Dwobu
26 Dwobu buale kɛ:
2 “Nea kɛzi wɔboa sonla mɔɔ ɔnlɛ tumi a!
Nea kɛzi wɔlie ɛsalɛ mɔɔ ɛnlɛ anwosesebɛ a!+
3 Nea kɛzi wɔdu sonla mɔɔ ɛnze nrɛlɛbɛ la folɛ kpalɛ a!+
Nea kɛzi wɔvi wɔ ɛhulolɛ nu wɔla wɔ nrɛlɛbɛ kpalɛ ne ali* a!
4 Nwane a ɛkpondɛ kɛ ɛtendɛ ɛkile ye a,
Yɛɛ nwane a maanle wɔ anwosesebɛ kɛ ɛha edwɛkɛ ɛhye mɔ a?
5 Mowuamra mɔɔ bɛngola ɛhwee yɛ la anwo woso bɛ;
Bɛwɔ aze bɔbɔ bɛtɛla nyevile nee nuhua ninyɛne.
7 Yedɛlɛ sɔlɔ anwomanyunlu ne* anu wɔ ɛleka mɔɔ debie biala* ɛnle la,+
Yehenda azɛlɛ ne mɔɔ debie biala ɛnlɛ nu a;
8 Ɔkyekye nzule ne mɔ wɔ ye amungu ne anu,+
Amaa bɛ ɛlomboɛ ne ammaa amungu ne amkpuke.
9 Ɔkeda ye belemgbunli ebia ne anyunlu,
Na ɔtɛlɛ ye amungu ne anu ɔgua zolɛ.+
10 Ɔpɛ kutukpunli wɔ nzule ne mɔ anye;+
Ɔgya wienyi nee awozinli ɛweɛne.
11 Anwuma mpila ne mɔ bɔbɔ kpusu;
Ye ndeanlɛ ne ka bɛ ɛzulolɛ.
12 Ɔfa ye tumi ne ɔka nyevile ne anu,+
Yɛɛ ɔfa ye ndelebɛbo ɔbubu nyevile nu nane kpole ne* anu azinli azinli.+
14 Nea! Ɛhye mɔ le ye gyima ne mɔ anu ekyi bie ala;+
Ɔ nwo edwɛkɛ ekyi bie ala a yɛde ye yɛ nzo nu a!
Ɔti nwane a kɛhola kɛde ye ɛhululɛ kpole ne abo a?”+