Yizikeɛle Ye Ɛbɛlabɔlɛ Nee Ye Mekɛ Zo

Yizikeɛle abo kile “Nyamenle Maa Anwosesebɛ.” Ngapezo mɔɔ ɔhanle la anu dɔɔnwo le kɔkɔbɔlɛ ɛdeɛ, noko ye edwɛkɛ ne nee mɔɔ ye duma ne kile la yia na ɔmaa bɛdabɛ mɔɔ bɛkpondɛ kɛ bɛsonle Nyamenle wɔ nɔhalɛ nu la diedi nu mia.

YE MEKƐ ZO NGAPEZOMA

• 

  GYƐLƐMAYA

  ɔvi ɛsɔfoma abusua nu, ɔyɛle ye gyima ne dɔɔnwo wɔ Gyɛlusalɛm (647-580 K.Y.M.)

• 

  HƐLEDA

  ɔzonlenle mekɛ mɔɔ bɛnwunle Mɛla buluku ne wɔ ɛzonlenlɛsua ne anu la, kɛyɛ 642 K.Y.M.

• 

  DANEƐLE

  ɔvi Dwuda dehelɛ abusua ne anu, bɛvale ye bɛhɔle Babelɔn wɔ 617 K.Y.M.

• 

  HABAKƐKE

  ɔbayɛ kɛ ɔzonlenle wɔ Dwuda wɔ Gyɛhɔyakem tumililɛ ne mɔlebɛbo

• 

  OBADAYA

  ɔhanle ngapezo ɔtiale Yidɔm, ɔbayɛ mekɛ mɔɔ bɛzɛkyele Gyɛlusalɛm la anu

MEKƐ BONI A BƐHANLE NGAPEZO A? (MEKƐ NE AMUALA LE K.Y.M.)

NINYƐNE TITILI MƆƆ SISILE YIZIKEƐLE ƐBƐLABƆLƐ NU LA (MEKƐ NE AMUALA LE K.Y.M.)

1. k.643: Bɛwole ye

2. 617: Bɛvale ye bɛhɔle akɛlɛzonlenlɛ nu wɔ Babelɔn

3. 613: Ɔbɔle ngapezo ɛhanlɛ bo; ɔnwunle Gyihova anwo ɛnyelɛzodeɛnwunlɛ

4. 612: Ɔnwunle ɛkpɔkyelɛ nwo ɛnyelɛzodeɛnwunlɛ wɔ ɛzonlenlɛsua ne anu

5. 611: Ɔbɔle ɔ bo ɔdendɛle ɔtiale Gyɛlusalɛm

6. 609: Ɔ ye wule, mekɛ mɔɔ li awieleɛ mɔɔ bɛbɛngale Gyɛlusalɛm bɛyiale la bɔle ɔ bo

7. 607: Ɔnyianle nrɛlaleɛ kɛ amgba bɛzɛkye Gyɛlusalɛm

8. 593: Ɔnwunle ɛzonlenlɛsua ne anwo ɛnyelɛzodeɛnwunlɛ

9. 591: Ɔhanle kɛ Nɛbukadenɛza bateta Yigyibiti; ɔhɛlɛle ye buluku ne ɔwiele

DWUDA NEE BABELƆN ARELEMGBUNLI

1. 659-629: Dwosaya maanle nɔhalɛ ɛzonlenlɛ hɔle zo noko Falo Niko hunle ye wɔ konle nu

2. 628: Gyɛhɔwahaze lile tumi adenle ɛtane zo siane nsa na Falo Niko hyele ye hɔle

3. 628-618: Ɛnee Gyɛhɔyakem ɛnle belemgbunli kpalɛ na Falo Niko maanle ɔlile tumi

4. 625: Nɛbukadenɛza lile Yigyibiti ɛlɔnema anwo zo konim

5. 620: Nɛbukadenɛza tetale Dwuda wɔ mekɛ mɔɔ limoa la na ɔmaanle Gyɛhɔyakem lile Gyɛlusalɛm azo tumi

6. 618: Gyɛhɔyakem dele Nɛbukadenɛza anwo atua noko ɔbayɛ kɛ ɔwule mekɛ mɔɔ Babelɔnoma ratetale Ɛwɔkɛ Azɛlɛ ne fane nwiɔ ne azo la

7. 617: Ɛnee Gyɛhɔyakɛn mɔɔ eza bɛfɛlɛ ye Gyɛkonaya la ɛnle belemgbunli kpalɛ, ɔlile tumi siane nsa na ɔvale ɔ nwo ɔhɔmaanle Nɛbukadenɛza

8. 617-607: Nɛbukadenɛza maanle Zɛdikaya, belemgbunli mɔɔ ati yɛ se, ɔnlɛ akɛnrasesebɛ na ɔsulo menli la lile tumi

9. 609: Zɛdikaya dele Nɛbukadenɛza mɔɔ ɛnee ɛrateta Dwuda fane nsa ne azo la anwo atua

10. 607: Nɛbukadenɛza zɛkyele Gyɛlusalɛm, ɔhyele Zɛdikaya, ɔzinle ɔ nye na ɔvale ye ɔhɔle Babelɔn