Duzu A Baebolo Ne Ka a?

Asoo Nyamenle a fa amaneɛnwunlɛ ba a?

Duzu a ɛbaha a?

• Ɛhɛe

• Kyɛkyɛ

• Bie a

Mɔɔ Baebolo ne ka la

“Ɔle bɛkyi kɛ Nyamenle kɛyɛ amumuyɛ, anzɛɛ Tumivolɛ ne kɛyɛ ɛtane.” (Dwobu 34:10) Tɛ Nyamenle a fa amaneɛnwunlɛ mɔɔ wɔ ewiade ye anu la ba a.

Boni bieko a yɛsukoa yɛfi Baebolo ne anu a?

• Seetan Abɔnsam, mɔɔ “sie ɛtane ewiade ɛhye la” a maa yɛnwu amaneɛ a.​—Dwɔn 14:30.

• Ɔyɛ a kpɔkɛ ɛtane mɔɔ menli si la noko fa amaneɛnwunlɛ nee munzule ba.​—Gyemise 1:14, 15.

Amaneɛnwunlɛ bo bapɛ ɔ?

Menli bie mɔ die di

kɛ sonla arane bahola aye amaneɛnwunlɛ avi ɛkɛ ɔlua bɛ mɔdenlebɔlɛ zo, yɛɛ bie mɔ noko ɛnwu ye kɛ ɔyɛ se kɛ ewiade ne bahakyi ayɛ kpalɛ. Kɛzi ɛdwenle nwo ɛ?

Mɔɔ Baebolo ne ka la

Nyamenle baye amaneɛnwunlɛ avi ɛkɛ. “Ewule ɛnle ɛkɛ bieko, monle ɛnle ɛkɛ, nyane ɛnle ɛkɛ, ɛzunlɛ ɛnle ɛkɛ ne bieko.”​—Yekile 21:3, 4.

Boni bieko a yɛsukoa yɛfi Baebolo ne anu a?

• Nyamenle bamaa Gyisɛse aye amaneɛnwunlɛ mɔɔ Abɔnsam ɛva ɛra la avi ɛkɛ.​—1 Dwɔn 3:8.

• Kpalɛma badɛnla azɛlɛ ye azo anzodwolɛ nu dahuu.​—Edwɛndolɛ 37: 9-11, 29.