Edwɛne
Kɔmaa edwɛndolɛma kpanyinli ne. Bɛdo ye ayɛlɛyelɛ edwɛne “Mmasɛkye Me” zo. Esafe+ edwɛne. Edwɛne.
2 Wɔha kɛ: “Saa mekile mekɛ a,
Mebua ndɛne fɔɔnwo.
3 Mekɛ mɔɔ azɛlɛ ne nee zolɛ menli kɔsɔɔti holole la,
Medame a memaanle ye mpila ne mɔ gyinlanle kpundii a.” (Sila)
4 Meka mekile adubɛnwoma kɛ, “Bɛmmatu bɛ nwo,”
Yɛɛ meka mekile amumuyɛma kɛ, “Bɛmmafa bɛ anwosesebɛ* ne bɛtu bɛ nwo.
5 Bɛmmafa bɛ anwosesebɛ ne bɛtu bɛ nwo somaa
Anzɛɛ bɛmmafa anwomemaazo bɛtendɛ.
6 Ɔluakɛ adubɛnwo ɛnvi
Aduduleɛ anzɛɛ adɔleɛ anzɛɛ nyiakɛ a ba a.
7 Ɔluakɛ Nyamenle le Ndɛnebuavolɛ+
Ɔbɛlɛ sonla ne bie aze na ɔmaa bie zo.+
8 Ɔluakɛ Gyihova lɛ kanrɛlɛ bie ɔ sa nu;+
Nwanye ne ɛlɛwu awubue yɛɛ bɛfonla ye kpalɛ.
Ɔbawola yeagua,
Na amumuyɛma mɔɔ bɛwɔ azɛlɛ ne azo la kɔsɔɔti banlo ɔ muala.”+
9 Na mame, mebabɔ ye nolo dahuu;
Mebado* ayɛlɛyelɛ edwɛne meamaa Gyekɔbo Nyamenle ne.