Edwɛne
Kɔmaa edwɛndolɛma kpanyinli ne; bɛva getaa* bɛboka nwo bɛdo. Masekele.* Devidi edwɛne.
2 Yɛ ɛnzolɛ tie me na bua me.+
Me adwenleadwenle ɛmaa meyɛ basaa,+
Me adwenle ɛha ɛbɔ nu
3 Ɔlua mɔɔ kpɔvolɛ ne ɛlɛka
Nee amumuyɛnli ne ngyegyelɛ ne ati.
Bɛzo ngyegyelɛ bɛdoa me,
Bɛva me nwo ɛya yɛɛ bɛkyi me.+
5 Ɛzulolɛ ɛha me, me ahonle ɛdu,
Yɛɛ me nwo ala a woso me a.
6 Meka ye dahuu kɛ: “Saa melɛ ndɛbalɛ kɛ abubule a!
Anrɛɛ mebadu meahɔdɛnla ɛleka mɔɔ banebɔlɛ wɔ la.
7 Nea! Anrɛɛ mebadu meahɔ moamoa.+
Anrɛɛ mebahɔdɛnla fienemgbole ne anu.+ (Sila)
8 Anrɛɛ mebaha me nwo meahɔkpondɛ feabelɛ
Na meaye me nwo meavi anwoma kpole ne nee ahumu ne anu.”
9 O Gyihova, maa bɛ nye zo ɛda bɛ na sɛkye bɛ ngyehyɛleɛ ne mɔ,*+
Ɔluakɛ menwu basabasayɛlɛ nee konle wɔ suakpole ne azo.
10 Alehyenlɛ nee aledwolɛ biala bɛdua ye bane ne mɔ ati zo bɛbɔ ye mgbɔlɔka bɛyia;
Ninyɛndane nee ngyegyelɛ wɔ zo.+
11 Ɛzɛkyelɛ wɔ zolɛ;
Nzisi nee mɛlɛbɛla ɛmkpa ye gua ne azo.+
12 Ɔluakɛ tɛ kpɔvolɛ a tendɛ tia me a;+
Anrɛɛ mebahola meagyinla ɔ nloa.
Tɛ kpɔvolɛ a dwazo tia me a;
Anrɛɛ mebava me nwo meavea ye.
14 Ɛnee yɛle agɔnwolɛma kpalɛ;
Ɛnee yɛ nee menli dɔɔnwo dua nwo kɔ Nyamenle sua nu.
15 Maa ɛzɛkyelɛ ɛva bɛ aze!+
Maa bɛhɔ Nla* ne anu anyewɔzo;
Ɔluakɛ amumuyɛ ɛyi ɛleka mɔɔ bɛde la nee bɛ ahonle nu.
16 Na mame, mebadea nu meavɛlɛ Nyamenle,
Na Gyihova balie me.+
18 Ɔbalie me yeavi menli mɔɔ ko tia me la asa anu na yeamaa meanyia anzodwolɛ,
Ɔluakɛ menli dɔɔnwo dwazo tia me.+
Bɛnrɛhakyi,
Bɛdabɛ mɔɔ bɛnzulo Nyamenle la.+
21 Ye edwɛkɛ le toanwo tɛla bɛta,+
Noko konle wɔ ye ahonle nu.
Ye edwɛkɛ le tonlotonlo tɛla nwole,
Noko bɛle kɛ konle dadeɛ mɔɔ yɛ nla la.+
Ɔnrɛmaa tenlenenli ɛnrɛdɔ aze ɛlɛ.+
23 Noko wɔmɔ, O Nyamenle, ɛbava bɛ wɔahɔ kuma ne abo nehane.+
Bɛdabɛ mɔɔ bɛka mogya bɛgua nee bɛdabɛ mɔɔ bɛle mɛlɛbɛla la ɛnrɛli bɛ mekɛ ne foa ko bɔbɔ.+
Noko mame, mebava me nwo meado ɛ nwo zo.