Yegyendesereze Okujanjaaza Ebishuba

Obunaku obu, obutumwa nibubaasa kuhika aha bantu baingi juba kurabira omu biteirwe, radiyo, tiivi n’aha mukura. Abo abarikuramya “Ruhanga ow’amazima” tibarikwenda kujanjaaza ebishuba, n’obu barikuba batakigyendereire. (Zab 31:5 NW; Kur 23:1) Ebishuba byajanjaazibwa nibibaasa kureetaho akabi k’amaani. Waaba nooteeraho kumanya yaaba ekirikugambwa n’amazima, yebuuze oti:

• ‘Nibiruga aha muntu orikwesigwa?’ Orikuba naagamba naabaasa kuba atarikumanya byona ebirikutwarirwamu. Abantu baaba nibagaaniira n’abandi, obumwe nibagira ebi baahindura, n’ahabw’ekyo oine kwegyendesereza waaba otarikumanya ahu birikuruga. Ahabw’okugira ngu abaine obujunaanizibwa omu kibiina nibeesigwa omu bi barikugamba, baine kwegyendesereza kutajanjaaza obutumwa obutaine buhame

• ‘Obutumwa obu haine ou burikushiisha?’ Bwaba nibureetera abandi kutandika kuteekateeka kubi aha muntu nari guruupu y’abantu, n’eky’obwengye kutabujanjaaza.​—Enf 18:8; Fil 4:8

• ‘Ebi naahurira n’amazima?’ Yegyendesereze waahurira ebitebyo ebirikutangaaza

MUREEBE VIDIYO NIMBAASA KUTAJANJAAZA NTA ORUGAMBO? REERO MUGARUKYEMU EBIBUUZO EBI:

• 

  Kurugiirira aha biri omu Enfumu 12:18, ebigambo nibibaasa kureetaho kabi ki?

• 

  Ebiri omu Abafilipi 2:4 nibituhwera bita kucwamu gye ebi turikugamba aha bandi?

• 

  Twine kukora ki abandi baagamba kubi aha bandi nari baabakiniika?

• 

  Tutakatandikire kugamba aha bandi, twine kubanza twayebuuza bibuuzo ki?