EBI ABAKRISTAAYO TWINE KUKORA
Mara Obwire n’Abarikukunda Yehova
Ahabw’enki twine kumara obwire n’abarikukunda Yehova? Ahabw’okuba abantu abu turikumara nabo obwire nibabaasa kutureetera kukora ebintu birungi nari bibi. (Enf 13:20) Nk’eky’okureeberaho, Omugabe Yoasi “akakora ebirikusiimwa” Yehova obu yaabaire naamara obwire n’Omunyamurwa Omukuru Yehoyaada. (2Bus 24:2) Yehoyaada ku yaafiire, Yoasi akarekyera aho kuheereza Yehova ahabw’abanywani babi.—2Bus 24:17-19.
Omu kyasha ky’okubanza Y.A.K., entumwa Paulo akagyeragyeranisa ekibiina Ekikristaayo n’enju mpango kandi yaagyeragyeranisa ab’eishe-emwe omu kibiina ‘n’ebintu’ ebirikukoresibwa omu nju. Nituguma turi “orwabya rw’okukoresa omurimo gw’ekitiinisa” twayetantara kumara obwire bwingi n’omuntu weena orikukora ebi Yehova arikwanga, otwariiremu abanyabuzaare nari abari omu kibiina. (2Tim 2:20, 21) N’ahabw’ekyo, ka tugumizemu nitusherura abanywani abarikukunda Yehova kandi abarikutuhiga kuguma nitumuheereza.
MUREEBE VIDIYO YEGA KWETANTARA ABANYWANI BABI, REERO MUGARUKYEMU EBIBUUZO EBI:
Nitubaasa kumara tuta obwire n’abanywani babi tutakimanyire?
Omu vidiyo egi, niki ekyahwereire ab’eishe-emwe babiri na munyaanyazi-itwe kureka abanywani babi?
Ni misingye ki ey’omu Baibuli erikubaasa kukuhwera kutoorana gye abanywani?
Ndi “orwabya rw’okukoresa omurimo gw’ekitiinisa”?—2Tim 2:21