Edwɛne
Masekele.* Ɛzelaenli Yitan+ edwɛne.
89 Mebado Gyihova ɛlɔlɛ kpundii ne mɔɔ ɔda ye ali la anwo edwɛne dahuu.
Mebava me nloa meaha wɔ nɔhalɛlilɛ ne anwo edwɛkɛ meahile awolɛndoazo kɔsɔɔti.
2 Ɔluakɛ meha kɛ: “Ɛlɔlɛ kpundii badɛnla ɛkɛ ne dahuu,+
Yɛɛ wɔva wɔ nɔhalɛlilɛ ne wɔzie ɛkɛ ne kpundii wɔ anwuma.”
4 ‘Mebava ɛ ra meazie ɛkɛ ne dahuu,+
Na meamaa wɔ belemgbunli ebia ne adɛnla ɛkɛ wɔ awolɛndoazo kɔsɔɔti anu.’”+ (Sila)
5 O Gyihova, anwuma ye wɔ nwanwane ninyɛne ne mɔ ayɛlɛ,
Ɛhɛe, bɛye wɔ nɔhalɛlilɛ ne noko ayɛlɛ wɔ nwuanzanwuanzama asafo ne anu.
6 Ɔluakɛ nwane a wɔ anwuma nehane mɔɔ bɛbava ye bɛatoto Gyihova anwo a?+
Nyamenle amra ne mɔ*+ anu boni a nee Gyihova sɛ a?
7 Bɛsulo Nyamenle wɔ nwuanzanwuanzama ne ayia bo;+
Ɔle kpole yɛɛ ɔ nwo yɛ ɛzulolɛ tɛla bɛdabɛ mɔɔ bɛbɔ ye bɛyia la amuala.+
8 O ɛlɔne Gyihova Nyamenle,
Nwane a lɛ tumi kpole kɛ ɛdawɔ a, O Gyaa?+
Wɔ nɔhalɛlilɛ ɛbɔ wɔ ɛyia.+
9 Ɛlɛ tumi wɔ nyevile mɔɔ ɛyɛ begyebegye la anwo zo;+
Saa ye azɛlɛkye ne mɔ maa bɛ nwo zo a, ɛmaa bɛgua dii.+
10 Wɔbubu Releehabe+ dwɔkɔdwɔkɔ kɛ awie mɔɔ bɛhu ye la.+
Wɔva wɔ tumi ne* wɔbɔ wɔ kpɔvolɛma asande.+
11 Anwuma le wɔ ɛdeɛ, yɛɛ azɛlɛ ye noko le wɔ ɛdeɛ;+
Ewiade nee nuhua ninyɛne muala+—ɛdawɔ a ɛyɛle a.
14 Tenleneyɛlɛ nee pɛlepɛlelilɛ le wɔ belemgbunli ebia ne adiabo;+
Ɛlɔlɛ kpundii nee nɔhalɛlilɛ gyi ɛ nyunlu.+
15 Anyelielɛ a le menli mɔɔ fa ɛnelɛ fɛlɛko ye wɔ ayɛlɛ la.+
O Gyihova, bɛdua ɛ nyunlu wienyi ne anu.
16 Bɛdi fɛlɛko wɔ wɔ duma ne anu dahuu,
Na bɛkpogya bɛ zo wɔ wɔ tenleneyɛlɛ ne anu.
18 Ɔluakɛ yɛ enyinlike ne vi Gyihova ɛkɛ,
Yɛɛ yɛ belemgbunli ne vi Yizilayɛ Nwuanzanwuanza Ko ne ɛkɛ.+
19 Mekɛ zɔhane, ɛdendɛle ɛnyelɛzodeɛnwunlɛ nu ɛhilele wɔ nɔhavoma ne na ɛhanle kɛ:
21 Me sa bazɔ ye,+
Na me sa kpɔma ne amaa ye anwosesebɛ.
22 Kpɔvolɛ biala ɛnrɛlie adwule ɛnrɛvi ye ɛkɛ,
Yɛɛ amumuyɛnli biala ɛnrɛsisi ye.+
26 Ɔbadea nu yeavɛlɛ me kɛ: ‘Wɔmɔ a ɛle me Papa a,
Me Nyamenle nee me ngoanedievolɛ Bodane.’+
28 Ɛlɔlɛ kpundii mɔɔ melɛ memaa ye la badɛnla ɛkɛ ne dahuu,+
Yɛɛ ngyekyeleɛ mɔɔ me nee ye ɛyɛ la ɛnrɛzɛkye ɛlɛ.+
29 Mebava ɔ ra meazie ɛkɛ ne dahuu
Na meamaa ye belemgbunli ebia ne adɛnla ɛkɛ ne kɛ anwuma la.+
30 Saa ɔ bo zo amra kpo me mɛla ne
Na bɛanlua me ndɛnebualɛ ne anu,
31 Saa bɛanli me ngyehyɛleɛ ne azo
Na bɛanli me mɛla ne mɔ azo a,
32 Yemɔ mebava baka meahwe bɛ nzo wɔ bɛ anzosesebɛ* ne ati+
Na meava empele meahwe bɛ nzo wɔ bɛ nvonleɛ ne ati.
35 Meha ndane wɔ me nwuanzanwuanzayɛlɛ ne anu kokye;
Menrɛbɔ adalɛ menrɛhile Devidi.+
37 Ɔbayɛ kɛ siane ne la yeadɛnla ɛkɛ ne dahuu
Kɛ dasevolɛ nɔhavo wɔ anwomanyunlu.” (Sila)
38 Noko ɛdawɔ mumua ne wɔkpo ye na wɔvuandi ye wɔdo;+
Wɔva mɔɔ wɔkpokpa ye la anwo ɛya kpole.
39 Wɔtulu ngyekyeleɛ ne mɔɔ ɛ nee wɔ sonvolɛ yɛle la;
Wɔvuandi ye belemgbunli kyɛlɛ* ne wɔdo aze wɔmaa nwolɛ ɛgua evinli.
40 Wɔbubu ye awolɛ bane* ne mɔ kɔsɔɔti wɔgua;
Wɔzɛkye ye aranemgbole ne mɔ bɔkɔɔ.
43 Wɔammaa yeanva ye konle dadeɛ ne noko yeanyɛ ɛhwee,
Yɛɛ wɔammaa yeangola konle ne anloa gyinla.
44 Wɔmaa ye anyunlunyia ɛwie
Na wɔvuandi ye belemgbunli ebia ne wɔdo aze.
45 Wɔpɛ ye mgbavolɛ nu ngoane mekɛ ne azo;
Wɔva anyiemgba wɔheda ye. (Sila)
46 O Gyihova, ɛbava ɛ nwo wɔavea wɔahɔdwu kenlenzu? Dahuu ɔ?+
Wɔ ɛya ne bahɔ zo azɔ kɛ senle ɔ?
47 Kakye kɛzi me ngoane le ezinra la!+
Asoo mgbane ala a ɛbɔle alesama kɔsɔɔti a?
48 Sonla boni a bahola adɛnla ngoane nu na ɔnrɛnwu ewule ɛlɛ a?+
Ɔbahola yealie ɔ nwo* yeavi Nla* tumi ne abo ɔ? (Sila)
49 O Gyihova, nienwu a wɔ alimoa ɛlɔlɛ kpundii ne,
Mɔɔ ɛhanle nwolɛ ndane ɛhilele Devidi wɔ wɔ nɔhalɛlilɛ nu la wɔ a?+
50 O Gyihova, kakye kɛzi bɛgolo wɔ sonvolɛma anwo la;
Kɛzi ɔwɔ kɛ megyinla menli kɔsɔɔti agolobɛnwo* ne anloa la;
51 Nea kɛzi wɔ kpɔvolɛma bɔ aholoba, O Gyihova;
Nea kɛzi ahenle mɔɔ wɔkpokpa ye la tu ɔ gyakɛ ko biala a bɛbɔ ye aholoba la.
52 Ayɛlɛyelɛ ɛha Gyihova dahuu. Amen yɛɛ Amen.+