Duzu A Baebolo Ne Ka a?

Asoo Nyamenle lɛ duma ɔ?

MENLI BIE MƆ KA kɛ ɔnlɛ duma, bie mɔ se yemɔ a le Nyamenle anzɛɛ Awulae, yɛɛ bie mɔ noko se ɔlɛ aluma dɔɔnwo. Kɛzi ɛdwenle nwo ɛ?

MƆƆ BAEBOLO NE KA LA

“Ɛdawɔ ɛ ngomekye, mɔɔ wɔ duma a le [Gyihova] la a ɛle Anwuma Anwumanli ne mɔɔ sie azɛlɛ ye a.”​—Edwɛndolɛ 83:18.

BONI A YƐSUKOA YƐFI BAEBOLO NE ANU A?

• Nyamenle lɛ amodinli dɔɔnwo ɛdeɛ, noko ɔlɛ duma kokye.​—Adendulɛ 3:15.

• Nyamenle ɛnle feabo sonla; ɔkulo kɛ yɛnwu ye.​—Gyima ne 17:27.

• Nyamenle duma mɔɔ yɛbanwu ye la a le debie mɔɔ limoa mɔɔ bamaa yɛayɛ ɔ gɔnwo a.​—Gyemise 4:8.

Ɔle nvonleɛ kɛ yɛbabɔ Nyamenle duma ɔ?

DUZU A ƐBAHA A?

• Ɛhɛe

• Kyɛkyɛ

• Bie a

MƆƆ BAEBOLO NE KA LA:

“Bɛmmabɔ medame [Gyihova] bɛ Nyamenle ne duma mgbane mgbane.” (Adendulɛ 20:7) Saa yɛmbu Nyamenle duma ne a, yɛɛ ɔnle kpalɛ kɛ yɛbabɔ a.​—Gyɛlɛmaya 29:9.

BONI A YƐSUKOA YƐFI BAEBOLO NE ANU A?

• Ɛnee Gyisɛse ze Nyamenle duma yɛɛ ɔbɔle.​—Dwɔn 17:25, 26.

• Nyamenle kulo kɛ yɛfa ye duma ne yɛfɛlɛ ye.​—Edwɛndolɛ 105:1.

• Nyamenle agbɔvolɛ bɔ mɔdenle kɛ bɛbamaa menli arɛle avi ye duma.​—Gyɛlɛmaya 23:27.