Dwobu
40 Gyihova doale zo buale Dwobu kɛ:
2 “Asoo ɔwɔ kɛ sonla mɔɔ nvonleɛ ala a ɔkpondɛ la nee Tumivolɛ Bedevinli ne dwudwu?+
Maa ahenle mɔɔ kpondɛ kɛ ɔtwi Nyamenle anyunlu la ɛye ɔ nloa.”+
3 Dwobu buale Gyihova kɛ:
4 “Nea! Menzɔho ɛhwee.+
Kɛ menzi membua wɔ ɛ?
Meva me sa medo me nloa.+
5 Mendendɛle kokye, noko menrɛdendɛ bieko;
Ye fane nwiɔ ne azo, noko menrɛha ye bieko.”
6 Akee Gyihova buale Dwobu wɔ ahumuakyima ne anu kɛ:+
7 “Mesɛlɛ wɔ, siezie ɛ nwo kɛ nrenyia la;
Mebiza wɔ edwɛkɛ, na wɔaye me ɔ nloa.+
8 Ɛlɛ edwɛkɛ ɛka ye wɔ me pɛlepɛlelilɛ ne anwo ɔ?
Ɛbua me fɔlɛ amaa wɔali benle ɔ?+
10 Mesɛlɛ wɔ, fa anyunlunyia nee kpoleyɛlɛ siezie ɛ nwo
Fa enililɛ nee kɛnlɛma keda.
11 Wola wɔ ɛya kpole ne gua;
Kpondɛ* awie biala mɔɔ memaa ɔ nwo zo la, na ka ye aze.
12 Kpondɛ* awie biala mɔɔ memaa ɔ nwo zo la, na bɛlɛ ye aze,
Na tietia amumuyɛma anwo zo wɔ ɛleka mɔɔ bɛgyi la ala.
13 Fa bɛ kɔsɔɔti fea ndɛtɛlɛ nu;
Kyekye bɛ* wɔ ɛleka mɔɔ vea la,
14 Yemɔ anrɛɛ medame bɔbɔ mebalie wɔ meado nu*
Kɛ ɛ sa fema ne kola die wɔ.
15 Akee nea nane Koliadunli,* membɔle ye kɛ mɔɔ membɔle wɔ la.
Ɔdi ndile kɛ ɛnlankɛ nyinli.
16 Nea anwosesebɛ mɔɔ wɔ ɔ nze nu
Nee tumi mɔɔ wɔ ɔ ko ndinli ne anu la!
17 Ɔsa ɔ dua anu ketee kɛ sida baka,
Bɛnwo ye ɛzɔlɛ nu ndinli ne mɔ bɛbɔ nu.*
18 Ye mbowule le kɛ kɔbele;
Ɔ gyakɛ le kɛ mbulalɛ.
19 Ɔlimoa* wɔ Nyamenle gyima ne mɔ anu;
Ye Yɛvolɛ ne ala a kola fa konle dadeɛ bikye ye a.
20 Ɔluakɛ ɔnyia ye aleɛ wɔ awoka ne mɔ azo,
Ɛleka mɔɔ ɛbɔ nu nane kɔsɔɔti di nwɔhoa la.
21 Ɔda mbowumbaka ne mɔ abo,
Ɔfea ndɔ ne mɔ mɔɔ wɔ azia nu la abo.
22 Mbowumbaka ne mɔ maa ye alubo;
Na mbɔnza* nloa pɔpola mbaka bɔ ye yia.
23 Saa azule ne tu kpole bɔbɔ a, ɔnzulo.
Dwɔdan+ ne bu gua ɔ nloa anu bɔbɔ a, ye ahonle ɛndu.
24 Asoo awie kɛhola kɛhye ye wɔ mekɛ mɔɔ ɔlɛnea ye la,
Anzɛɛ ɔkɛhola ɔkɛva koba* ɔkɛzɔ ɔ bonyi?