Edwɛne

Kɔmaa edwɛndolɛma kpanyinli ne. Masekele.* Devidi edwɛne, mekɛ mɔɔ Yidɔmonli Dowɛge hɔhanle hilele Sɔɔlo kɛ Devidi wɔ Ahemɛlɛke+ sua nu ɛkɛ ne la.

52 Wɔmɔ katakyie, duzu ati a ɛfa wɔ ninyɛndane ne mɔ ɛtu ɛ nwo ɛ?+

Nyamenle ɛlɔlɛ kpundii ne wɔ ɛkɛ ne dahuu.+

2 Ɛ tafinlima yɛ nla kɛ dadeɛ* la,+

Ɔbɔ adwenle ɛtane na ɔyɛ gyima adalɛ nu.+

3 Ɛkulo ɛtane ɛtɛla kpalɛ,

Ɛkulo adalɛbɔlɛ ɛtɛla nɔhalɛhanlɛ. (Sila)

4 O wɔmɔ ɛtafinlimalɛ adalɛ!

Ɛkulo edwɛkɛ mɔɔ sɛkye awie mɔ la.

5 Ɛhye ati a Nyamenle babubu wɔ agua bɔkɔɔ la;+

Ɔbahwe wɔ yeavinde na yeavoa wɔ yeavi wɔ ɛdanlɛsua ne anu;+

Ɔbadu ɛ bo yeavi teasema* azɛlɛ ne azo.+ (Sila)

6 Tenlenema banwu ye na yeazi bɛ nwo,+

Na bɛbazele ye+ bɛaha kɛ:

7 “Nea, sonla ne mɔɔ anva Nyamenle anyɛ ye ɛvealeka,*+

Na ɔvale ɔ nwo ɔdole ye anwonyia kpole ne azo+

Na ɔvale ɔ rɛle ɔwulale ɔdaye mumua ne ye adwenle ɛtane ne mɔɔ ɔbɔle la anu la ɛne.”

8 Noko mebayɛ kɛ ɔlivi baka buzuu la wɔ Nyamenle sua nu ɛkɛ;

Mefa me nwo meto Nyamenle ɛlɔlɛ kpundii+ ne azo dahuu.

9 Mebaye wɔ ayɛlɛ dahuu ɔluakɛ wɔyɛ nwolɛ debie;+

Wɔ wɔ nɔhavoma ne anyunlu,

Mebava me nye meado wɔ duma ne azo,+ ɔluakɛ ɔle kpalɛ.