Sɔlɔmɔn Edwɛne

Wɔ enrinli le kɛ mbɔnkye

Mɔɔ vi Geleade awoka zo ɛlɛtolo la.+

 2 Ɛ gye le kɛ mboane mɔɔ bɔ zo mɔɔ bɛpepɛ bɛ nwo enrinli

Na bɛvi ɛleka mɔɔ bɛhɔbiale bɛ bɛra la,

Bɛ muala bɛwo ndalɛ,

Yɛɛ bɛ nuhua ko bɔbɔ ara ɛtɛwule.

 3 Ɛ nloa le kɛ nyɛma kɔkɔlɛ,

Yɛɛ wɔ ɛdendɛlɛ yɛ fɛ.

Ɛ nvoka le kɛ pɔmegelanate mɔɔ bɛkpuke nu

Wɔ ɛ ti zo aguzo ne abo.

 4 Ɛ kɔme+ le kɛ Devidi tawa ne,+

Mɔɔ bɛva awolɛ bɛzi bɛdoɔdoa zo

Na enyinlike apenle ko hendɛhenda ye la,

Bɛ muala bɛle mrenyia katakyiema enyinlike.+

 5 Ɛ nyɛfo nwiɔ ne le kɛ weɛlɛ mralɛ nwiɔ,

Ahɛtɛboɛ ndalɛ,+

Mɔɔ didi aloa nu la.”

 6 “Kɔkpula kɛ anwoma ne babɔ bɛtɛɛ na alubo ne aminli la,

Mebahɔ alufuanlɛ boka ne

Nee ɛyɛlɛvuanlɛ boka ekyi ne azo.”+

 7 “Me kulovolɛ, ɛ nwo yɛ fɛ somaa,+

Nvonleɛ biala ɛnle ɛ nwo.

 8 Me atɔfolɛ, bɛla maa yɛvi Lɛbanɔn,

Bɛla maa yɛvi Lɛbanɔn yɛhɔ.+

Ɛvi Ameena boka ne,

Sinɛ boka ne, Hɛmɔn boka ne,+

Awenade ne mɔ dabelɛ ne, sobolɛ awoka ne mɔ azo dwu aze.

 9 Me diema raalɛ, me atɔfolɛ, wɔmaa me ahonle ɛhwe me,+

Meneanle ɛ nye ma ne kokye na menwunle wɔ ndweabane ne la,

Me ahonle hwenle me.

Wɔ ɛhulolɛ edwɛkɛ le kpalɛ tɛla nwanye,+

Yɛɛ wɔ anatele ne evuanlɛ tɛla debie evuanlɛ biala!+

Wolɛ nee meleke wɔ ɛ tafinlima abo,+

Yɛɛ wɔ adɛladeɛ nu evuanlɛ le kɛ evuanlɛ mɔɔ vi Lɛbanɔn.

12 Me diema raalɛ, me atɔfolɛ ne le kɛ tola mɔɔ bɛdo nu,

Ɔle kɛ tola mɔɔ bɛdo nu, nzubula mɔɔ bɛdo nuhua.

13 Wɔ ngane ne mɔ* le kɛ paladaese* mɔɔ pɔmegelanate

Mbakama ngɛnlɛma yɛɛ hɛna nee naade mbaka,

14 Naade+ nee safolɔn, baka evuanlɛ+ nee senamɔn,+

Ɛyɛlɛvuanlɛ, alufuanlɛ nee alo ngakyile,+

Yɛɛ ninyɛne evuanlɛ kɔsɔɔti wɔ nu la.+

15 Ɛle kɛ tola nu nzubula, bula mɔɔ nzukpa wɔ nu,

Yɛɛ azudenle mɔɔ vi Lɛbanɔn se la.+

16 O sɔlɔ anwoma, dwazo;

O nyiakɛ anwoma, bɛla.

“Maa me kulovolɛ ne ɛrɛla ye tola ne anu

Na ɔli nuhua mbakama kpalɛ ne bie.”