EBI ABAKRISTAAYO TWINE KUKORA
Ebicweka Ebirikuhwera Ebiri omu Kitabo Yesiimire Amagara Ebiro Byona!
Nookunda kukoresa vidiyo n’ebibuuzo ebirikuhwera omwegi kugamba eki arikuteekateeka ebiri omu kitabo Yesiimire Amagara Ebiro Byona! Kandi shi ebicweka “Abamwe Nibagira Ngu,” “Ekigyendererwa,” na “Jumbura Ebindi”? Ni bicweka ki ebindi ebirikubaasa kukuhwera waaba nooyegyesa omwegi wa Baibuli?—Mat 28:19, 20.
Vidiyo n’ebindi: Waabo nookunda kwegyeseza omwegi wa Baibuli omu kitabo ekiteirwe, noobaasa kurahuka ota kutunga vidiyo zoona n’ebindi omu mwanya gumwe? Omu kitabo eky’aha mukura, toorana ekicweka kimwe omu bicweka bina ebikuru. Ahansi y’emitwe y’amashomo goona toorana vidiyo n’ebindi eby’ekicweka ekyo. (Reeba ekishushani 1.)
“Eky’okuteera”: Waaba nooyegyesa omuntu orikukoresa ekitabo eky’aha kyoma, nikibaasa kukuhwera obumwe n’obumwe waakoresa “Eky’okuteera” omu kwega. Waaba n’omwegyesa, imata aha butoonyezo bushatu oburi aha mutwe reero otoorane “Eky’okuteera.” Eki nikibaasa kukuhwera kuguma nooteekateeka aha ku ebi orikwegyesa biine akakwate n’omutwe gw’eishomo ryona. Kubaasa kugaruka aha ky’aha mukura, garuka oyimate aha butoonyezo bushatu reero otoorane “Eky’aha Mukura.”
“Nyeteekateekire?”: Obubokusi obu oburi haihi n’ahamuheru gw’ekitabo nibworeka ebi omuntu aine kuhikiiriza kubaasa kutandika kubuurira n’ekibiina n’okuhika aha kubatizibwa. (Reeba ekishushani 2.)
Ebirikukiraho: Ebirikukiraho nibishoboorora emitwe emwe emikuru. Ekitabo eky’aha mukura kiine linki aha buri muheru gw’ebirikukiraho erikukutwara omu eishomo eri orikuba waaba orimu. (Reeba ekishushani 2.)
Teeraho kuhamya ngu waaheza kwegyesa omwegi orikutunguuka omu kitabo Yesiimire Amagara Ebiro Byona! n’obu yaakubatizibwa atakakiherize. Noobaasa kugumizamu noobara eshaaha ezi orikumara noomwegyesa, emirundi ei orikumugarukira, kandi omubare nk’omwegi n’obu yaakuba yaabatiziibwe. Haagira omubuurizi owaakwegaitaho omu kwegyesa omwegi ogwo, nawe naabaasa kubara eshaaha ezi muraamare