DEBIEZUKOALƐ ƐDEƐ

EDWƐKƐ MƆƆ YƐBAZUKOA

▪ Mmasulo—Gyihova Nee Wɔ Lua!

Menli mɔɔ bɛha bɛ nwo edwɛkɛ wɔ Ngɛlɛlera ne anu la anu dɔɔnwo lale diedi nee akɛnrasesebɛ ali. Saa yɛsuzu bɛ anwubielɛ ne bie mɔ anwo a, ɔbamaa yɛ diedi ayɛ kpole na yɛanyia akɛnrasesebɛ yɛazonle Gyihova. Edwɛkɛ ɛhye kilehile yɛ ɛvolɛ 2013 ɛvolɛdwɛkɛ ne anu.

▪ Mmamaa Debie Biala Twe Wɔ Fi Gyihova Anwo

▪ Bɛhwe Bɛbikye Gyihova Dahuu

Ninyɛne dɔɔnwo wɔ ewiade mɔɔ yɛdayɛ mumua ne yɛngola yɛnyɛ nwolɛ ɛhwee a. Bie a le yɛ awovolɛ, yɛ mediema, nee ɛleka mɔɔ bɛwole yɛ la. Noko agɔnwolɛ mɔɔ yɛ nee Gyihova bava la ɛnle zɔ. Yɛdayɛ mumua ne yɛbahola yɛakpa kɛ yɛ nee ye bava agɔnwolɛ anzɛɛ yɛ nee ye ɛnrɛva agɔnwolɛ. Edwɛkɛ ɛhye mɔ baha ninyɛne nsuu mɔɔ ɔnle kɛ yɛmaa bɛkpakye yɛ nee Gyihova avinli la anwo edwɛkɛ.

▪ Mmafa Nyanelilɛ Ɛsonle

Yɛ kɔsɔɔti yɛyɛ ninyɛne mɔɔ yɛ kunlu anu a anrɛɛ yɛanyɛ ye zɔ la. Noko akee, ɔnle kɛ yɛmaa ninyɛne ɛhye mɔ si yɛ Nyamenle ɛzonlenlɛ adenle. Wɔ edwɛkɛ ɛhye anu, yɛbazukoa debie yɛavi Pɔɔlo ɛkɛ amaa yɛanli nyane wɔ Gyihova ɛzonlenlɛ nu.

▪ Asafo Nu Mgbanyima ‘Boa Maa Yɛ Nye Die’

Pɔɔlo hanle ye wɔ ye kɛlata ne mɔɔ ɔtɔ zo nwiɔ mɔɔ ɔhɛlɛle Kɔlentema ne la anu kɛ, ɔ nee ɔ gɔnwo mɔ mɔɔ bikye ye la le ‘bɛ gɔnwo mɔ gyimayɛvoma mɔɔ boa maa bɛ nye die.’ (2 Kɔl. 1:24) Kɛzi ɔwɔ kɛ Pɔɔlo edwɛkɛ ɛhye ka Asafo nu mgbanyima ɛ? Na kɛ ɔkɛyɛ na yɛ nuhua ko biala aboa amaa anyelielɛ ara asafo ne anu ɛ? Edwɛkɛ ɛhye babua kpuyia ɛhye mɔ.