DEBIEZUKOALƐ ƐDEƐ

EDWƐKƐ MƆƆ YƐBAZUKOA

▪ Bɛdabɛ Mɔɔ Bɛkulo Gyihova La, “Debie Biala Ɛngola Ɛmmaa Bɛndu Koti”

Keleseɛnema kɔsɔɔti ɛlɛsu dahuu ngoane nwo ɛnriandilɛ bie. Noko, ɔlua ɛtane mɔɔ bɛvale bɛwole yɛ la ati, yɛ muala yɛtu koti. Edwɛkɛ ɛhye bamaa yɛanwu ninyɛne nnu mɔɔ maa yɛtu koti nee kɛzi yɛbahola yɛali zolɛ konim la.

▪ Ɛlɛ ‘Ahonle Mɔɔ Ɔbamaa Wɔanwu’ Gyihova Ɔ?

Gyɛlɛmaya buluku ne ka ahonle ne anwo edwɛkɛ dɔɔnwo kile yɛ. Edwɛkɛ ɛhye bamaa yɛanwu debie mɔɔ kile kɛ ‘awie ɛtɛyɛle ye mrenyanu nzonlɛ wɔ ahonle nu’ nee kɛzi ɛhye kola yɛ esiane maa Keleseɛnema bɔbɔ la. Eza ɔbamaa yɛanwu kɛzi yɛbanyia ‘ahonle mɔɔ ɔbamaa yɛanwu’ Gyihova la.—Gyɛ. 9:26; 24:7.

▪ Kɛkala “Mɔɔ Bɛnwu Nyamenle La,” Duzu Bieko A Ɛha A?

Ninyɛne boni a ɔwɔ kɛ yɛyɛ na yɛanwu Nyamenle na ɔdaye noko yeanwu yɛ ɛ? Kɛzi ɔwɔ kɛ Keleseɛnenli mɔɔ ɛnyi sunsum nu bɔbɔ la kɔ zo nyia anyuhɔlɛ ɛ, na duzu ati ɔ? Edwɛkɛ ɛhye babua kpuyia ɛhye mɔ.

▪ Gyihova Le Yɛ Tɛnlabelɛ

Yɛde ewiade mɔɔ ɛkpɔlɛ dɔɔnwo wɔ nu la anu, noko ɔnle kɛ yɛsulo. Edwɛkɛ ɛhye bamaa yɛanwu kɛzi yɛbanyia tɛnlabelɛ mɔɔ banebɔlɛ wɔ nu wɔ Gyihova yɛ Nyamenle ne ɛkɛ la.

▪ Bɛli Gyihova Duma Kpole Ne Eni

Duzu a kile kɛ yɛboka menli mɔɔ Nyamenle duma ne la bɛ nwo zo la anwo a? Duzu a duma ne anu mɔɔ yɛbalua la kile a? Kɛzi Nyamenle bu bɛdabɛ mɔɔ bɛnli ye duma ne eni la ɛ? Edwɛkɛ ɛhye babua kpuyia ɛhye mɔ.