ƐZUKOALƐDEƐ 19
Maa Wɔ Edwɛkɛ Ne Ɛha Ahonle
Mrɛlɛbulɛ 3:1
MƆƆ ƆHYIA KƐ ƐYƐ: Boa wɔ tievolɛma maa bɛnwu nvasoɛ mɔɔ wɔ wɔ edwɛkɛ ne azo la na bɛva bɛli gyima.
KƐZI ƐBAYƐ YE LA:
Boa wɔ tievolɛma maa bɛyɛ bɛ nwo neɛnleanu. Biza kpuya mɔɔ ɔngyia mualɛ mɔɔ ɔbaboa wɔ tievolɛma ne yeamaa bɛanleɛnlea bɛ nwo nu la.
Maa bɛnyia adwenle kpalɛ. Boa wɔ tievolɛma maa bɛzuzu deɛmɔti bɛyɛ ninyɛne mgbalɛ la anwo. Boa bɛ maa bɛnyia adwenle kpalɛ mɔɔ fɛta la, kɛ bɛbanyia ɛhulolɛ bɛamaa Gyihova, menli, nee Baebolo nu ngilehilelɛ ne. Ɛ nee wɔ tievolɛma ɛzuzu ninyɛne nwo; mmatendɛ ɛtia bɛ. Kɛ anrɛɛ ɛbabɔ bɛ anyiemgba la, maa bɛ anwosesebɛ wɔ wɔ gyimalilɛ ne awieleɛ amaa bɛayɛ biala mɔɔ bɛbahola la.
Twe adwenle kɔ Gyihova anwo zo. Kile kɛzi Baebolo ngilehilelɛ, ngyinlazo, yɛɛ mɛla maa yɛnwu ɛlɔlɛ mɔɔ Nyamenle lɛ maa yɛ la. Maa tievolɛma ɛnyia ɛhulolɛ kɛ bɛbazuzu kɛzi Gyihova te nganeɛ wɔ ninyɛne nwo la anwo na bɛayɛ mɔɔ ɔkulo la.