Edwɛne

Bɛmɛ Gyihova sonvolɛma, bɛye ye ayɛlɛ,

Bɛye Gyihova duma ne ayɛlɛ.

 2 Ayɛlɛyelɛ ɛha Gyihova duma ne

Ɔvi ɛnɛ mɔɔ kɔ la yɛɛ dahuu.+

 3 Ɔvi sɛnzɛne ne aduduleɛ kɔdwu ye adɔleɛ,

Bɛye Gyihova duma ne ayɛlɛ.+

 4 Gyihova le kpole bo maanle maanle kɔsɔɔti anwo zo;+

Ye anyunlunyia tɛla anwuma.+

 5 Nwane a le kɛ Gyihova yɛ Nyamenle ne,+

Mɔɔ ɔde* anwuma nehane la a?

 6 Ɔka ɔ nwo aze ɔnea anwuma nee azɛlɛ ye,+

 7 Ɔmaa koahweabane zo ɔfi ndɛtɛlɛ nu.

Ɔkpogya ehyianli zo ɔfi nzonle edukue nu*+

 8 Amaa ɔ nee menli titili adɛnla,

Ɔdaye ye menli ne anu titili ne mɔ.

 9 Ɔmaa raalɛ mɔɔ anwo ralɛ* la yɛ ɛrɛladane mɔɔ anye die

Na ɔnyia ngakula wɔ ye awuke nu.+