Dwɔhyua
17 Akee bɛguale ma*+ na bɛmaanle Manasɛ+ abusua ne azɛlɛ, ɔluakɛ ɔle Dwosefi ara kpanyinli.+ Kɛmɔ Manasɛ ara kpanyinli Meekɛ+ mɔɔ le Geleade papa la le kovolɛ la ati, bɛvale Geleade nee Beehyan+ bɛmaanle ye. 2 Bɛguale ma na bɛmaanle Manasɛ abozoamra mɔɔ ɛha la azɛlɛ na bɛhyɛle bɛmaanle bɛ mbusua ne mɔ, Abi-yizɛ+ abozoamra, Hilɛke abozoamra, Aseleɛle abozoamra, Hyikɛm abozoamra, Hifɛ abozoamra yɛɛ Hyemaeda abozoamra. Ɛhye mɔ le Dwosefi ara Manasɛ abozoamra mrenyia nee bɛ mbusua.+ 3 Noko Manasɛ ara Meekɛ ara Geleade ara Hifɛ ara Zilɔfɛhade+ anwo mralɛ mrenyia, ɔwole mraalɛ ngome, na ɔ mra mraalɛ ne mɔ aluma ɛne: Maala, Nowa, Hɔgela, Melekaa yɛɛ Tɛza. 4 Ɔti bɛhɔle ɛsɔfo Ɛlieza,+ Nɛn ara Dwɔhyua yɛɛ mgbanyima ne mɔ ɛkɛ na bɛhanle kɛ: “Gyihova hanle hilele Mosisi kɛ ɔmaa yɛ agyapadeɛ wɔ yɛ mediema mrenyia ne mɔ avinli.”+ Yemɔti ɔmaanle bɛ agyapadeɛ wɔ bɛ papa amediema mrenyia ne mɔ avinli kɛ mɔɔ Gyihova hanle la.+
5 Manasɛ eza nyianle azɛlɛ bulu bokale Geleade nee Beehyan azɛlɛ ne mɔɔ wɔ Dwɔdan ne anzi lɔ* la anwo,+ 6 ɔluakɛ Manasɛ amra mraalɛ ne mɔ nee ɔ mra mrenyia ne mɔ nyianle agyapadeɛ, na Geleade azɛlɛ ne rayɛle Manasɛ abozoamra mɔɔ ɛha la agyapadeɛ.
7 Manasɛ ɛweɛne ne vi Ahya kɔdwu Makemita+ mɔɔ nee Hyikɛm+ anye bɔ zolɛ la, na ɛweɛne ne tolo kɔ nyiakɛ* wɔ menli mɔɔ de Ɛn-tapua la azɛlɛ zo. 8 Tapua+ azɛlɛ ne yɛle Manasɛ ɛdeɛ, noko Tapua sua ne mɔɔ wɔ Manasɛ ɛweɛne zo la le Yifelaem abozoamra ɛdeɛ. 9 Ɛweɛne ne se dua Kanaa Azudenle ne anwo,* wɔ ye nyiakɛ. Ɛnee Yifelaem azua wɔ Manasɛ azuamgbole ne mɔ avinli,+ ɛnee Manasɛ ɛweɛne ne wɔ azudenle* ne sɔlɔ na ɔkɔgua nyevile ne anloa.+ 10 Ɛnee azɛlɛ ne nyiakɛ le Yifelaem ɛdeɛ yɛɛ sɔlɔ le Manasɛ ɛdeɛ na ɛnee nyevile ne a le ye ɛweɛne a.+ Manasɛ azɛlɛ ne sɔlɔ kɔdwu Ahya ɛweɛne zo yɛɛ aduduleɛ kɔdwu Yesakaa ɛweɛne zo.
11 Bɛvale Bɛte-hyian nee azua mɔɔ zuozua ye, Yebelɛyam+ nee azua mɔɔ zuozua ye, menli mɔɔ wɔ Dɔɔ+ nee azua mɔɔ zuozua ye, menli mɔɔ wɔ Ɛn-dɔɔ+ nee azua mɔɔ zuozua ye, menli mɔɔ wɔ Teeyanake+ nee azua mɔɔ zuozua ye, yɛɛ menli mɔɔ wɔ Mɛgido nee azua mɔɔ zuozua ye, azua nsa ne mɔɔ gua awoka zo la bɛmaanle Manasɛ wɔ Yesakaa nee Ahya azɛlɛ zo.
12 Noko Manasɛ abozoamra angola anva azua ɛhye mɔ; Keenama kpole kɛ bɛkɛvi azɛlɛ ne azo.+ 13 Mekɛ mɔɔ Yizilayɛma anwo yɛle se la, bɛmaanle Keenama yɛle akɛlɛ gyima+ noko bɛandu bɛ* bɛanvi ɛkɛ ne bɔkɔɔ.+
14 Dwosefi abozoamra zele Dwɔhyua kɛ: “Yɛ nwo zonle yɛɛ Gyihova ɛyila yɛ badwu ɛnɛ.+ Duzu ati a azɛlɛ ko ala a wɔpɛ wɔmaa yɛ*+ a?” 15 Dwɔhyua buale bɛ kɛ: “Saa bɛ nwo zonle a, ɛnee bɛhɔ kpɔkɛ ne mɔɔ wɔ Pilɛzema+ nee Relɛfeeyemma+ azɛlɛ zo la anu na bɛhɔzo bie bɛva, ɔluakɛ Yifelaem awoka zo+ azɛlɛ ne le ekyi maa bɛ.” 16 Akee Dwosefi abozoamra ne hanle kɛ: “Awoka ne mɔ azo le ekyi maa yɛ, yɛɛ Keenama kɔsɔɔti mɔɔ de bɔnza ne anu azɛlɛ ne azo, bɛdabɛ mɔɔ bɛwɔ Bɛte-hyian+ nee azua mɔɔ zuozua ye la azo nee bɛdabɛ mɔɔ bɛwɔ Gyɛzeɛle+ bɔnza ne anu la dedɛ konle ehwili+ mɔɔ dadeɛ wɔ nwolɛ la.”* 17 Yemɔti Dwɔhyua zele Dwosefi abozoamra, Yifelaem nee Manasɛ kɛ: “Bɛ nwo zonle yɛɛ bɛlɛ tumi kpole. Bɛnrɛnyia azɛlɛ ko ala,+ 18 emomu awoka ne mɔ azo azɛlɛ ne noko bayɛ bɛ ɛdeɛ.+ Ɔle kpɔkɛ ɛdeɛ noko bɛbazo, na ɛkɛ ne a bɛ azɛlɛ ne anloa bahɔdwu a. Keenama anwo yɛ se yɛɛ bɛlɛ konle ehwili mɔɔ dadeɛ wɔ nwolɛ*+ la ɛdeɛ, noko bɛbavoa bɛ bɛavi ɛkɛ.”