Edwɛne
Ayɛlɛyelɛ edwɛne.
Ɔ sa fema ne, ɔ sa kpɔma nwuanzanwuanza ne ɛva ngoanelielɛ ɛra.*+
3 Yehakye ye ɛlɔlɛ kpundii ne nee nɔhalɛlilɛ mɔɔ ɔlɛ ɔmaa Yizilayɛma la.+
Bɛnwu yɛ Nyamenle ne ngoanelielɛ* wɔ azɛlɛ ye ɛleka biala.+
4 Azɛlɛ ye kɔsɔɔti, bɛdeɛdea nu konimlilɛ nu bɛmaa Gyihova.
Bɛmaa bɛ nye ɛlie na bɛva fɛlɛkolilɛ bɛdeɛdea nu na bɛdo ayɛlɛyelɛ edwɛne.+
5 Bɛva haape bɛdo ayɛlɛyelɛ edwɛne bɛmaa Gyihova,
Bɛva haape na bɛdo anyelielɛ edwɛne.
6 Bɛva aweɛne ndendenle nee aweɛne,+
Bɛdeɛdea nu konimlilɛ nu wɔ Belemgbunli, Gyihova anyunlu.
7 Bɛmaa nyevile ne nee debie biala mɔɔ wɔ nu la ɛhulu,
Azɛlɛ ne nee bɛdabɛ mɔɔ bɛde zo la.
8 Bɛmaa azule ne mɔ ɛbɔ bɛ sa nu;
Na awoka ne mɔ ɛva anyelielɛ ɛbɔ nu ɛdeɛdea nu+
9 Wɔ Gyihova anyunlu, ɔluakɛ ɔlɛba yearabua azɛlɛ ye ndɛne.