Kpuya Mɔɔ Vi Kengavolɛma Ɛkɛ

Saa raalɛ nee nrenyia mɔɔ bɛnle agyalɛma bɔ nu da sua ko anu nɔɔzo mɔɔ ndelebɛbo kpalɛ biala ɛnle nu a, asoo ɔle ɛtane mɔɔ ɔwɔ kɛ bɛdi bɛ edwɛkɛ ɔ?

Nɔhalɛ nu, saa tɛ tɛnlabelɛ mɔɔ bɛyɛ nwolɛ ɛhwee a ɔnyɛ boɛ la ati a bɛyɛle zɔ a, bɛbahola bɛagyinla daselɛ mɔɔ kile kɛ bɛbɔle nla nu ɛbɛlatane la azo bɛakpa edwɛkɛlilɛ kɔmatii.​—1 Kɔl. 6:18.

Mgbanyima eku ne suzu tɛnlabelɛ biala anwo kpalɛ nea kɛ saa ɔwɔ kɛ bɛkpa edwɛkɛlilɛ kɔmatii a. Kɛ neazo la: Menli nwiɔ ne ɛlɛtu kɛ bɛbagya ɔ? Bɛdu bɛ folɛ dɛba wɔ bɛ nyɛleɛ ne anwo ɔ? Tɛnlabelɛ boni mɔ a maanle bɛbɔle nu bɛlale nɔsolɛ ne a? Bɛyɛle bɛ adwenle kɛ bɛyɛ zɔ ɔ? Anrɛɛ bɛbahola bɛayɛ nwolɛ debie anzɛɛ bɛyɛ nwolɛ ɛhwee a ɔnyɛ boɛ, bie bɔbɔ a bɛ nye ɛnla anzɛɛ esiane bie mɔɔ amgba bɛyɛ nwolɛ ɛhwee a ɔnyɛ boɛ la ati a ɔmaanle bɛbɔle nu bɛlale ɔ? (Nol. 9:11) Nienwu a bɛlale a? Kɛmɔ asolo tɛnlabelɛ biala la ati, bie a edwɛkɛ gyɛne mɔɔ anwo hyia la wɔ ɛkɛ mɔɔ mgbanyima ne mɔ bazuzu nwo a.

Saa nɔhalɛ ne da ali a, mgbanyima eku ne bazi kpɔkɛ saa ɔwɔ kɛ bɛdi menli nwiɔ ne edwɛkɛ a.