Edwɛkɛsisilɛ Mɔɔ Limoa

6 Livae+ amra mrenyia a le Gɛhyɔn, Kohate+ yɛɛ Mɛlɛlae.+ 2 Kohate amra a le Amelam, Yezehaa,+ Hibulɔn yɛɛ Ɛzeɛle.+ 3 Amelam+ amra* a le Aalɔn,+ Mosisi+ yɛɛ Meleam+ noko. Na Aalɔn amra a le Needabe, Abaehu,+ Ɛlieza+ yɛɛ Yetamaa.+ 4 Ɛlieza wole Fenɛhaze; Fenɛhaze+ wole Abehyua. 5 Abehyua wole Bɛkae; Bɛkae wole Ɛzae. 6 Ɛzae wole Zɛlahaya; Zɛlahaya wole Mɛlayɔto. 7 Mɛlayɔto wole Amalaya; Amalaya wole Ahaetɛbe.+ 8 Ahaetɛbe wole Zeedɔko;+ Zeedɔko wole Ahaemaze.+ 9 Ahaemaze wole Azalaya; Azalaya wole Dwoheenan. 10 Dwoheenan wole Azalaya. Ɛnee ɔle ɛsɔfo wɔ sua ne mɔɔ Sɔlɔmɔn zile ye wɔ Gyɛlusalɛm la anu.

11 Azalaya wole Amalaya; Amalaya wole Ahaetɛbe. 12 Ahaetɛbe wole Zeedɔko;+ Zeedɔko wole Hyalɛm. 13 Hyalɛm wole Helekaya;+ Helekaya wole Azalaya. 14 Azalaya wole Sɛlaya;+ Sɛlaya wole Gyɛhozadake.+ 15 Na Gyɛhozadake hɔle akɛlɛzonlenlɛ nu wɔ mekɛ mɔɔ Gyihova maanle Nɛbukadenɛza vale Dwudama nee Gyɛlusalɛmma hɔle akɛlɛzonlenlɛ nu la.

16 Livae amra a le Gɛhyɔm,* Kohate yɛɛ Mɛlɛlae. 17 Gɛhyɔm amra ne mɔ aluma ɛne: Lebenae nee Hyemɛyae.+ 18 Kohate amra a le Amelam, Yezehaa, Hibulɔn yɛɛ Ɛzeɛle.+ 19 Mɛlɛlae amra a le Maalae nee Muhyae.

Ɛhye mɔ a le Livaema mbusua kɛ mɔɔ bɛ nenyia mɔ aluma ne mɔ de la:+ 20 Gɛhyɔm+ ara a le Lebenae, na ɔ ra a le Gyeehate, na ɔ ra a le Zema, 21 na ɔ ra a le Dwowaa, na ɔ ra a le Yedo, na ɔ ra a le Zila, na ɔ ra a le Gyiatɛlae. 22 Kohate amra* a le Amenadabe, na ɔ ra a le Kɔla,+ na ɔ ra a le Asɛ, 23 na ɔ ra a le Ɛlekeena, na ɔ ra a le Yibayasafe,+ na ɔ ra a le Asɛ, 24 na ɔ ra a le Teehate, na ɔ ra a le Yuleɛle, na ɔ ra a le Yuzaya, na ɔ ra a le Hyeewɛle. 25 Ɛlekeena amra a le Ameesae nee Ahaemɔto. 26 Ɛlekeena amra a le Zofae, na ɔ ra a le Neehate, 27 na ɔ ra a le Ɛlayabe, na ɔ ra a le Gyɛloham, na ɔ ra a le Ɛlekeena.+ 28 Samoɛle+ amra a le Dwowɛle, ye belamunli ralɛ ne, na mɔɔ tɔ zolɛ nwiɔ la a le Abaegya.+ 29 Mɛlɛlae amra* a le Maalae,+ na ɔ ra a le Lebenae, na ɔ ra a le Hyemɛyae, na ɔ ra a le Ɛzaa, 30 na ɔ ra a le Hyemea, na ɔ ra a le Hagaya yɛɛ ɔ ra a le Asaya.

31 Ɛhye mɔ a Devidi kpale bɛ kɛ bɛnlea edwɛndolɛ ne azo wɔ Gyihova sua nu ɛkɛ wɔ mekɛ mɔɔ bɛvale Ɛlɛka ne bɛraziele ɛkɛ ne la a.+ 32 Bɛdabɛ a ɛnee bɛto edwɛne wɔ ɛdanlɛsua ne anu a, ɛhye kile, nyianu ɛdanlɛsua ne anu, hɔkpulale kɛ Sɔlɔmɔn zile Gyihova sua ne wɔ Gyɛlusalɛm,+ na bɛyɛle bɛ gyima ne kɛ mɔɔ bɛhilele bɛ la.+ 33 Menli ɛhye mɔ a bɛ nee bɛ mra zonlenle a: Kohatema anu, edwɛndolɛnli Himan+ mɔɔ ɔle Dwowɛle+ ara Samoɛle ara 34 Ɛlekeena+ ara Gyɛloham ara Yileɛle ara Towa ara 35 Zɛfe ara Ɛlekeena ara Meehate ara Ameesae ara 36 Ɛlekeena ara Dwowɛle ara Azalaya ara Zɛfanaya ara 37 Teehate ara Asɛ ara Yibayasafe ara Kɔla ara 38 Yezehaa ara Kohate ara Livae ara Yizilayɛ ara.

39 Ɔ diema Esafe+ gyinlanle ɔ sa fema zo; Esafe le Bɛlikaya ara Hyemea ara 40 Maekeɛle ara Beeyasaya ara Malekaegya ara 41 Ɛtenae ara Zila ara Adaya ara 42 Yitan ara Zema ara Hyemɛyae ara 43 Gyeehate ara Gɛhyɔm ara Livae ara.

44 Mɛlɛlae+ abozoamra mɔɔ bɛle bɛ mediema la gyinlanle bɛ sa bɛne zo; Yitan+ le Kehyae ara Abedae ara Malɛke ara 45 Hahyabaya ara Amazaya ara Helekaya ara 46 Amezae ara Beenae ara Hyimɛ ara 47 Maalae ara Muhyae ara Mɛlɛlae ara Livae ara.

48 Bɛkpale bɛ mediema Livaema ne* kɛ bɛyɛ nɔhalɛ Nyamenle ne sua ne anu gyima kɔsɔɔti.+ 49 Aalɔn nee ɔ mra ne mɔ+ bɔle afɔle wɔ ɛyelalɛ afɔlemokyea ne+ nee ayilevuanlɛ afɔlemokyea ne+ azo, bɛyɛle gyima mɔɔ fale ninyɛne nwuanzanwuanza kpalɛ ne mɔ anwo la na bɛlile Yizilayɛma ati mgbɔdalɛ,+ kɛ mɔɔ nɔhalɛ Nyamenle ne sonvolɛ Mosisi hanle la amuala. 50 Aalɔn abozoamra ɛne:+ Ɔ ra a le Ɛlieza,+ na ɔ ra a le Fenɛhaze, na ɔ ra a le Abehyua, 51 na ɔ ra a le Bɛkae, na ɔ ra a le Ɛzae, na ɔ ra a le Zɛlahaya, 52 na ɔ ra a le Mɛlayɔto, na ɔ ra a le Amalaya, na ɔ ra a le Ahaetɛbe,+ 53 na ɔ ra a le Zeedɔko+ yɛɛ ɔ ra a le Ahaemaze.

54 Ɛleka mɔɔ bɛdɛnlanle na bɛyɛle bɛ azokoɛleɛ* wɔ azɛlɛ ne azo la ɛne: mɔɔ bɛguale ma* ne la, mɔɔ limoa la bɔle Aalɔn abozoamra mɔɔ bɛwɔ Kohate abusua ne anu la, 55 bɛvale Hibulɔn+ mɔɔ wɔ Dwuda azɛlɛ zo la nee nwolɛ adidileka ne bɛmaanle bɛ. 56 Noko bɛvale azɛlɛ nee ɛleka mɔɔ zuozua suakpole ne la bɛmaanle Gyɛfɛna ara Keelɛbe.+ 57 Na bɛvale ɛvealeka azuamgbole*+ bɛmaanle Aalɔn abozoamra, Hibulɔn+ yɛɛ Lebena+ nee nwolɛ adidileka, Gyatɛ,+ Ɛhyetɛmowa nee nwolɛ adidileka,+ 58 Haelɛn nee nwolɛ adidileka, Dibɛ+ nee nwolɛ adidileka, 59 Ehyan+ nee nwolɛ adidileka yɛɛ Bɛte-hyimɛhye+ nee nwolɛ adidileka; 60 na Bɛngyaman abusua ne anu, bɛvale Giba+ nee nwolɛ adidileka, Alɛmɛte nee nwolɛ adidileka yɛɛ Anatɔto+ nee nwolɛ adidileka bɛmaanle bɛ. Azuamgbole mɔɔ bɛvale bɛmaanle bɛ mbusua ne mɔ la amuala le azuamgbole 13.+

61 Mɔɔ bɛguale ma la, bɛvale azuamgbole bulu bɛmaanle Kohatema mɔɔ ɛha la. Bɛnyianle azuamgbole ne mɔ bɛvile abusua ekpunli ne nee Manasɛ abusua foa ko ne ɛkɛ.+

62 Bɛvale Yesakaa abusua ne, Ahya abusua ne, Nafetalae abusua ne yɛɛ Manasɛ abusua ne mɔɔ wɔ Beehyan la azuamgbole 13 bɛmaanle Gɛhyɔm mbusua ne mɔ.+

63 Bɛguale ma na bɛvale Wulubɛn abusua ne, Gaade abusua ne yɛɛ Zɛbulɛn abusua ne+ azuamgbole 12 bɛmaanle Mɛlɛlae mbusua ne mɔ.

64 Ɔti Yizilayɛma vale azuamgbole ɛhye mɔ nee nwolɛ adidileka maanle Livaema.+ 65 Yeanga ye zɔ, bɛguale ma bɛvale Dwuda abusua ne, Semɛyɔn abusua ne yɛɛ Bɛngyaman abusua ne azuamgbole ɛhye mɔ mɔɔ bɛbobɔ bɛ aluma la bɛmaanle bɛ.

66 Kohate mbusua ne mɔ bie nyianle azuamgbole vile Yifelaem abusua ne ɛkɛ ne kɛ bɛ azɛlɛ.+ 67 Bɛvale ɛvealeka azuamgbole* Hyikɛm+ nee nwolɛ adidileka wɔ Yifelaem awoka ne mɔ azo, Gizɛ+ nee nwolɛ adidileka, 68 Dwɔkemɛyam nee nwolɛ adidileka, Bɛte-hɔlɔn+ nee nwolɛ adidileka, 69 Ayegyalɔn+ nee nwolɛ adidileka yɛɛ Gate-relemɔn+ nee nwolɛ adidileka bɛmaanle bɛ; 70 na bɛvale Manasɛ abusua foa ko ne, Enɛ nee nwolɛ adidileka yɛɛ Baelɛyam nee nwolɛ adidileka bɛmaanle Kohate mbusua ne mɔ mɔɔ ɛha la.

71 Bɛvale Manasɛ abusua foa ko ne, Golan+ mɔɔ wɔ Beehyan la nee nwolɛ adidileka yɛɛ Ahyetalɔto nee nwolɛ adidileka bɛmaanle Gɛhyɔmma;+ 72 yɛɛ Yesakaa abusua ne, Kidɛhye nee nwolɛ adidileka, Dabɛlate+ nee nwolɛ adidileka,+ 73 Releemɔto nee nwolɛ adidileka yɛɛ Enɛm nee nwolɛ adidileka; 74 yɛɛ Ahya abusua ne, Meehyale nee nwolɛ adidileka, Abedɔn nee nwolɛ adidileka,+ 75 Hukɔko nee nwolɛ adidileka yɛɛ Rilihɔbo+ nee nwolɛ adidileka; 76 yɛɛ Nafetalae abusua ne, Kidɛhye+ mɔɔ wɔ Galeli+ la nee nwolɛ adidileka, Hamɔn nee nwolɛ adidileka yɛɛ Keleateeyem nee nwolɛ adidileka.

77 Bɛvale Zɛbulɛn abusua ne,+ Relemeno nee nwolɛ adidileka, Teebɔ nee nwolɛ adidileka bɛmaanle Mɛlɛlaema mɔɔ ɛha la; 78 na wɔ Dwɔdan maanzinli ne anu wɔ Gyɛleko mɔɔ kɔ Dwɔdan aduduleɛ la afoa nu, bɛvale Wulubɛn abusua ne, Bizɛ mɔɔ wɔ fienemgbole ne anu la nee nwolɛ adidileka, Gyeehaze+ nee nwolɛ adidileka, 79 Kidɛmɔto+ nee nwolɛ adidileka yɛɛ Mɛfeeyate nee nwolɛ adidileka bɛmaanle bɛ; 80 yɛɛ bɛvale Gaade abusua ne, Releemɔto mɔɔ wɔ Geleade nee nwolɛ adidileka, Meehaneeyem+ nee nwolɛ adidileka, 81 Hɛhyebɔn+ nee nwolɛ adidileka yɛɛ Gyeezɛ+ nee nwolɛ adidileka bɛmaanle bɛ.