Foa 7 Mukenye

Foa ɛhye ka Belemgbunli Sɔɔlo nee Belemgbunli Devidi ɛbɛlabɔlɛ nu edwɛkɛ mɔɔ zile wɔ ɛvolɛ kɛyɛ 80 anu la anwo edwɛkɛ. Alimoa ne, ɛnee Sɔɔlo bɛlɛ ɔ nwo aze yɛɛ ɔsulo Nyamenle, noko yeangyɛ ɔhakyile na ɔkpole kɛ ɔkɛli Gyihova adehilelɛ zo. Gyihova kpole ye, nzinlii ɔmaanle Samoɛle kpale Devidi kɛ Yizilayɛ belemgbunli fofolɛ. Sɔɔlo yɛle anyebolo na ɔbɔle mɔdenle fane dɔɔnwo kɛ ɔku Devidi noko Devidi anyɛ ye ɛhwee. Ɛnee Sɔɔlo ara Dwɔnatan ze kɛ Gyihova ɛkpa Devidi, ɔti ɔlile nɔhalɛ ɔmaanle Devidi. Devidi yɛle ɛtane kpole, noko yeamkpo Gyihova ndeanlɛ ɛlɛ. Saa ɛle awovolɛ a, boa ɛ ra maa ɔnwu kɛzi ɔhyia kɛ ɔboa Nyamenle ngyehyɛleɛ dahuu la.