlenlɛ Sukulu ne anu wɔ dapɛne ne mɔɔ bɔ ɔ bo wɔ August 27, 2007 la anu. Sukulu zo neavolɛ ne bava mitini 30 ayɛ ndinu mɔɔ gyi July 2 kɔdwu August 27, 2007 dapɛne ne mɔ anu gyimalilɛ ne azo la.

ƐDENDƐLƐ SUBANE

1. Kɛzi yɛbahola yɛanyia ɛbulɛ yɛamaa awie mɔ wɔ yɛ ɛzonlenlɛ gyima ne anu nee asafo ne anu ɛ? [be m. 192 ɛden. 2-4]

2. Duzu a hyia amaa yeala ali kɛ yɛlɛ anwodozo wɔ edwɛkɛ mɔɔ yɛlɛka la anu a? [be m. 196 ɛden. 1-3]

3. Saa yɛlɛdi awie mɔ daselɛ a, nzuzulɛ boni mɔ a baboa yɛ amaa yɛalua nrɛlɛbɛ adenle zo yɛadendɛ a? [be m. 198 ɛden. 1-5]

4. Kɛzi nrɛlɛbɛ adenle mɔɔ bɛdua zo bɛtendɛ la kile kɛ yɛfa mekɛ kpalɛ yɛdi gyima wɔ mekɛ mɔɔ yɛlɛdi awie mɔ daselɛ la ɛ? (Mrɛ. 25:11) [be m. 199 ɛden. 1-3]

5. Kɛzi yɛbahola yɛaha edwɛkɛ mɔɔ wula anwosesebɛ ɛ? [be m. 203 ɛden. 3–m. 204 ɛden. 1]

GYIMALILƐ NO. 1

6. Duzu a yɛbahola yɛava yɛahile kɛ Yizikeɛle a hɛlɛle Yizikeɛle buluku ne, yɛɛ ɛnee ɔboka mbuluku mɔɔ wɔ ɛkɛ la anwo na ɔle nɔhalɛ ɛ? [si m. 133 ɛden. 3]

7. Subane ko boni a hyia na awie ahola agyinla sɔnea nloa a? [w05 6/1 m. 29 ɛden. 4]

8. Duzu a yɛsukoa yɛfi kɛzi Gyisɛse buale Sadusiima kpuyia ne la anu ɛ? (Luk. 20:37, 38) [be m. 66 ɛden. 4]

9. Saa Baebolo sukoavo anzɛɛ yɛ gɔnwo diedinli bie biza wɔ mɔɔ ɔwɔ kɛ ɔyɛ wɔ edwɛkɛ bie anwo a, kɛ ɔwɔ kɛ ɛbua ye ɛ? [be m. 69 ɛden. 4-5]

10. Duzu a “Bɛnyia subane fofolɛ [wɔ tumi mɔɔ ka bɛ adwenle ne la anu]” kile a? (Ɛfɛ 4:23) [be m. 74 ɛden. 4]

DAPƐNE BAEBOLO ƐGENGALƐ

11. Wɔ Yizikeɛle 9:2-4, nwane a nrenya ne mɔɔ wula lenen tɛladeɛ ne la gyi ɛkɛ maa a, na duzu a ‘sɛkɛlɛneɛ ne mɔɔ wɔ bɛ nwoma azo’ la kile a? [w88 9/15 m. 14 ɛden. 18]

12. Kɛzi Keleseɛnemaanle ɛzonlenlɛ nu adekilevolɛma le kɛ “kpɔmanvolɛ ahoasea ne mɔ, mɔɔ ɛnnwu ɛhwee na bɛbɔ bɛ ti anu bɛka” mɔɔ bɛha bɛ nwo edwɛkɛ wɔ Yizikeɛle 13:3 la ɛ? [w99 10/1 m. 13]

13. Mekɛ mɔɔ Yizilayɛma bule “ɛrɛlɛ” ne mɔɔ wɔ Yizikeɛle 18:2 la, duzu a ɛnee bɛlɛbɔ mɔdenle kɛ bɛkɛyɛ a, na mgbondabulɛ nwo ɛzukoalɛdeɛ mɔɔ hyia la boni a bɛzi zolɛ wɔ ɛkɛ a? [w88 9/15 m. 18 ɛden. 10]

14. Adenle boni azo a Yizikeɛle yɛle “mumule” wɔ Gyɛlusalɛm ɛzɛkyelɛ ne anu a? (Yiz. 24:27; 33:22) [w03 12/1 m. 29]

15. Nwane a le ‘Gɔɔgo mɔɔ vi Meegɔɔgo’ la, na mekɛ boni a ɔbahɔ Gyihova menli nwo zo kɛ ɔsɛkye bɛ a? (Yiz. 38:2, 16) [w97 3/1 m. 14 ɛden. 1–m. 15 ɛden. 3]