Gyɛlɛmaya
46 Edwɛkɛ mɔɔ Gyihova hanle hilele ngapezonli Gyɛlɛmaya wɔ maanle maanle ne mɔ anwo la ɛne:+ 2 Yigyibiti ɛdeɛ,+ edwɛkɛ mɔɔ fale Yigyibiti Belemgbunli Falo Niko+ ɛlɔnema mɔɔ ɛnee wɔ Azule Yufileti ne anloa na Babelɔn Belemgbunli Nɛbukadenɛza lile bɛ nwo zo konim wɔ Kaakɛmehye, wɔ Dwuda Belemgbunli Gyɛhɔyakem,+ Dwosaya ara ne ɛvolɛ nna ne azo la anwo la ɛne:
3 “Bɛziezie bɛ enyinlike ngyikyi nee bɛ enyinlike mgbole ne mɔ,
Na bɛhɔ konle.
4 Bɛmɛ mgbɔnwɔkavoma, bɛziezie bɛ mgbɔnwɔ ne mɔ na bɛdɛnla zolɛ.
Bɛzoa bɛ mbulalɛ ahyɛlɛ ne mɔ na bɛgyinlegyinla ɛkɛ.
Bɛzi bɛ atwɛ ne mɔ na bɛwula bɛ konle adɛladeɛ ne mɔ.
5 ‘Duzu ati a menwu kɛ ɛzulolɛ ɛha bɛ a?
Bɛlɛsia bɛ nzi, bɛli bɛ ɛlɔnema ne anwo zo konim.
Ɛzulolɛ ɛmaa bɛnriandi, bɛ ɛlɔnema ando bɛ nye bɛ nzi.
Ɛzulolɛ ɛbɔ bɛ ɛyia,’ Gyihova a se a.
6 ‘Mɔɔ anwo yɛ ndɛ la ɛngola nriandi, yɛɛ ɛlɔnema ne ɛngola ɛnvi ɛsalɛ.
Bɛkpula na bɛdu bɛgua aze+
Wɔ sɔlɔ, Azule Yufileti ne anloa.’
7 Nwane a ɛlɛba kɛ Azule Naele ne,
Kɛ azule mɔɔ ɛyi ɛbu aze la ɛ?
8 Yigyibiti ɛlɛba kɛ Azule Naele ne,+
Kɛ azule mɔɔ ɛyi ɛbu aze la,
Na ɔka kɛ, ‘Mebayi meaheda azɛlɛ ne azo.
Mebazɛkye suakpole ne nee bɛdabɛ mɔɔ bɛde zolɛ la.’
9 Bɛmɛ mgbɔnwɔ, bɛvo bɛhɔ!
Bɛmɛ konle ehwili, bɛhɔ ndɛndɛ!
Bɛmaa ɛlɔnema ɛhɔ bɛ nyunlu,
Kuhye nee Pɛɛte mɔɔ bɛdedɛ enyinlike,+
10 “Kenle zɔhane le Tumivolɛ Awulae, ɛlɔne Gyihova ɛdeɛ, nzenralɛlilɛ kenle mɔɔ ɔbali ye kpɔvolɛma nzenralɛ a. Konle dadeɛ bali nane na yeanlo mogya yeamaa ɔ ko ayi, ɔluakɛ Tumivolɛ Awulae, ɛlɔne Gyihova ɛlɛbɔ afɔle wɔ sɔlɔ azɛlɛ ne azo wɔ Azule Yufileti ne anloa.+
11 Bɛmɛ Yigyibitima,
Bɛvo bɛhɔ Geleade bɛhɔkpondɛ balesam.+
Bɛyɛ nyile dɔɔnwo mgbane,
Ɔluakɛ bɛnrɛde kpɔkɛ.+
12 Maanle maanle ne mɔ ɛde bɛ anyiemgbabɔlɛ ne,+
Yɛɛ bɛde bɛ ɛzunlɛ ne wɔ azɛlɛ ne ɛleka biala.
Ɔluakɛ katakyie fofo katakyie nwo zo,
Na bɛ mu nwiɔ bɛtu bɛgua aze.”
13 Edwɛkɛ mɔɔ Gyihova hanle hilele ngapezonli Gyɛlɛmaya wɔ Babelɔn Belemgbunli Nɛbukadenɛza mɔɔ ɔbara yearali Yigyibiti azɛlɛ ne azo konim la anwo la ɛne:+
14 “Bɛha ye wɔ Yigyibiti, bɛbɔ ye nolo wɔ Megedɔlo.+
Bɛbɔ ye nolo wɔ Nɔfo* nee Tapanehizi.+
Bɛha kɛ, ‘Bɛdwazo na bɛboɔboa bɛ nwo,
Ɔluakɛ konle dadeɛ bali nane abɔ wɔ ayia.
15 Duzu ati a bɛpia wɔ ɛlɔnema ne bɛhɔ a?
Bɛangola bɛangyinla bɛ gyakɛ anu,
Ɔluakɛ Gyihova ɛzuhu bɛ ɛgua aze.
16 Bɛ dɔɔnwo kpalɛ ɛkpula na bɛgua aze.
Bɛka bɛkile bɛ nwo ngoko kɛ:
“Dwazo! Maa yɛzia yɛhɔ yɛ menli ne anwo lɔ nee yɛ maanle nu
Ɔlua konle dadeɛ atisesebɛ ne ati.”’
17 Bɛbɔ ye nolo wɔ nehane kɛ,
‘Yigyibiti Belemgbunli Falo tu ɔ nloa nu mgbane
18 ‘Mekɛ ala mɔɔ mede aze la,’ Belemgbunli ne mɔɔ ye duma a le ɛlɔne Gyihova la a se a,
‘Kɛ mɔɔ Teebɔ+ wɔ awoka avinli
19 O Yigyibitima,
Bɛboɔboa bɛ akɛlɛzonlenlɛ nu ɛhɔlɛ ninyɛne nloa.
20 Yigyibiti le kɛ ɛnlankɛ belɛ kɛnlɛma la,
Noko tunli vi sɔlɔ baranlo ye.
21 Ye ɛlɔnema mɔɔ wɔ ye avinli mɔɔ yebɔ bɛ ɛkpa bɔbɔ la le kɛ nlankɛ mralɛ mɔɔ bɛwie dɔ la,
Na bɛdabɛ noko bɛzia bɛ nzi na bɛbɔ nu bɛnriandi.
22 ‘Ɔ ne le kɛ ɛwɔlɛ mɔɔ ɛlɛtwenle ɔ nwo aze la,
Ɔluakɛ kpɔvolɛma mɔɔ anwo yɛ se la ba ɔ nwo zo, bɛfa akuma a bɛba a,
Kɛ menli mɔɔ bubu mbaka* la.
23 Bɛbazo ye kpɔkɛmile ne mɔɔ ɔzɔho kɛ bɛngola bɛnwolo nu la bagua aze,’ Gyihova a se a.
Ɔluakɛ bɛzonle bɛtɛla abɛbɛ, bɛnze bɛ nloa.
24 Yigyibitima anyunlu bagua aze.
Bɛbaye bɛ bɛamaa menli mɔɔ vi sɔlɔ la.’+
25 “Ɛlɔne Gyihova, Yizilayɛ Nyamenle ne se: ‘Kɛkala, mebahakyi me nye wɔ Emɔn+ mɔɔ wɔ No*+ la anwo zo, wɔ Falo, wɔ Yigyibiti nee ye nyamenle ne mɔ+ yɛɛ ye arelemgbunli ne mɔ anwo zo—ɛhɛe, mebahakyi me nye wɔ Falo nee menli mɔɔ fa bɛ nwo to ɔ nwo zo la amuala anwo zo.’+
26 “‘Na mebaye bɛ meamaa bɛdabɛ mɔɔ bɛkpondɛ bɛ bɛahu bɛ* la, meamaa Babelɔn Belemgbunli Nɛbukadenɛza+ nee ye azonvolɛ. Noko nzinlii, menli bɛadɛnla zolɛ bieko kɛ dɛba ne la,’ Gyihova a se a.+
27 ‘Wɔmɔ me sonvolɛ Gyekɔbo, mmasulo,
Na mmamaa wɔ ahonle tu, O Yizilayɛ.+
Ɔluakɛ mebalie wɔ meavi moamoa
Na mealie ɛ bo zo amra meavi akɛlɛzonlenlɛ maanle nu.+
Gyekɔbo bazia ara na ɔ nwo badɔ ye na ɔ nzo nu adwo ye,
Na awie biala ɛnrɛha bɛ ɛzulolɛ.+
28 Ɔti me sonvolɛ Gyekɔbo, mmasulo,’ Gyihova a se a, ‘ɔluakɛ me nee wɔ lua.