Edwɛkɛsisilɛ Mɔɔ Limoa

4 Dwuda amra a le Pilɛze,+ Hɛzelɔn,+ Kaamae, Hɛɛ+ yɛɛ Hyobale.+ 2 Hyobale ara Riliaya wole Gyeehate; Gyeehate wole Ahumae nee Leehade. Zolama mbusua ne mɔ ɛne.+ 3 Yitam+ papa amra ne mɔ ɛne: Gyɛzeɛle, Yehyema yɛɛ Yedebahye (na bɛfɛlɛ bɛ diema raalɛ ne Hazɛlɛponae), 4 na Pɛnuwɛle ara a le Gidɔ, yɛɛ Yizɛ ara a le Huhya. Ɛfelata belamunli ralɛ Hɛɛ+ mɔɔ wole Bɛtelɛhɛm+ la amra ne mɔ ɛne. 5 Tɛkowa+ papa Ahyɔɔ+ gyale mraalɛ nwiɔ, Hila nee Neeyala. 6 Ɔ nee Neeyala wole Ahuzam, Hifɛ, Timɛnae yɛɛ Hayahahyetalae. Neeyala amra ɛne. 7 Na Hila amra a le Zilɛte, Yezehaa yɛɛ Ɛtenan. 8 Kɔɔzo wole Enɔbo, Zobiba yɛɛ Heelɔm ara Ahaahɛle mbusua ne mɔ.

9 Bɛlile Gyeebɛze eni bɛdɛlale ɔ mediema ne mɔ; na ye mame donle ye Gyeebɛze,* na ɔhanle kɛ: “Menwole ye wɔ nyane nu.” 10 Gyeebɛze zunle vɛlɛle Yizilayɛ Nyamenle ne na ɔhanle kɛ: “O, anrɛɛ wɔayila me na wɔamaa me azɛlɛ ne ayɛ kpole na wɔamaa ɛ sa ara me nwo zo na wɔalie me wɔavi ngyegyelɛ nu na esiane biala ando me!” Ɔti Nyamenle yɛle mɔɔ ɔbizale la ɔmaanle ye.

11 Hyuha adiema Kilɛbe wole Mihɛ mɔɔ wole Ɛhyetɔn la. 12 Ɛhyetɔn wole Bɛte-leefa, Pasiya yɛɛ Ye-neehahye papa Tɛhena. Ɛhye mɔ le Rilika mrenyia. 13 Na Kinaze amra a le Ɔteneɛle+ nee Sɛlaya, yɛɛ Ɔteneɛle ara* a le Heetate. 14 Miyonotae wole Ɔfela. Sɛlaya wole Gyi-halehyem* papa Dwowabe, bɛfɛlɛ ye zɔ ɔluakɛ ɛnee bɛle dwinvolɛma.

15 Gyɛfɛna ara Keelɛbe+ amra a le Ayelu, Yilaa yɛɛ Neeyam; yɛɛ Yilaa ara* a le Kinaze. 16 Gyɛhalɛle amra a le Zefe, Zaefa, Taelea yɛɛ Asela. 17 Ɛzelaa amra a le Gyita, Milɛde, Yifɛ yɛɛ Gyelɔn; ɔnrenzɛle* na ɔwole Meleam, Hyamae yɛɛ Ɛhyetɛmowa papa Yehyeba. 18 (Na ɔ ye Dwuunli ne wole Gidɔ papa Gyilɛde, Soko papa Hibɛ yɛɛ Zanowa papa Gyekuteɛle.) Falo ara raalɛ Bitaya mɔɔ Milɛde gyale ye la amra ɛne.

19 Hodaya aye ne mɔɔ le Neeham adiema raalɛ la a wole Kaela mɔɔ vi Gaam la nee Meeyakatenli Ɛhyetɛmowa a. 20 Na Hyaemɔn amra a le Amenɔn, Relena, Bɛne-heenan yɛɛ Taelɔn. Na Yehyae amra a le Zohɛte yɛɛ Bɛne-zohɛte.

21 Dwuda ara Hyila amra+ a le Likaa papa Ɛɛ, Malihyaa papa Leeyada nee mbusua mɔɔ bɛnwo ndanlɛ mgbalɛ mɔɔ bɛvi Ahyebia sua nu la, 22 nee Dwokem, Koziba mrenyia, Dwowahye nee Sɛlafe mɔɔ bɛgyale Mowabe mraalɛ la yɛɛ Gyahyubi-liham. Kɛlɛtokɛ ɛhye mɔ vi tete.* 23 Bɛle mbuakɛ nwovolɛma mɔɔ dɛnlanle Nɛteeyɛm nee Gɛdila. Bɛdɛnlanle ɛkɛ na bɛyɛle gyima bɛmaanle belemgbunli ne.

24 Semɛyɔn amra+ a le Nɛmuwɛle, Gyeemen, Gyeelebe, Zila yɛɛ Hyeewɛle.+ 25 Na ɔ ra a le Hyalɛm, na ɔ ra a le Mebesam, na ɔ ra a le Mehyema. 26 Na Mehyema ara* a le Hamuwɛle, na ɔ ra a le Zakɛ, na ɔ ra a le Hyemɛyae. 27 Na Hyemɛyae wole mrenyia 16 nee mraalɛ 6; noko ɔ mediema mrenyia ne mɔ anwo mrenyia dɔɔnwo, yɛɛ bɛ mbusua ne mɔ anu biala anwo dɔɔnwo kɛ Dwuda mrenyia la.+ 28 Bɛdɛnlanle Biyɛ-hyiba,+ Moleeda,+ Heeza-hyuale,+ 29 Belehaa, Yizɛm,+ Tolade, 30 Bɛtuwɛle,+ Hɔɔma,+ Zekelage,+ 31 Bɛte-maekabɔto, Heeza-susem,+ Bɛte-belae yɛɛ Hyaleeyem. Ɛnee bɛ azuamgbole ɛne, kɔkpula kɛ Devidi rayɛle belemgbunli la.

32 Eza bɛdɛnlanle Yitam, Eyen, Relemɔn, Tokɛn yɛɛ Ehyan,+ bɛle azuamgbole nnu, 33 nee ɛleka mɔɔ bɛdɛnlanle wɔ azuamgbole ɛhye mɔ azo too kɔdwu Beeyale la. Kɛzi bɛhɛlɛle bɛ aluma wɔ bɛ mbusua kɛlɛtokɛ ne mɔ anu nee ɛleka mɔɔ bɛdɛnlanle la ɛne. 34 Mihyobabe, Gyamelɛke, Amazaya ara Dwohyaa, 35 Dwowɛle, Aseɛle ara Sɛlaya ara Dwohyebaya ara Gyihu 36 nee Ɛleyoyinae, Gyeekoba, Gyɛhyohaya, Asaya, Adeɛle, Gyɛsemeɛle, Bɛnaya 37 nee Zaeza ara Hyaefae ara Alɔn ara Gyedeeya ara Hyemelae ara Hyɛmaya; 38 ɛnee menli ɛhye mɔ mɔɔ bɛbobɔ bɛ aluma la le mbusua mgbanyinli wɔ bɛ mbusua nu, na bɛ papa mɔ sua nu amra abo zo dɛlɛle. 39 Na bɛhɔle Gidɔ kandiba ne mɔɔ wɔ aduduleɛ bɔnza ne anu la kɛ bɛkakpondɛ adidileka bɛamaa bɛ nyɛmoa. 40 Bɛnyianle adidileka kpalɛ mɔɔ kye aleɛ na azɛlɛ ne le kpole na zolɛ le koonwu na anzodwolɛ wɔ zolɛ la. Menli mɔɔ ɛnee de ɛkɛ ne la le Ham abozoamra.+ 41 Menli ɛhye mɔ mɔɔ bɛhɛlɛle bɛ aluma la rale wɔ Dwuda Belemgbunli Hɛzikaya+ mekɛ zo na bɛbubule Ham abozoamra nee Mɛyunɛmma mɔɔ ɛnee de ɛkɛ la ɛdanlɛ azua ne mɔ. Bɛzɛkye bɛ too a yeradwu ɛnɛ a; na bɛdɛnlanle bɛ bo zo ne ɔluakɛ bɛnyianle adidileka wɔ ɛkɛ bɛmaanle bɛ nyɛmoa ne mɔ.

42 Semɛyɔnoma bie mɔ, mrenyia 500, hɔle Siyɛ Boka+ ne azo, bɛ nee Yehyae amra Pɛlataya, Nialaya, Relɛfaya nee Ɛzeɛle mɔɔ bɛlile bɛ nyunlu la a hɔle a. 43 Na bɛhunle Amalɛkema+ mɔɔ hale mɔɔ bɛnriandile la, na bɛdɛnla ɛkɛ ne too a yeradwu ɛnɛ a.