Yizikeɛle

48 “Mbusua ne mɔ aluma, ɔvi sɔlɔ nehane mɔɔ ba la ɛne: Dan ɛdeɛ+ ne fa Hɛtelɔn adenle ne anloa ɔdua Libo-heemate*+ ɔkɔdwu Heeza-yinan nee Damasekɛse sɔlɔ ɛweɛne zo wɔ Heemate+ anwo ɛkɛ; na ɔtenrɛ ɔfi aduduleɛ afoa nu ɔkɔdwu nyiakɛ ɛweɛne ne azo. 2 Ahya ɛdeɛ+ ne wɔ Dan ɛweɛne zo, ɔvi aduduleɛ ɛweɛne zo ɔkɔdwu adɔleɛ ɛweɛne zo. 3 Nafetalae ɛdeɛ+ ne wɔ Ahya ɛweɛne zo, ɔvi aduduleɛ ɛweɛne zo ɔkɔdwu adɔleɛ ɛweɛne zo. 4 Manasɛ ɛdeɛ+ ne wɔ Nafetalae ɛweɛne zo, ɔvi aduduleɛ ɛweɛne zo ɔkɔdwu adɔleɛ ɛweɛne zo. 5 Yifelaem ɛdeɛ ne wɔ Manasɛ ɛweɛne zo,+ ɔvi aduduleɛ ɛweɛne zo ɔkɔdwu adɔleɛ ɛweɛne zo. 6 Wulubɛn ɛdeɛ ne wɔ Yifelaem ɛweɛne zo,+ ɔvi aduduleɛ ɛweɛne zo ɔkɔdwu adɔleɛ ɛweɛne zo. 7 Dwuda ɛdeɛ ne wɔ Wulubɛn ɛweɛne zo,+ ɔvi aduduleɛ ɛweɛne zo ɔkɔdwu adɔleɛ ɛweɛne zo. 8 Wɔ Dwuda ɛweɛne zo, ɔvi aduduleɛ ɛweɛne zo ɔkɔdwu adɔleɛ ɛweɛne zo, azɛlɛ mɔɔ ɔwɔ kɛ bɛpɛ bɛto ɛkɛ ne bɛyɛ ndoboa la tɛtɛlɛ le kubit* 25,000+ na ye tendenle nee mbusua ɛhendeɛ ne mɔ azɛlɛ ne mɔ sɛ, ɔvi aduduleɛ ɛweɛne zo ɔkɔdwu adɔleɛ ɛweɛne zo. Ɛzonlenlɛsua ne bagyinla ye avinli.

9 “Mɔɔ bɛbapɛ bɛado ɛkɛ bɛayɛ ndoboa bɛamaa Gyihova la tendenle bayɛ kubit 25,000 yɛɛ ye tɛtɛlɛ bayɛ 10,000. 10 Ɛhye bayɛ ndoboa nwuanzanwuanza amaa ɛsɔfoma ne.+ Sɔlɔ afoa nu bayɛ kubit 25,000, adɔleɛ bayɛ 10,000, aduduleɛ bayɛ 10,000 yɛɛ nyiakɛ bayɛ 25,000. Gyihova ɛzonlenlɛsua ne bagyinla ye avinli. 11 Ɔbayɛ ɛsɔfoma mɔɔ bɛyɛle bɛ nwo nwuanzanwuanza mɔɔ bɛle Zeedɔko abozoamra,+ bɛdabɛ mɔɔ bɛyɛle me gyima ne na bɛandwe bɛ nwo bɛanvi me nwo wɔ mekɛ mɔɔ Yizilayɛma nee Livaema hwenle bɛ nwo vile me nwo la ɛdeɛ.+ 12 Bɛbanyia azɛlɛ ne mɔɔ bɛva bɛyɛ ndoboa mɔɔ bɛpɛ bɛdo ɛkɛ ne kɛ debie nwuanzanwuanza kpalɛ mɔɔ ɔzua Livaema ɛweɛne ne la bie.

13 “Livaema banyia azɛlɛ mɔɔ ye tendenle le kubit 25,000 na ye tɛtɛlɛ le 10,000 la wɔ ɛsɔfoma ne azɛlɛ ɛdeɛ ne anwo ɛkɛ. (Ye tendenle ne amuala bayɛ 25,000 yɛɛ ye tɛtɛlɛ bayɛ 10,000.) 14 Ɔnle kɛ bɛtɔne azɛlɛ kpalɛ ɛhye foa biala, anzɛɛ bɛfa bɛdie fofolɛ, anzɛɛ bɛfa bɛmaa awie, ɔluakɛ ɔle debie nwuanzanwuanza ɔmaa Gyihova.

15 “Azɛlɛ mɔɔ baha mɔɔ ye tɛtɛlɛ le kubit 5,000 na ɔdoa kubit 25,000 ne azo la bayɛ ɛleka mɔɔ awie biala bahola adɛnla ɛkɛ wɔ suakpole ne anwo,+ bɛbasisi azua wɔ ɛkɛ na yeayɛ adidileka. Suakpole ne bagyinla ye avinli.+ 16 Mɔɔ bɛzuzule suakpole ne la, kɛ ɛnee ɔde la ɛne: Sɔlɔ ɛweɛne zo le kubit 4,500, nyiakɛ ɛweɛne zo le 4,500, aduduleɛ ɛweɛne zo le 4,500 yɛɛ adɔleɛ ɛweɛne zo le 4,500. 17 Suakpole ne adidileka ne bayɛ kubit 250 wɔ sɔlɔ, 250 wɔ nyiakɛ, 250 wɔ aduduleɛ yɛɛ 250 wɔ adɔleɛ.

18 “Azɛlɛ mɔɔ baha la tendenle bayɛ kɛ ndoboa nwuanzanwuanza ne ala la,+ kubit 10,000 wɔ aduduleɛ yɛɛ 10,000 wɔ adɔleɛ. Ɔbayɛ kɛ ndoboa nwuanzanwuanza ne ala la, na bɛdabɛ mɔɔ bɛyɛ gyima wɔ suakpole ne azo la bɛali ye nzoleɛ ne. 19 Bɛdabɛ mɔɔ bɛwɔ Yizilayɛ mbusua kɔsɔɔti anu mɔɔ bɛyɛ gyima wɔ suakpole ne azo la bɛazo bie.+

20 “Ndoboa ne amuala le kubit 25,000, ye afoa nna ne mɔ amuala sɛ. Bɛpɛ bɛdo ɛkɛ bɛboka suakpole ne azɛlɛ ne anwo bɛyɛ ye ndoboa nwuanzanwuanza.

21 “Mɔɔ ɔbaha wɔ ndoboa nwuanzanwuanza ne foa ko nee suakpole ne azɛlɛ ne foa ko la bayɛ kpanyinli ne ɛdeɛ.+ Ɔbala ndoboa ne mɔɔ le kubit 25,000 la ɛweɛne ne mɔ azo wɔ aduduleɛ nee adɔleɛ. Ɔbayɛ kɛ azɛlɛ ne mɔ mɔɔ doɔdoa zo ala la, na ɔbayɛ kpanyinli ne ɛdeɛ. Ndoboa nwuanzanwuanza ne nee ɛzonlenlɛsua ne bagyinla avinli.

22 “Livaema azɛlɛ ne nee suakpole ne azɛlɛ ne bala kpanyinli ne ɛdeɛ ne avinli. Kpanyinli ne azɛlɛ ne bala Dwuda ɛweɛne zo+ nee Bɛngyaman ɛweɛne zo avinli.

23 “Mbusua mɔɔ bɛha la ɛdeɛ, Bɛngyaman azɛlɛ ne bavi aduduleɛ ɛweɛne zo yeahɔdwu adɔleɛ ɛweɛne zo.+ 24 Semɛyɔn ɛdeɛ ne wɔ Bɛngyaman ɛweɛne zo,+ ɔvi aduduleɛ ɛweɛne zo ɔkɔdwu adɔleɛ ɛweɛne zo. 25 Yesakaa ɛdeɛ+ ne wɔ Semɛyɔn ɛweɛne zo, ɔvi aduduleɛ ɛweɛne zo ɔkɔdwu adɔleɛ ɛweɛne zo. 26 Zɛbulɛn ɛdeɛ ne wɔ Yesakaa ɛweɛne zo,+ ɔvi aduduleɛ ɛweɛne zo ɔkɔdwu adɔleɛ ɛweɛne zo.+ 27 Gaade ɛdeɛ ne wɔ Zɛbulɛn ɛweɛne zo,+ ɔvi aduduleɛ ɛweɛne zo ɔkɔdwu adɔleɛ ɛweɛne zo. 28 Gaade ɛweɛne ne mɔɔ wɔ nyiakɛ afoa nu la, bavi Teemaa+ yeahɔ Mɛlebate-keedɛhye+ nzule ne mɔ anwo, na yeavi Bɔnza*+ ne anwo yeahɔ Nyevile Kpole* ne anloa.

29 “Azɛlɛ ɛhye a bɛbahyɛ bɛamaa Yizilayɛ mbusua ne mɔ+ kɛ bɛ agyapadeɛ a, na ɛhye bayɛ bɛ ɛdeɛ,”+ Tumivolɛ Awulae Gyihova a se a.

30 “Nlenkɛ mɔɔ bagua suakpole ne anwo la ɛne: Sɔlɔ afoa nu tendenle bayɛ kubit 4,500.+

31 Bɛbava Yizilayɛ mbusua ne mɔ aluma bɛavɛlɛ suakpole ne nlenkɛ mgbole ne mɔ. Nlenkɛ mgbole nsa ne mɔ mɔɔ wɔ sɔlɔ afoa nu la, Wulubɛn anlenkɛ kpole ko, Dwuda anlenkɛ kpole ko yɛɛ Livae anlenkɛ kpole ko.

32 Aduduleɛ afoa nu tendenle bayɛ kubit 4,500, na nlenkɛ mgbole nsa wɔ ɛkɛ: Dwosefi anlenkɛ kpole ko, Bɛngyaman anlenkɛ kpole ko yɛɛ Dan anlenkɛ kpole ko.

33 Nyiakɛ afoa nu tendenle bayɛ kubit 4,500, nlenkɛ mgbole nsa wɔ ɛkɛ: Semɛyɔn anlenkɛ kpole ko, Yesakaa anlenkɛ kpole ko yɛɛ Zɛbulɛn anlenkɛ kpole ko.

34 Adɔleɛ afoa nu tendenle bayɛ kubit 4,500, nlenkɛ mgbole nsa wɔ ɛkɛ: Gaade anlenkɛ kpole ko, Ahya anlenkɛ kpole ko yɛɛ Nafetalae anlenkɛ kpole ko.

35 “Adenle mɔɔ bɔ suakpole ne anwo yia la tendenle bayɛ kubit 18,000. Na duma mɔɔ bɛbava bɛavɛlɛ suakpole ne ɔvi kenle zɔhane mɔɔ kɔ la bayɛ Gyihova Wɔ Ɛkɛ.”+