ƐZUKOALƐDEƐ 7
Edwɛkɛ Mɔɔ Le Pɛpɛɛpɛ Yɛɛ Nɔhalɛ
Luku 1:3
MƆƆ ƆHYIA KƐ ƐYƐ: Fa daselɛ mɔɔ le nɔhalɛ la di gyima boa wɔ tievolɛma maa bɛde edwɛkɛ ne abo.
KƐZI ƐBAYƐ YE LA:
Kpondɛ edwɛkɛ fi ɛleka mɔɔ di munli la. Maa wɔ edwɛkɛ ne ɛgyinla Nyamenle Edwɛkɛ ne azo, ɔkɛyɛ boɛ a kenga fi nu tee. Saa ɛlɛtwe adwenle wɔazie abɔdeɛ nwo mɛla, amaneɛbɔlɛ, anwubielɛ, anzɛɛ neɛnleanu gyɛne bie azo a, dimoa nea kɛ ɛleka mɔɔ ɔvi la di munli na ɔtɛkpale nwo.
Fa edwɛkɛ ne mɔɔ ɛnyianle la di gyima kpalɛ. Kilehile ngɛlɛlera ne anu maa ɔ nee edwɛkɛ mɔɔ boka nwo, Baebolo ne amuala anu edwɛkɛ ne yɛɛ mbuluku mɔɔ “akɛlɛ nɔhavo nee nrɛlɛbɛvolɛ ne” ɛyɛ la ɛyia. (Mat. 24:45) Saa ɛlɛfa edwɛkɛ mɔɔ menli gyɛne ɛhɛlɛ la wɔali gyima a, mmakakyi nuhua edwɛkɛ ne bie anye.
Ɛ nee wɔ tievolɛma ɛzuzu edwɛkɛ ne nwo. Saa ɛkenga ngɛlɛlera anzɛɛ edwɛkɛ bie mɔɔ ɛnyianle la ɛwie a, biza kpuya anzɛɛ yɛ ndonwo mɔɔ baboa wɔ tievolɛma yeamaa bɛanwu mɔɔ ɔwɔ kɛ bɛyɛ la.